БАРИЛГЫН АЖЛЫН АЮУЛГҮЙ АЖИЛЛАГААНЫ ЖУРМЫН ТӨСӨЛД САНАЛ АВЧ БАЙНА. Барилга, хот байгуулалтын сайдын 2017 оны 195 дугаар тушаалаар батлагдсан “Барилгын ажлын аюулгүй ажиллагааны Үлгэрчилсэн журам”-ын хүрээнд Барилгын ажлын аюулгүй ажиллагааны журмын төслийг мэргэжлийн холбоод, төрийн бус байгууллагуудаас санал авч нэгтгэн боловсруулах ажил хийгдэж байна. Иймд барилгын салбарт үйл ажиллагаа эрхэлж буй иргэн, хуулийн этгээд та бүхэн дээрх журмын төсөлтэй танилцаж саналаа дараах QR кодыг ашиглан ирүүлнэ. Санал ирүүлэх хугацаа: 2024-11-11 НИЙСЛЭЛИЙН ХЯНАЛТ ШАЛГАТЫН ГАЗАР

БАРИЛГЫН АЖЛЫН АЮУЛГҮЙ АЖИЛЛАГААНЫ ЖУРАМ

Нэг. Нийтлэг үндэслэл:

1.1.Энэ журмын зорилго нь барилгын ажлын явцад гарч болзошгүй аюул, ослоос урьдчилан сэргийлэх, барилгын ажлын талбай түүний гаднах эрсдэл бүхий орчны аюулгүй байдлыг бүрдүүлэх, хяналт тавих, хөдөлмөрийн аюулгүй байдал, эрүүл ахуйн хууль тогтоомж, стандартын шаардлагыг хэрэгжүүлэхтэй холбогдсон харилцааг зохицуулахад оршино.

1.2.Иргэний хууль, Хөдөлмөрийн тухай, Хөдөлмөрийн аюулгүй байдал, эрүүл ахуйн тухай, Барилгын тухай хууль болон тэдгээртэй нийцүүлэн гаргасан хууль тогтоомжийн бусад актай нийцсэн байна.

1.3.Энэ журмыг Нийслэл Улаанбаатар хотын нутаг дэвсгэрт барилга байгууламж бариулж буй барилгын ажлын захиалагч, зураг төсөл зохиогч, барилга, байгууламж /өргөх байгууламж, инженерийн шугам сүлжээ/-ийн зураг төсөлд магадлал хийх эксперт, барилгын ажил гүйцэтгэгч, зөвлөх үйлчилгээ үзүүлэгч иргэн, хуулийн этгээд, барилгын материал үйлдвэрлэгч, ханган нийлүүлэгч, барилгын салбарын ажилтан, барилга байгууламжийг өмчлөгч, эзэмшигч, барилга байгууламжийн техникийн улсын хяналтын хэрэгжүүлэгч этгээд болон бусад барилгын үйл ажиллагаанд оролцогчид өмчийн хэлбэр харгалзахгүйгээр дагаж мөрдөнө.

1.4.Барилгын үйл ажиллагаанд оролцогч бүх талууд Холбогдох хууль, тогтоомж болон Монгол Улсын барилгын норм ба дүрмүүд /БНбД-12-03-04, БНбД-12-04-06/, Улаанбаатар хотын стандарт UCS /0301B:2022, UCS 0901B:2022, UCS 1706A:2022, UCS 1701A:2022/-уудыг үйл ажиллагаандаа бүрэн хэрэгжүүлбэл зохино.

Хоёр.Барилгын ажлын зохион байгуулалтад тавих хөдөлмөрийн аюулгүй байдал, эрүүл ахуйн шаардлага:

2.1.Барилгын ажлын талбай түүний гаднах эрсдэл бүхий орчинд хөдөлмөрийн аюулгүй байдал, эрүүл ахуйн шаардлага хангах, аюул, ослоос урьдчилан сэргийлэх арга хэмжээг хөрөнгө оруулагч, захиалагч, зураг төсөл зохиогч, гүйцэтгэгч хариуцан хэрэгжүүлнэ.

2.2.Барилгын ажлын талбай түүний гаднах эрсдэл бүхий орчны аюулгүй байдлыг барилгын ажлын зохион байгуулалт, технологийн үйл ажиллагаатай нь уялдуулж хангах талаар дараах баримт бичигт тусгана:

2.2.1.цогцолбор барилга байгууламж, хороолол, бичил хороололын хувьд барилгын зохион байгуулалтын төсөл; 2.2.2.тусгайлсан барилгын хувьд ажил гүйцэтгэх төсөл.

2.3.Энэ журмын 2.2.1-д заасан цогцолбор барилга байгууламж, хороолол, бичил хорооллын барилга байгууламжийн “Барилгын ажлын талбайн зохион байгуулалтын зураг”, ”Барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар”-ыг захиалагч боловсруулж батална.

2.4.Энэ журмын 2.2.2-д заасан тухайлсан барилга байгууламжийн “Барилгын ажлын талбайн зохион байгуулалтын зураг”, “Барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар”-ыг гүйцэтгэгч боловсруулж, захиалагчтай хамтран батална.

2.5.”Барилгын ажлын талбайн зохион байгуулалтын зураг”,”Барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар”, ”Барилгын үйлдвэрлэлийн хөдөлмөрийн аюулгүй ажиллагааны дүрэм, ”Барилгын үйлдвэрлэлийн хөдөлмөрийн аюулгүй ажиллагааны дүрэм”, “Техникийн аюулгүй ажиллагааны дүрэм”-ийг хөрөнгө оруулагч, захиалагч, гүйцэтгэгч, зураг төсөл зохиогч барилгын ажлыг эхлүүлэх, үргэлжлүүлэхээс барилга байгууламжийг ашиглалтад оруулах хүртэл хугацаанд дагаж мөрдөнө.

2.6.Хороолол, бичил хорооллын дунд барилгын ажил гүйцэтгэхдээ тухайн орчинд ажиллаж, амьдарч байгаа иргэдийн ая тухтай амьдрах орчин нөхцөлийг алдагдуулахгүй байх, нийтийн эзэмшлийн зам талбайг ашиглах, замын орц, гарцыг хаах зэрэг асуудлыг захиалагч зохих журмын дагуу эрх бүхий байгууллагаас зөвшөөрөл авна.

2.7.Захиалагч гүйцэтгэгчтэй хамтран барилгын ажил эхлэхийн өмнө тухайн барилгын үйлдвэрлэлийн үйл ажиллагааны эрсдэлийн ерөнхий үнэлгээг хийж, эрсдлээс урьдчилан сэргийлэх арга хэмжээний төлөвлөгөө боловсруулан шаардлагатай санхүүжилтын зардлыг тооцож гаргасан байна.

2.8.Энэ журмын 2.7-д заасан зардалд барилгын ажлын талбайн зохион байгуулалт, үйлдвэрлэлийн үйл ажиллагааны зардлаас гадна дараах тоног төхөөрөмж, техник хэрэгслийн зардлыг заавал тусгана.

2.8.1.барилгын гадна хашаа, шат, унах аюулаас хамгаалах тор, хаалт, татлага, ажилчдын ахуйн байр, аюулгүй бүсийг тогтоох хашлагын хамгаалалт;

2.8.2.”Барилгын төсөв зохиох дүрэм”-д барилгын ажилчдын хөдөлмөрийн багаж хэрэгсэл, ажлын хувцас, хөдөлмөрийн аюулгүй байдал, эрүүл ахуйн арга хэмжээний болон нэмэгдэл зардлыг заасан.

2.9.Барилгын ажлын талбай түүний гаднах эрсдэл бүхий орчинд гарч болзошүй аюул, ослоос урьдчилан сэргийлэх зорилгоор ажлын байрны эрсдэлийн үнэлгээг дараах нөхцөлд хийнэ:

2.9.1.барилгын үе шатны ажил эхлэхийн өмнө ажилбар бүрд;

2.9.2.дотоод хяналтаар зөрчил илэрсэн тухай бүрд;

2.9.3.ажлын байр өөрчлөгдөх бүрд;

2.9.4.туслан гүйцэтгэгчтэй байгуулсан гэрээт ажил эхлэх бүрд;

2.9.5.шинэ технологи, арга барил, материал, бодис хэрэглэх бүрд;

2.9.6.үйлдвэрлэлийн осол, гэмтэл гарах бүрд;

2.10.Энэ журмын 2.9.1 “барилгын үе шатны ажил эхлэхийн өмнө ажилбар”, 2.9.3 “ажлын байр өөрчлөгдөх”, 2.9.5 “шинэ технологи, арга барил, материал, бодис хэрэглэх”, 2.9.6 “үйлдвэрлэлийн осол, гэмтэл гарах” заалтуудад заасан үнэлгээг ерөнхий гүйцэтгэгчийн талбайн инженер, хөдөлмөрийн аюулгүй байдал, эрүүл ахуйн ажилтан, мөн журмын 2.9.2, 2.9.4 заалтуудад заасан үнэлгээг ерөнхий болон туслан гүйцэтгэгчийн тухайн асуудал хариуцсан инженер тус тус хариуцан гүйцэтгэнэ.

2.11.Эрсдлийн үнэлгээ хийхдээ ажилтнуудын нэр зааж томилсон тухайн ажлын байранд ажиллаж байгаа ажилтныг заавал оролцуулна.

2.12.Гүйцэтгэгч үйл ажиллагааны эрсдэлийн түвшингээс хамаарч 1-ээс дээш тооны орон тооны хөдөлмөрийн аюулгүй байдал, эрүүл ахуйн ажилтан ажиллуулна.

2.13.Хөдөлмөрийн аюулгүй байдал, эрүүл ахуйн баг, ажилтан холбогдох сургалтанд хамрагдаж дараах чадварыг эзэмшиж, мэргэшсэн байна:

2.13.1.ажлын байранд болзошгүй аюул, осол гарах нөхцлийг мэддэг байх;

2.13.2.ажлын нөхцөл нь хөдөлмөрийн аюулгүй байдал, эрүүл ахуйн шаардлага хангаагүйг шалгаж, илрүүлэх чадвартай байх;

2.13.3.хөдөлмөрийн аюулгүй байдал,эрүүл ахуйн шаардлагыг хангах шуурхай арга хэмжээг авч хэрэгжүүлэх чадвартай байх;

2.14.Хөдөлмөрийн аюулгүй байдал, эрүүл ахуйн баг, ажилтан энэ журмын 2.7-д заасан төлөвлөгөөний дагуу аюулгүй ажиллагааны сургалт, ажлын байрны үзлэг, шалгалтыг барилгын үе шатны ажилтантай уялдуулан долоо хоног, сар, улирлаар төлөвлөж гүйцэтгэнэ.

2.15.Энэ журмын 2.7-д заасан ажлыг гүйцэтгэхтэй холбогдон гарах зардлыг гүйцэтгэгчийн эрх бүхий ажилтан тухай бүр баталж, зарцуулна.

2.16.Талбайн инженер, хэсгийн инженер (цахилгааны инженер, механик инженер, сантехникийн инженер), бригадын дарга, ахлах тогооч, ахлах нярав, харуулын ахлах зэрэг Хөдөлмөрийн аюулгүй байдал, эрүүл ахуйн тухай хуулийн 27 дугаар зүйлийн 27.5 дахь хэсэгт заасан хэлтэс, албаны дарга, нэгж, тасгийн ахлагч, тэдгээртэй адилтгах албан тушаалтнууд энэхүү хуулиар олгосон үүргийнхээ дагуу өөрийн удирдлагад ажилладаг нийт ажилтануудад өдөр тутмын аюулгүй ажиллагааны зааварчилгааг “Хөдөлмөрийн аюулгүй ажиллагаа, эрүүл ахуйн сургалт. Зохион байгуулалт. Үндсэн дүрэм” MNS4969:2000 стандартыг баримтлан өгч, гарын үсэг зуруулж баталгаажуулна.

2.17.Өдөр тутмын зааварчилгааны агуулга нь тухайн ажилтны ажлын байрны үйлдвэрлэлийн процесс, гүйцэтгэх ажлын онцлог, машин техник, багаж, хэрэгсэл ашиглах болон ажлын явцад үүсэж болох сөрөг хүчин зүйл, түүнээс хамгаалах хэрэгсэл, тэдгээрийг ашиглах заавар, аюулгүйн ажиллагааны арга барил, үйлдвэрлэлийн өргөх тээвэрлэх машин механизм, даралтат сав, шугам хоолой, цахилгаан тоног төхөөрөмжийн ашиглалт, аюулгүй ажиллагааны шаардлага, галын аюулгүй байдлыг хангах, журам, гал түймэр гарсан үед авах арга хэмжээ, гал унтраах хэрэгсэл, тэдгээрийг ашиглах, хадгалах, осолдогчдод үзүүлэх анхын тусламж зэрэг ба үүгээр үл хязгаарлагдах асуудлууд болно.

2.18.Ажилтны ажлын байр өөрчлөгдөх үед болон ажилд шинээр орсон, үйлдвэрлэлийн дадлагажигч, оюутан, сурагчдад мөнхүү стандартын агуулгаар ажлын байрны анхан шатны зааварчилгаа өгөх ба зааварчилгаа өгсөн ажилтан шалгалт авч хангалттай гэж үзвэл уг ажилтанд бие даан ажиллах зөвшөөрөл олгоно.

2.19.Ажлын байран дахь анхан шатны зааварчилгааны агуулга нь тухайн ажилтны ажлын байрны үйлдвэрлэлийн процесс, гүйцэтгэх ажлын онцлог, машин техник, багаж, хэрэгсэл ашиглах болон ажлын явцад үүсэж болох сөрөг хүчин зүйл, түүнээс хамгаалах хэрэгсэл, тэдгээрийг ашиглах заавар, аюулгүйн ажиллагааны арга барил, үйлдвэрлэлийн өргөх тээвэрлэх машин механизм, даралтат сав, шугам хоолой, цахилгаан тоног төхөөрөмжийн ашиглалт, аюулгүй ажиллагааны шаардлага, галын аюулгүй байдлыг хангах, журам, гал түймэр гарсан үед авах арга хэмжээ, гал унтраах хэрэгсэл, тэдгээрийг ашиглах, хадгалах, осолдогчдод үзүүлэх анхын тусламж зэрэг болно.

2.20.Зааварчилгаа өгсөн байдал, анхан шатны албан баримт бичиг болох зааврын агуулга, боловсруулсан байдалд хөдөлмөрийн аюулгүй байдал, эрүүл ахуйн ажилтан шуурхай хяналт тавьж, мэргэжлийн зөвлөгөө, тусламж үзүүлэн, зөрчлийг арилган хамтран ажиллана.

2.21.Ажлыг аюулгүй гүйцэтгэхэд мөрдөх аюулгүй ажиллагааны зааврыг барилгын талбайд байрлуулсан арматур боловсруулах бүх төрлийн тоног төхөөрөмж, ширээ хөрөө, шавар зуурагч, барилгын ирмэг задгай хэсэг, бүх төрлийн давхар хоорондын шат ба түүний хонгил, ажилтнуудын зорчих хэсгүүд, эдгээрээр үл хязгаарлагдах үйлдвэрлэлийн аюултай ба хортой хүчин зүйлийн үйлчлэл бүхий газруудад ажилтнуудын нүдэнд ил харагдахуйц, тодорхой байдлаар А4 форматаас багагүй хэмжээгээр хэвлүүлэн, анхааруулах, хориглох, сануулах, заах зэрэг холбогдох санамж тэмдгийн хамт байрлуулна.

2.22.Захиалагчийн хөдөлмөрийн аюулгүй ажиллагаа, эрүүл ахуй хариуцсан ажилтнууд гүйцэтгэгчийн үйл ажиллагаан дахь хөдөлмөрийн аюулгүй ажиллагаа, эрүүл ахуйн хууль, тогтоомж, стандартын шаардлага хэрхэн хэрэгжиж буйд шуурхай хяналт тавьж, хууль, тогтоомжийн шаардлагын хүрээнд нийцүүлсэн дотоод журмын дагуу шаардлага тавьж ажиллана.

2.23.Захиалагч, гүйцэтгэгч нар аюулгүй ажиллагааны өдөр тутмын шуурхай хяналтын зэрэгцээ барилгын хэв хашмал, төрөл бүрийн шат, өргөх зөөх механизм, гэрэлтүүлэг, хашлага хамгаалалт, тэмдэг, санамж, ажлын хувцас, нэг бүрийн хамгаалах хэрэгсэл, галын аюулгүй байдал, гамшгаас хамгаалах бэлэн байдал, инженерийн байгууламж, эдгээрээр үл хязгаарлагдах чиглэлээр аюулгүй ажиллагааны зорилтот хяналтыг сар тутам хийж баталгаажуулан, хяналтын үр дүнгээр бүрэн бүтэн, найдвартай байдлыг хангах, зөрчлийг арилгуулах арга хэмжээг авч ажиллана.

2.24.Захиалагч, гүйцэтгэгч нар аюулгүй ажиллагааны зорилтот хяналтын тайланг зохих маягтаар үйлдэж, Нийслэлийн Хөдөлмөр, халамжийн газарт цахимаар илгээнэ.

2.25.Захиалагч, гүйцэтгэгч нар Эрүүл ахуйн тухай хууль, Улаанбаатар хотын стандарт (UCS 1706A:2022 Хог хаягдлын менежмент)-д тус тус заасан шаардлагуудыг бүрэн хэрэгжүүлж, барилгын төрөл бүрийн хог хаягдлыг цуглуулах, ангилах, тээвэрлэх, устгах үйл ажиллагааг зохион байгуулна.

2.26.Захиалагч болон гүйцэтгэгч нь энэ журмын 2.11, 2.18-д заасан чиг үүргийг хөдөлмөрийн аюулгүй байдал, эрүүл ахуйн асуудлыг хариуцан ажилладаг зөвлөх үйлчилгээ үзүүлэх хуулийн этгээдээр гүйцэтгүүлж болно.

Гурав. Барилгын ажил эхлэхийн өмнө тавих хөдөлмөрийн аюулгүй байдал, эрүүл ахуйн шаардлага:

3.1.Барилгын ажил эхлэхийн өмнө барилгын ажлын талбай түүний гаднах эрсдэл бүхий орчинд дараах шаардлагыг хангасан байна.

3.1.1.барилгын ажлын талбайд ашиглах тоног төхөөрөмж, багаж хэрэгслийн жагсаалтыг гаргаж, аюулгүй ажиллагааны зааврыг боловсруулж батлах, мэргэшсэн ажилтанг сургаж бэлтгэсэн байх;

3.1.2.барилгын ажлын талбай түүний гаднах эрсдэл бүхий орчинд зорчих иргэдийн аюулгүй байдлыг хангах, талбайд нэвтрэх боломжийг хязгаарлах зорилгоор барилгын ажлын талбайг нийтийн эзэмшлийн зам талбайгаас зориулалтын түр хашаагаар тусгаарласан байх;

3.1.3.энэ журмын 3.1.2-д заасан хашаа нь “Барилгын талбайн түр хашаа”-ны стандартын шаардлага хангасан, хот, суурин газрын өнгө үзэмжид нийцсэн, хүн зорчих хэсэгт өндрөөс унах эд зүйлийн ачааллын үйлчлэлийг тэсвэрлэх, зориулалтын материалаар хийсэн хамгаалалтын үргэлжилсэн саравчтай байх;

3.1.4.барилгын ажлын талбай түүний гаднах эрсдэл бүхий орчин ажилтны ажиллах нөхцлийг бүрэн хангахуйц нүд гялбахааргүй жигд гэрэлтүүлэгтэй, барилгын орц, гарц, хонгилыг ослын гэрэлтүүлгээр нэмж тоноглосон байх;

3.1.5.шаардлагатай тохиолдолд барилгын ажлын талбай, гаднах орчинд дүрс бичлэгийн тоног төхөөрөмжийг байрлуулж хяналт тавих боломжийг бүрдүүлэх, аюул, ослын үед мэдээлэл өгөх, анхааруулах дохиолол суурилуулах;

3.1.6.барилгын ажлын талбайн орц, гарцын дэргэд, барилгын хашааны гадна талын онцлох цэгүүдэд 1x2 метрээс багагүй хэмжээтэй “Барилгын мэдээллийн самбар”, ”Барилгын ажлын талбайн зохион байгуулалтын зураг”-ыг нийтэд харагдахуйц байдлаар тус тус байрлуулах;

3.1.7.”Барилгын мэдээллийн самбар”-т баригдах барилгын талаарх мэдээлэл, барилгын захиалагч, ерөнхий гүйцэтгэгчийн нэр, хаяг, хөдөлмөрийн аюулгүй байдал, эрүүл ахуйн ажилтны нэр, холбоо барих утас, шаардлагатай зөвшөөрлийн талаарх мэдээлэл бичигдсэн байх;

3.1.8.”Барилгын талбайн зохион байгуулалтын зураг”-т барилгын байрлал, өргөх, тээвэрлэх машин механизмын зогсооол, өргөх байгууламжийн ажлын аюултай бүс, барилгад үйлчлэх зам талбай, барилгын ажлын талбай дахь түр байрууд /ажиллагсдын хувцас солих, усанд орох байр, хооллох, бие засах газар/, инженерийн түр сүлжээ /ус, дулаан, цахилгааны гэх мэт/ болон материал хураах талбайн байршил, автомашин, явган зорчигчийн орох, гарах гарц, ажлын байранд хүрэх замын чиглэл, гадна хашааг стандартын дагуу зурж үзүүлсэн байх;

3.1.9.захиалагч, зураг төсөл зохиогч, гүйцэтгэгч хамтран барилгын ажлын талбайн гаднах эрсдэл бүхий орчны хил хязгаарыг барилгын ерөнхий өндөр, өргөх байгууламжийн үйлчлэлийн хүрээ, аюулгүй бүс зэргийг үндэслэн тогтоож, зураглал үйлдэн баталгаажуулсан байх;

3.1.10.хөдөлмөрийн аюулгүй байдал, эрүүл ахуйн шаардлагыг хангах тэмдэг, тэмдэглэгээ, урьдчилан сэргийлэх дохио,санамж, анхааруулах зурагт хуудас, цугларах цэгийн тэмдгийг барилгын ажлын талбай түүний гаднах эрсдэл бүхий орчинд байрлуулах;

3.1.11.барилгын ажилд хэрэглэх цахилгаан хангамжийн түр сүлжээ, тоног төхөөрөмжийг аюулгүй ажиллагааны холбогдох дүрэм, журмын дагуу угсарч, суурилуулсан байх;

3.1.12.барилгын ажил эхлэхээс өмнө барилгын ажлын талбайд орсон цахилгаан тоноглол, дамжуулах шугам сүлжээ нь ажилтан болон барилгын машин механизмд саад болохгүй, аюул эрсдэл учруулахгүй байх нөхцлийг бүрдүүлж зохих арга хэмжээг урьдчилан авсан байх;

3.1.13.барилгын ажлын талбайд байрлах ажилчдын түр байр нь эрүүл ахуйн шаардлага хангасан, аюултай бүсээс тусгаарлагдсан байх;

3.1.14.барилгын ажлын талбайд материалын үйлдвэрлэл явуулах тохиолдолд тухайн хэсгийг хашаагаар тусгаарлан аюулгүй ажиллагааг хангасан байх;

3.1.15.барилгын ажлын талбайд галын аюулаас урьдчилан сэргийлэх зориулалттай гал унтраах багаж, тоног төхөөрөмж бүхий галын сарай, тамхи татах цэгийг байгуулах;

3.1.16.галын аюултай болон химийн хортой бодис, бүтээгдэхүүнийг барилгын ажлын талбайд хадгалах агуулахыг холбогдох хууль тогтоомж, барилгын норм дүрэм, стандартад нийцүүлэн тусгайлан бэлтгэх;

3.1.17.барилгын ажлын талбайд гарч болзошгүй аюул, ослын үеийн аврах ажиллагааны төлөвлөгөө боловсруулж, хэрэгжилтийг хангах зохион байгуулалтын арга хэмжээг авсан байх;

3.1.18.өргөх байгууламжийн үйлчлэлийн хүрээнд гудамж, зам талбай, байшин барилга болон барилгын ажлын талбай дахь түр байр орж байвал сумны эргэлт, өнгийлт, ачааны тэргэнцрийн шулуун явалтыг хязгаарлах, өргүүрийг камержуулах зэрэг техникийн арга хэмжээг урьдчилан авсан байх;

3.1.19.захиалагч, гүйцэтгэгчийн талбайн инженер, хөдөлмөрийн аюулгүй байдал, эрүүл ахуйн ажилтан болон шаардлагатай бусад ажилтныг барилгын ажлын талбайн хөдөлмөр зохион байгуулалт, аюулгүй ажиллагааны талаар мэдээлэх шуурхай удирдлага-диспетчерийн холбооны хэрэгслээр бүрэн хангах;

3.1.20.барилгын ажлын талбайд үзэгдэх орчин хязгаарлагдмал үед машин механизмд зориулалтын дуут дохионы төхөөрөмжийг заавал суурилуулах;

3.1.21.барилгын хог хаягдлыг орчны эрүүл ахуйд нөлөөлөхгүй байхаар зайлуулах арга хэмжээг холбогдох хууль тогтоомж, норм дүрмийн дагуу урьдчилан төлөвлөж, бэлтгэл ажлыг хангасан байх;

3.1.22.барилгын үйлдвэрлэлийн ачаа тээвэрлэлт, ажилтнуудын тээврийн хэрэгслийн хөдөлгөөнийг нэгдсэн зохицуулалт, хяналтанд оруулсан байх;

3.1.23.барилгын тухай хуулийн 12.1.7-д заасны дагуу хөдөлмөр зохион байгуулалтын зураг боловсруулсан байх;

Дөрөв. Барилгын ажил гүйцэтгэх үед тавих хөдөлмөрийн аюулгүй байдал, эрүүл ахуйн шаардлага:

4.1.Барилгын ажил гүйцэтгэхэд Барилгын тухай хуулийн 11.1.1-11.1.5-д заасан барилгын ажлын талбай түүний гаднах эрсдэл бүхий орчинд дараах шаардлагыг хангасан байна:

4.1.1.барилгын үе шатны ажилд эрсдэлийн үнэлгээ хийж, урьдчилан сэргийлэх арга хэмжээ бүрэн авсны дараа ажил эхлүүлэх;

4.1.2.барилгын захиалагч, зөвлөх үйлчилгээ үзүүлэгч, зураг төсөл зохиогч, ерөнхий болон туслан гүйцэтгэгчийн ажилтан хариуцан гүйцэтгэж байгаа ажлын нөхцөлд тохирсон хувцас, хамгаалах хэрэгслээр бүрэн хангагдсан, хэрэглэж хэвшсэн байх;

4.1.3.өргөн тээвэрлэх механизм, даралтат сав, шугам хоолой угсрах ажилд тусгай хөтөлбөрийн дагуу суралцаж, эрх авсан мэргэшсэн ажилтныг томилон ажиллуулах;

4.1.4.өргөх байгууламжийг ашиглах барилгын ажил гүйцэтгэхдээ “Ачаа өргөх краныг төхөөрөмжлөх, аюулгүй ашиглах дүрэм”,”Барилгын өргүүрийг төхөөрөмжлөх, аюулгүй ашиглах дүрэм”, ”Сагстай өргөгчийг төхөөрөмжлөх, аюулгүй ашиглах дүрэм”, ”Бетон зуурмагийн шахуургын аюулгүй ажиллагааны дүрэм”, ”Лифтийг төхөөрөмжлөх, аюулгүй ашиглах дүрэм”, ”Эскалаторыг төхөөрөмжлөх, аюулгүй ашиглах дүрэм”-ийг тус тус мөрдөж ажиллах;

4.1.5.тэсэрч дэлбэрэх, галын аюулгүй ажиллагааны тусгай шаардлага хангах, халуун нөхцөл, өндрийн болон хязгаарлагдмал орчинд ажиллах тохиолдолд хөдөлмөрийн аюулгүй байдал, эрүүл ахуйн ажилтнаас заавал завшөөрөл авсан байх;

4.1.6.энэ журмын 4.1.5-д заасан ажлыг гүйцэтгэхдээ гүйцэтгэгч тухайн ажлыг удирдан зохион байгуулах ажилтныг томилсон байх;

4.1.7.барилгын ажлын талбай, ажлын байранд барилгын материал эзлэхүүн, тоног төхөөрөмжийг Барилгын тухай хуулийн 13 дугаар зүйлд заасны дагуу хадгалж, байрлуулах;

4.1.8.барилгын өндрийн дагууд 2-3 давхар тутамд уналтаас хамгаалах 3.5 м-ээс багагүй өргөнтэй хамгаалалтын төхөөрөмж /дэвсгэр, банз, тор, саравч/ угсарч байрлуулах, гадна шатыг бат бэх тороор битүүлэх;

4.1.9.аюул осол гарч болзошгүй орчны эрсдэлтэй бүсийг тогтоож, хаалт, хамгаалалтаар тусгаарлан, анхааруулах тэмдэг тавих;

4.2. Энэ журмын 4.1.9-д заасан хаалт, хамгаалалт, анхааруулах тэмдгийг дараах аюул, осол гарч болзошгүй орчинд байрлуулна:

4.2.1.цахилгаан шатны хонгил зэрэг ажилтан унах эрсдэлтэй газар;

4.2.2.газар унах болон тэсэлгээний ажил хийх газар;

4.2.3.барилгын ажилд ашиглаж байгаа өргөх механизм, цахилгаан шат байрлаж байгаа газар;

4.2.4.ажлын шат, хэв хашмалыг угсарч, буулгаж байгаа газар; 4.2.5.аюулгүйн хашлага угсарч, байрлуулах газар;

4.2.6.газрын хөрс нурж машин механизм, тоног төхөөрөмж унаж болзошгүй газар;

4.2.7.шороон болон хиймэл бүтээц, байгууламж нурж болзошгүй газар;

4.2.8.гал түймэр гарах, тэсэрч дэлбэрэх аюултай ажил гүйцэтгэх газар;

4.2.9.бутлах ажил гүйцэтгэх газар;

4.2.10.ажил гүйцэтгэх хязгаарлагдмал орчин;

4.2.11.эд зүйлс дээрээс унаж болзошгүй газар;

4.2.12.цахилгаан шугам сүлжээнд ойр барилгын ажил гүйцэтгэх явцад цахилгаан гүйдэлд нэрвэгдэж болзошгүй газар;

4.2.13.өндөр даралтат усан шахуурга болон таслагч машинаар ажил гүйцэтгэх газар;

4.2.14.тусгай зориулалтын багаж хэрэгсэлээр тоног төхөөрөмж, бүтээцийн зэв арилгах явцад түүний үйлчлэлийн нөлөөлөлд бусад этгээд өртөж болох газар;

4.2.15.химийн болон шатах, тослох материалын хаягдал, үлдэц хадгалах газар;

4.2.16.шаардлагатай бусад газар.

4.3. Барилгын ажлын талбайд дараах техникийн баримт бичгийг заавал байлгана:

4.3.1.ерөнхий болон туслан гүйцэтгэгч аж ахуйн нэгж, байгууллагын улсын бүртгэлийн гэрчилгээ;

4.3.2.ерөнхий болон туслан гүйцэтгэгч аж ахуйн нэгж, байгууллагын барилгын ажил гүйцэтгэх тусгай зөвшөөрлийн гэрчилгээ;

4.3.3.захиалагч, зөвлөх үйлчилгээ үзүүлэгч, гүйцэтгэгч, туслан гүйцэтгэгч аж ахуйн нэгж. Байгууллагын хооронд байгуулсан гэрээ;

4.3.4.барилгын ажил эхлүүлэх, үргэлжүүлэх зөвшөөрөл;

4.3.5.барилгын ажлын талбайн зохион байгуулалтын зураг;

4.3.6.барилгын ажлын талбайд дагаж мөрдөх хөдөлмөрийн аюулгүй байдал, эрүүл ахуйн заавар;

4.3.7.инженер, техникийн ажилтан, мэргэжилтэй ажилчдын мэргэжлийн үнэмлэх;

4.3.8.гадаадын иргэд ажиллаж байгаа бол хөдөлмөр эрхлэх зөвшөөрлийн үнэмлэх;

4.3.9.магадлал хийгдсэн иж бүрэн зураг төсөл;

4.3.10.хөдөлмөрийн аюулгүй байдал, эрүүл ахуйн шаардлага хангах арга хэмжээний төлөвлөгөө;

4.3.11.барилга угсралтын үе шатны ажил бүр дээр хийсэн эрсдэлийн үнэлгээ;

4.3.12.өргөх, зөөх, тээвэрлэх хэрэгсэлд засвар үйлчилгээ, тохируулгыг мэргэжлийн байгууллагаар хийлгэж, дүгнэлт гаргуулж баталгаажуулсан техникийн магадлагаа;

4.3.13.барилга угсралтын ажил гүйцэтгэсэн тэмдэглэл;

4.3.14.аюулгүй ажиллагааны зааварчилгааны дэвтэр;

4.3.15.ажилтнуудын цаг ашиглалтын бүртгэлийн дэвтэр.

4.4. Барилгын ажлыг түр болон удаан хугацаагаар зогсоох тохиолдолд барилгын ажлын талбай түүний гаднах эрсдэл бүхий орчны аюулгүй байдлыг хангах арга хэмжээг төлөвлөж, хэрэгжүүлэх нөхцлийг бүрдүүлнэ.

Тав. Барилга байгууламжийг буулгахад тавигдах хөдөлмөрийн аюулгүй байдал, эрүүл ахуйн шаардлага:

5.1.Барилга байгууламжийг буулгахад хөдөлмөрийн аюулгүй байдал, эрүүл ахуйн шаардлага хангах арга хэмжээг ажил гүйцэтгэх төсөл, эрсдэлийн үнэлгээнд суурилсан аюулгүй ажиллагааны төлөвлөгөө, барилгын ажлын талбайн зохион байгуулалтын зурагт тус тус тодорхой тусгана.

5.1.1.барилга байгууламжийн буулгалтын ажил гэж Барилгын тухай хуулийн 4.1.24-д заасан ажлыг хэлнэ;

5.1.2.Барилгын тухай хуулийн 16.3-д заасны дагуу Барилга байгууламжийн буулгалтын ажлыг гүйцэтгэхдээ барилгын ажлын талбайн болон үйлдвэрлэлийн зохион байгуулалтын зураг боловсруулсан байна.

5.2.Барилга байгууламжийг буулгалтын ажил /цаашид “ буулгах ажил” гэх/-ын явцад чичиргээ, доргилт, түүний нөлөөллөөс болж бусад барилга, байгууламжид эвдрэл, гэтмэл учруулахгүй байхад чиглэгдсэн урьдчилсан сэргийлэх арга хэмжээг авсан байна.

5.3.Буулгалтын ажил эхлэхээс 5-аас доошгүй өдрийн өмнө харьяалах барилга байгууламжийн техникийн улсын хяналт хэрэгжүүлэх байгууллагад албан ёсоор мэдэгдэнэ.

5.4.Барилгад асбест, галын болон тэсэрч, дэлбэрэх аюултай бодис, эд зүйл байгаа эсэхийг зохих мэргэжлийн байгууллагаар урьдчилан тогтоолгож дүгнэлт гаргуулна.

5.5.Буулгах ажлын үед барилгын ажлын талбайд гал унтраах хэрэгслийг бэлэн байлгаж, ажилтнуудад түүнийг хэрхэн ашиглах талаар мэдлэг, чадвар эзэмшүүлэх.

5.6.Хог хаягдлын бүсийг тогтоож, зориулалтын хаалт, хашлагаар хамгаалан овоолго үүсэхээс өмнө зайлуулсан байна.

5.7.Керамзит, уурын зуухны үнс, элс, хайрга зэрэг нарийн ширхэглэлтэй материалын хаягдлыг бат бэх, дуу чимээ бага гаргадаг материалаар хийгдсэн хоолойгоор зөөвөрлөж буулгана.

5.8.Энэ журмын 5.7-д заасан хоолой нь барилга байгууламжид зохих журмын дагуу бэхлэгдсэн, хүн унахаас урьдчилан сэргийлсэн зориулалтын тагтай байна.

5.9.Гэнэтийн нуралтаас урьдчилан сэргийлж барилгын дээвэр, хана, хучилт, шалны төлөв байдалд “Барилга байгууламжийн буулгах үйл ажиллагааны дүрэм”-ийн дагуу гүйцэтгэнэ.

5.10.Буулгах ажлыг удирдан зохион байгуулах зөвлөх мэргэжлтнийг гүйцэтгэгч томилон ажиллуулах бөгөөд уг ажилтны хяналтад буулгах ажлыг төлөвлөж, гүйцэтгэнэ.

5.11.Зөвлөх мэргэжилтэн буулгах ажлыг гүйцэтгэх мэргэшүүлэх сургалтад хамрагдсан, барилгын ажлын туршлагатай байна.

5.12.Буулгах барилга байгууламжийн цахилгаан эрчим хүчний болон бусад инженерийн шугам сүлжээний эх үүсвэр бүрэн салгаглсан эсэхийг захиалагч, гүйцэтгэгчтэй хамтран шалгаж, акт үйлдэнэ.

5.13.Буулгах ажил эхлэхийн өмнө шилэн хийц бүхий эд зүйл болон цонх, хаалганы шилийг бүрэн авсан байна.

5.14.Буулгаж дуусаагүй барилгын их биеийн хэсгийг шаардлагатай тоног төхөөрөмж, машин механизмын тусламжтайгаар бэхэлгээ, тулгуур, ивээс хийж, аюулгүй байдлыг бүрэн хангана.

5.15.Буулгах ажлыг зөвхөн өдрийн цагаар /байгалийн гэрэлтүүлэгтэй үед/ гүйцэтгэнэ.

Зургаа. Хөдөлмөрийн аюулгүй байдал, эрүүл ахуйн шаардлага хангахад барилгын ажилд оролцогчдын эрх, үүрэг:

6.1. Барилгын хөрөнгө оруулагч, захиалагч, зөвлөх үйлчилгээ үзүүлэгч, ерөнхий болон туслан гүйцэтгэгч нь Хөдөлмөрийн аюулгүй байдал, эрүүл ахуйн тухай, Барилгын тухай хуульд заасан эрх, үүргээс гадна дор дурдсан эрх, үүргийг хэрэгжүүлнэ:

6.2.Хөрөнгө оруулагч болон Захиалагчийн эрх, үүрэг;

6.2.1.энэ журмын 2.7-д заасан хөдөлмөрийн аюулгүй байдал, эрүүл ахуйн шаардлага хангах төлөвлөгөөний хэрэгжилтэнд шаардагдах, санхүүжилтыг гаргах зарцуулахад хяналт тавих;

6.2.2. энэ журмын 2.8-д заасан хөдөлмөрийн аюулгүй байдал, эрүүл ахуйн шаардлагыг хангахад зарцуулах хөрөнгийг бүрэн санхүүжүүлэх;

6.2.3.гүйцэтгэгч хөдөлмөрийн аюулгүй байдал,эрүүл ахуйн шаардлага хангахад захцуулах хөрөнгийг зориулалтын бусаар ашигласан, зарцуулаагүй үлдээсэн тохиолдолд буцааж төлөхийг шаардах;

6.2.4.ерөнхий болон туслан гүйцэтгэгчийг сонгон шалгаруулах үед тухайн хуулийн этгээд осол, зөрчил гаргаж байсан эсэх талаар холбогдох байгууллагаас мэдээлэл авах;

6.2.5.осол гарах нөхцөл бүрдсэн болон осол гарсан үед гүйцэтгэгчийн үйл ажиллагааг шууд зогсоож, зөрчлийг арилгуулах арга хэмжээг авч, холбогдох байгууллагад хандах;

6.2.6.гүйцэтгэгч барилгын ажлын явцад хөдөлмөрийн аюулгүй байдал, эрүүл ахуйн шаардлагыг хангаж ажиллаагүйгээс осол, гэмтэл гарсан тохиолдолд санхүүжилтийг зогсоох хүртэл арга хэмжээ авах;

6.2.7.энэ журмын 2-оос 5 дугаар зүйлд заасан захиалагчтай холбоотой шаардлагыг хангаж ажиллах;

6.2.8.барилгын үйл ажиллагаа эхлэхээс 5 хоногийн өмнө харьяалагдах хяналт шалгалтын байгууллагад мэдэгдэх.

6.3.Гүйцэтгэгчийн эрх, үүрэг:

6.3.1. ажил эхлэхийн өмнө барилгын ажлын талбайд ажиллах ажилтнуудын талаарх холбогдох мэдээллийг захиалагчид өгөх;

6.3.2.энэ журмын 6.3.1-д заасан мэдээллийг барилгын ажлын талбайд ажиллаж байгаа орон тооны болон туслан гүйцэтгэгчийн ажилтны тоог мэргэжлийн ангиллаар нь нарийвчлан долоо хоног бүр гаргаж байх;

6.3.3.барилгын ажлын талбай түүний гаднах эрсдэл бүхий орчны хөдөлмөрийн аюулгүй байдал, эрүүл ахуйн шаардлага хангах арга хэмжээнд зарцуулах зардлыг зориулалтаар ашиглах, зарцуулалтын тайланг барилгын үе шатны ажлын санхүүжилт авахын өмнө захиалагчид албан ёсоор гаргаж өгөх, тайлангийн хувийг барилгын ажлын талбайд байнга хадгалах;

6.3.4.захиалагч болон мэргэжлийн хяналтын байгууллагын ажилтан хөдөлмөрийн аюулгүй байдал, эрүүл ахуйн шаардлагыг хангах арга хэмжээний зардлын зарцуулалтын тайланг хянах нөхцөлөөр хангах;

6.3.5.аюулгүй ажиллагааг хангах төлөвлөгөө, эрсдэлийн үнэлгээг үндэслэн аюулгүй ажиллагаа, эрүүл ахуйн нөхцлийг хангаж ажиллах;

6.3.6.салхивч, шугам хоолой, шат, цахилгаан шатны хонгилыг хамгаалж, аюул, осол гарахаас урьдчилан сэргийлэх, барилгын гадна талын хамгаалалтыг хийж барилгын ажлын талбайн гаднах эрсдэл бүхий орчны аюулгүй байдлыг бүрэн хангасан байх,

6.3.7.барилга байгууламжийн төвөгшлийн зэргээс хамаарч барилгын ажлын талбайд эмнэлэгийн анхны тусламж үзүүлэх ажилтан /эмч, бага эмч, сувилагч/ ажиллуулж, шаардлагатай эм, багаж хэрэгслээр хангах;

6.3.8.эмнэлгийн тусламж дуудах утасны дугаарыг нүдэнд ил харагдах газар байрлуулах, анхны тусламж авсан ажилтны талаар өдөр тутам тэмдэглэл хөтөлж байх;

6.3.9.барилгын ажлын талбайд ажилтанд хөдөлмөрийн аюулгүй байдал, эрүүл ахуйн мэдээлэл өгөх, мэдлэг дадлага олгох сургалт зохион байгуулах өрөө, танхим, булантай байх;

6.3.10.ажилтныг ажилд авахын өмнө эрүүл мэндийн багц үзлэг, шинжилгээнд хамруулан, эрүүл мэндийн байдалд дүгнэлт гаргуулж, ажилтны хувийн хэрэгт хадгалах;

6.3.11.өндөр эрсдэлтэй ажлыг гүйцэтгэх ажилтанг ажил үүргийн онцлогт нь тохирсон нэмэлт хувцас, хамгаалах хэрэгслээр бүрэн хангах;

6.3.12.гадаад улсын ажилтан ажиллаж байгаа тохиолдолд шаардлагатай мэдээлэл,зааварчилгаа, сургалтыг эх хэлээр нь өгсөн байх;

6.3.13.барилгын ажлын талбайд зөвхөн зориулалтын өргөх төхөөрөмжөөр ажилтныг тээвэрлэх;

6.3.14.ажил гүйцэтгэх орчин нь ажилтнуудын аюулгүй байдлыг хангасан тоноглолтой байх;

6.3.15.барилгын ажлын талбайд ашиглагдаж байгаа цахилгаан байгууламж, тоног төхөөрөмжийн хаалгыг байнга цоож, түгжээтэй, хамгаалалтай байх;

6.3.16.цахилгаан үүсвэртэй машин механизмын газардуулгыг хийж, баталгаажуулсан байх;

6.3.17.газарт хийх боломжтой ажлыг өндөрт хийхгүй байх;

6.3.18.туслан гүйцэтгэгчид хөдөлмөрийн аюулгүй байдал, эрүүл ахуйн дүрэм,зааврын талаар мэдээлэл өгч түүний хэрэгжилтэд хяналт тавих;

6.3.19. ажил хаялт зарласан, ажил зогссон, ажил удаан хугацаанд саатсан бол захиалагчид нэн даруй мэдээллэх;

6.3.20.барилгын ажил эхлэхээс өмнө энэ журмын 2.7, 3.1.17-д заасан төлөвлөгөөг харьяалах мэргэжлийн хяналтын байгууллагад хүргүүлэх;

6.3.21.энэ журмын 2-5 дугаар зүйлд заасан гүйцэтгэгчтэй холбоотой шаардлагыг хангаж ажиллах.

6.4. Туслан гүйцэтгэгчийн эрх, үүрэг:

6.4.1.энэ журмын 6.3.10, 6.3.11, 6.3.12, 6.3.13, 6.3.17-д заасан эрх, үүргийг хэрэгжүүлж ажиллаж;

6.4.2.ерөнхий гүйцэтгэгчийн тавьсан хөдөлмөрийн аюулгүй байдал, эрүүл ахуйтай холбоотой хууль ёсны шаардлагыг биелүүлэх;

6.4.3.ажил гүйцэтгэх гэрээнд хөдөлмөрийн аюулгүй байдал, эрүүл ахуйн шаардлагыг тодорхой тусгах;

6.4.4.барилгын ажлын талбай түүний гаднах эрсдэл бүхий орчны хаалт, хамгаалалт, дохиолол, зурагт хуудсыг эвдэж гэмтээхүй байх, тэмдэг тэмдэглэгээ, схем зураг, санамжийг дагаж мөрдөх;

6.4.5.ажил үүрэгтэй хамааралгүй бүсэд нэвтрэхгүй байх.

6.5. Хөдөлмөрийн аюулгүй байдал, эрүүл ахуйн баг, ажилтны эрх үүрэг:

6.5.1.ажлын байрны эрсдлийн үнэлгээ болон шинэ техник, технологи, материал хэрэглэснээс шалтгаалан ажлын байрны нөхцөлд гарсан өөрчлөлтийг тусган ажлын байрны аюулгүй ажиллагааны зааврыг шинээр буюу шинэчлэн боловсруулж батлуулах;

6.5.2.эрсдлийн үнэлгээний дагуу хөдөлмөрийн аюулгүй байдал, эрүүл ахуйн сургалтын хөтөлбөр, агуулгыг шинэчлэн, ажилтнуудад тухай бүрт мэдээлэл өгч сургалт зохион байгуулах;

6.5.3.ажилтнуудыг иж бүрэн хамгаалах хэрэгсэл, ажлын хувцсаар хангуулах, хэрэглээнд хяналт тавих;

6.5.4.хөдөлмөрийн аюулгүй байдал, эрүүл ахуйн тухай хуульд заасны дагуу гарч болзошгүй аюул ослоос урьдчилан сэргийлэх арга хэмжээ авах талаар барилгын ажилд оролцогчдод шаардлага тавьж биелэлтийг хангуулах;

6.5.5.хөдөлмөрийн аюулгүй байдал, эрүүл ахуйн шаардлага хангаагүй тоног төхөөрөмж, нэгжийн үйл ажиллагааг зөрчил арилгах хүртэл хугацаагаар зогсоох;

6.5.6.хөдөлмөрийн аюулгүй байдал, эрүүл ахуйн хууль тогтоомж, дүрэм,журам зөрчсөн ажилтанд арга хэмжээ авах талаар эрх бүхий этгээдэд санал тавьж шийдвэрлүүлэх;

6.5.7.энэ журмын 4.1.5-д заасан ажлыг гүйцэтгэхэд зөвшөөрөл олгох,энэ журмын 4.1.6-д заасан удирдан зохион байгуулах ажилтанг томилуулах;

6.5.8.барилгын ажлын талбайд хог хаягдлын бөөгнөрөл бий болгохгүй байх арга хэмжээ авах, тогтмол хяналт тавих;

6.5.9.осол дөхсөн тохиолдолд болон гарсан шалтгаан нөхцөлийг ажлын байр бүрээр судлан бүртгэж, мэдээлэл, аюул, ослоос урьдчилан сэргийлэх арга хэмжээг нэн даруй авч хэрэгжүүлэх;

6.5.10.барилгын ажлын талбайд зайлшгүй шаардлагаар гадны хүн, зочид, төлөөлөгчид нэвтрэх тохиолдолд хувийн хамгаалах хэрэгслээр хангаж, аюулгүй ажиллагааны зааварчилгаа өгч, гарын үсэг зуруулж баталгаажуулсан байх;

6.6.Барилгын ажил гүйцэтгэж байгаа ажилтны эрх, үүрэг:

6.6.1.барилгын ажил эхлэхээс өмнө тухайн барилгын ажлын талбайн хөдөлмөрийн аюул байдал, эрүүл ахуйн талаар зохион байгуулсан сургалт, зааварчилгаанд заавал хамрагдсан байх;

6.6.2.сургалт, зааварчилгаанд хамрагдаагүй тохиолдолд ажил гүйцэтгэхээс татгалзах;

6.6.3.барилгын ажил гүйцэтгэхэд мөрдөгдөж байгаа дүрэм, журам,зааврын зөв эсэхэд эргэлзэж байвал хөдөлмөрийн аюулгүй байдал, эрүүл ахуйн ажилтан болон тухайн ажлыг удирдаж байгаа эрх бүхий ажилтнаас тодруулга авах;

6.6.4.ажлын хувцас, хамгаалах хэрэгслээр хангахыг шаардах;

6.6.5.ажлын хувцас, хамгаалах хэрэгслийг ажлын байранд тогтмол, бүрэн хэрэглэж хэвшсэн байх;

6.6.6.ажиллах болон амрах эрүүл, аюулгүй орчин нөхцлөөр хангахыг шаардах;

6.6.7.орчны эмх цэгц, эрүүл ахуйн шаардлагыг хангах, тухайн ажил дууссаны дараа болон ажлын байраа солихын өмнө байрны эмх цэгцийг хангаж цэвэрлэсэн байх;

6.6.8.машин, механизм, тоног төхөөрөмж, аппарат, багаж хэрэгслийг зөвшөөрөлгүй хөдөлгөх, зориулалтын бусаар ашиглах, байршлыг өөрчлөхгүй байх;

6.6.9.ажил үүргээ гүйцэтгэх явцад аюулгүй ажиллагааны нөхцөл зөрчигдөж хүний амь нас, эрүүл мэндэд сөрөг, аюултай нөхцөл байдал бий болсон тохиолдолд ажлаа шууд зогсоож, энэ тухай эрх бүхий ажилтанд нэн даруй мэдэгдэх, үүссэн нөхцөл байдалд тохирсон арга хэмжээг хэрэгжүүлэх;

6.6.10.бусад ажилтнуудын аюулгүй байдлыг хангаж, ажил үүргээ анхаарал болгоомжтой, зөв гүйцэтгэх, эмнэлгийн анхны тусламж үзүүлэх арга барилд суралцсан байх;

6.6.11.эмнэлэгийн ээлжит үзлэгээс гадна шаардлагатай тохиолдолд эрүүл мэндийн үзлэг, шинжилгээнд хамрагдаж, эрүүл мэндээ хамгаалах;

6.6.12. зөвхөн зориулалтын газар хооллох;

6.6.13. энэ журмын 4.1.5-д заасан ажлыг зөвшөөрөл авч гүйцэтгэх;

6.6.14.ажил үүрэгт хамааралгүй бүс, ажлын байранд эрх бүхий ажилтны зөвшөөрснөөс бусад тохиолдолд нэвтрэхгүй байх;

6.6.15.хөдөлмөрийн аюулгүй байдал, эрүүл ахуйн арга хэмжээг хэрэгжүүлэхэд эрх бүхий ажилтантай хамтарч ажиллах;

6.6.16.барилгын ажлын талбай түүний гаднах эрсдэл бүхий орчинд тавигдсан аюул, осол, гал түймрээс урьдчилан сэргийлэх, тэмдэг, тэмдэглэгээг дагаж мөрдөх.

6.7. Зөвлөх үйлчилгээ үзүүлэгчийн эрх, үүрэг:

6.7.1.Зураг төсөл зохиогч барилгын үе шатны ажилбар бүрд зохиогчийн хяналтыг хяналтыг хэрэгжүүлэхдээ барилгын тухай хуулийн 12 хуулийн 12.1.7-д заалтад заасан чиг үүргийг хэрэгжүүлж, зөвлөн туслах үйлчилгээг үзүүлэх;

6.7.2.захиалагч, гүйцэтгэгчтэй гэрээ байгуулж хөдөлмөрийн аюулгүй байдал, эрүүл ахуйн асуудлыг хариуцан ажиллаж байгаа тохиолдолд энэ журмын 6.2, 6.5-д заасан эрх, үүргийг хэрэгжүүлж ажиллах;

6.7.3.Барилгын тухай хуулийн 42 дүгээр зүйлийн 42.1.6 дахь заалтад заасан дүгнэлтийг гаргана.

Долоо. Хөдөлмөрийн аюулгүй байдал, эрүүл ахуйн шаардлага хангахад тавих хяналт:

7.1.Хөдөлмөрийн аюулгүй байдал, эрүүл ахуйн шаардлага хангахад тавих хяналт, шалгалт /цаашид “хяналт”гэх/ нь барилгын ажлын талбай түүний гаднах эрсдэл бүхий орчны аюулгүй байдал, эрүүл ахуйг хангахад чиглэгдэнэ.

7.2. Гүйцэтгэгч барилгын ажилд тавих хяналтыг дараах үе шатаар зохион байгуулна.

7.2.1. анхан шатны хяналтыг тухайн ажлыг удирдан гүйцэтгэж буй талбайн инженер, хэсгийн инженер, бригадын дарга өдөр бүр ажил эхлэхийн өмнө болон ажлын гүйцэтгэлийн явцад гүйцэтгэнэ. Хяналтаар илэрсэн зөрчил дутагдлыг анхан шатны хяналтын дэвтэрт тэмдэглэж, тэдгээр зөрчил дутагдлыг арилгах арга хэмжээг нэн даруй төлөвлөж, гүйцэтгэлийн тайланг хөдөлмөрийн аюулгүй байдал, эрүүл ахуйн ажилтанд мэдээлж байх;

7.2.2.хоёрдугаар шатны хяналтыг сард 2 удаа хөдөлмөрийн аюулгүй байдал, эрүүл ахуйн баг, ажилтан гүйцэтгэж, илэрсэн зөрчил дутагдлыг арилгуулах;

7.2.3.гуравдугаар шатны хяналтыг эрх бүхий этгээдээс томилсон комисс улиралд нэгээс доошгүй удаа зохион байгуулна. Дүнг тухайн комиссын ахлагч, эрх бүхий ажилтнуудыг оролцуулан хэлэлцэж, хөдөлмөрийн аюулгүй байдал, эрүүл ахуйн дүрэм, журмыг зөрчсөн ажилтанд хариуцлага тооцож, илэрсэн зөрчил дутагдлыг арилгах арга хэмжээг авч, хэрэгжилтэд хяналт тавих;

7.3.энэ журмын 7.2-т заасан хяналтыг хэрэгжүүлэх ажлын төлөвлөгөөг гүйцэтгэгч баталсан байна.

7.4. Гүйцэтгэгчийн дотоод хяналтын нэгж нь хяналт тавих үйл ажиллагаандаа байгууллагын дотоод хяналтыг зохион байгуулах дүрэм, журамд заасан чиг үүргээс гадна барилгын ажилд хөдөлмөрийн аюулгүй байдал, эрүүл ахуйн шаардлага хангах чиглэлээр энэ журмын 6.3, 6.4, 6.5, 6.6, 7.2-т заасан үүргийн биелэлтэд хяналт тавина.

7.5.Гүйцэтгэгч дотоод хяналтаас гадна төрийн ба төрийн бус байгууллага, хамтран ажилладаг бусад мэргэжлийн байгууллагын хөдөлмөрийн аюул байдал, эрүүл ахуйн эрх бүхий ажилтнуудаар хөндлөнгийн хяналт хийлгэж болно. Хөндлөнгийн хяналтын бүрэлдэхүүн, зорилго, үр дүнгийн талаар захиалагчид мэдэгдсэн байна.

7.6.Захиалагч болон зөвлөх үйлчилгээ үзүүлэгч энэ журмын 7.2, 7.4-т заасан хяналтыг гүйцэтгэгч хэрхэн хэрэгжүүлж байгаад хяналт тавина.

7.7.Хөдөлмөрийн аюулгүй байдал болон Барилгын техникийн хяналтын улсын байцаагч хууль тогтоомжид заасан болон барилгын ажилд хөдөлмөрийн аюулгүй байдал, эрүүл ахуйн чиглэлээр дараах хяналтыг хэрэгжүүлнэ:

7.7.1.энэ журмын 2.7, 3.1.17-д заасан эрсдэлийн үнэлгээ, аврах ажиллагааны төлөвлөгөөг үндэслэн төлөвлөгөөт хяналт хийж, эрсдэлийг бууруулах, гарч болзошгүй аюул ослоос урьдчилан сэргийлэх талаар албан шаардлага, зөвлөмж хүргүүлж, биелэлтийг хангуулах;

7.7.2.барилгын ажлын талбай түүний гаднах эрсдэл бүхий орчинд хөдөлмөрийн аюулгүй байдал, эрүүл ахуйн шаардлага хангагдаагүй талаар барилгын ажилд оролцогчид, иргэн, аж ахуйн нэгж, байгууллагаас ирүүлсэн өргөдөл, гомдол, хүсэлт, мэдээлэл болон барилгад аюул, осол гарсан үед төлөвлөгөөт бус хяналтыг хийж илэрсэн зөрчил, учирсан хохирлыг арилгуулах арга хэмжээ авах;

7.7.3.захиалагч, гүйцэтгэгч, зөвлөх үйлчилгээ үзүүлэгч нь барилгын ажилд хөдөлмөрийн аюулгүй байдал, эрүүл ахуйн чиглэлээр энэ журмын 7.2, 7.3, 7.6-д заасан хяналтыг хэрхэн хэрэгжүүлж байгаад хяналт тавьж, үнэлэлт дүгнэлт өгөх, илэрсэн зөрчлийг арилгуулахаар хуульд заасан арга хэмжээ авах;

7.7.4.энэ журмын 7.7.1, 7.7.2, 7.7.3-д заасан хяналтыг батлагдсан хяналтын хуудас ашиглан гүйцэтгэх;

Найм.Бусад:

8.1. Барилгын ажил гүйцэтгэж байгаа ажилтан энэ журамд тусгагдсаны дагуу сургалт, зааварчилгаанд хамрагдаагүй тохиолдолд ажил гүйцэтгэхээс татгалзах, ажлын хувцас, хамгаалах хэрэгслээр хангахыг шаардах, ажиллах болон амрах эрүүл, аюулгүй орчин нөхцлөөр хангахыг шаардах зэрэг шаардлагыг тавьсан нь хариуцлага хүлээлгэх, хөдөлмөрийн гэрээг цуцлах үндэслэл болохгүй.

Ес.Хариуцлага:

9.1.Энэ журмыг зөрчсөн этгээдэд Барилгын техникийн хяналтын улсын байцаагч болон Хөдөлмөрийн хяналтын улсын байцаагчид нь Зөрчлийн тухай хууль болон Төрийн хяналт шалгалтын хуульд заагдсан арга хэмжээг авч, хариуцлага хүлээлгэнэ.

ХОТЫН СТАНДАРТЫГ МӨРДҮҮЛЭХ ЧИГЛЭЛЭЭР

“Тохижилт-бүтээн байгуулалтын жил” болгон энэ оныг зарласантай холбогдуулан Нийслэлийн Засаг даргын А/367 дугаар захирамжийн дагуу хотын гол магистрал шугамын дагуух байршлуудаар Нийслэлийн нутгийн Захиргааны байгууллагууд хамтарсан шалгалт хийж буй.

Нийтийн ашиг сонирхлыг хамгаалах, иргэдийн эрүүл, аюулгүй орчинд ажиллах, амьдрах нөхцөлийг бүрдүүлэх, нийтийн эзэмшлийн гудамж талбайд хууль тогтоомж, дүрэм, журам, норм, стандартыг зөрчсөн зөрчлийг арилгуулах, тээврийн хэрэгсэл, явган зорчигчид саадгүй зорчих нөхцөлийг хангуулах, худалдаа, үйлчилгээний байгууллагуудын гадна орчныг хотын стандартад нийцүүлэх талаар хууль, тогтоомж, холбогдох дүрэм, журам, норм, стандартад нийцэж буй эсэх, эрсдэлээс урьдчилан сэргийлэх, илэрсэн зөрчил дутагдлыг арилгуулах, мэргэжил арга зүйн зөвлөгөө өгөх зорилгоор Ажлын хэсэг байгуулагдсан. Өнгөрсөн хоёр хоногийн турш хээрийн судалгаа хийж, зөрчилтэй объектуудыг тогтоосон. Ажлын хэсгийн шалгалтаар дараах байршлуудад зөрчил нэлээдгүй илэрсэн байна. Үүнд:

Ажлын 3 дугаар хэсгийн хуваарьтай трассын дагуу шалгалт хийхэд барилга угсралтын үйл ажиллагаа явуулж байгаа бизнесс эрхлэгчид нийтийн эзэмшлийн зам дээр зөвшөөрөлгүй өргөтгөл барьсан, хотын стандартын UCS0301В:2022, UCS1201B:2022 шаардлагуудыг мөрдөж ажиллаагүй, явган замын эвдрэл, түвшин зөрүүтэй худгийн таг, явган хүний замын голд байрлуулсан гэрлийн шон, шон дээр орооцолдсон цахилгааны болон харилцаа холбооны утас кабель, нийтийн эзэмшлийн зам талбайд байрлуулсан зөвшөөрөлгүй ТҮЦ, зөвшөөрөгдөөгүй цэгт авто машин байрлуулах зэрэг нийтлэг зөрчилд сануулж зөвлөмж, мэдэгдэл хүргүүллээ.

Тухайлбал: Сонгинохайрхан дүүргийн 20 дугаар хороо, Драгон төвийн урд байрлах 2 давхар үйлчилгээний барилга, БЗД-ийн 41 дүгээр хороо Алтан гадас трейд ХХК-ийн нийтийн эзэмшлийн талбай болон явган хүний зам руу түрж барьсан нийт 2 барилгыг чөлөөлүүлэх талаар арга хэмжээ авч иргэдийн явганаар зорчих боломжийг нэмэгдүүлэх шаардлагатай байна.

”ХОТОО УГААЯ” уриатай хаврын их цэвэрлэгээнд Хотын стандарт, хяналтын газрын албан хаагчид оролцлоо

Нийслэлийн Засаг даргын 2024 оны А/348 дугаар захирамж, УБЗАА-ны даргын баталсан удирдамжийн дагуу нийслэлийн хэмжээнд зохион байгуулдаг хаврын их цэвэрлэгээг 2024 оны дөрөвдүгээр сарын 12-ний өдөр зохион байгууллаа. Удирдамжид заасан байршил - СБД-ийн 8 дугаар хороо, Соёлын төв өргөөний арын зам, Ерөнхий сайд Амарын гудамжны баруун уулзвараас зүүн уулзвар хүртэл 310 метр нийтийн эзэмшлийн зам талбайн хог шүүрдэж, явган зам, сандал зэргийг угааж цэвэрлэгээ хийж оролцлоо.

Нийслэлийн нутаг дэвсгэрт үйл ажиллагаа эрхэлж буй иргэн, аж ахуйн нэгж, байгууллагуудад зөвлөмж хүргүүлэх тухай

Нийслэлийн Засаг даргаас 2024 оныг “Тохижилт-Бүтээн байгуулалтын жил” жил болгон зарласантай холбогдуулан Нийтийн ашиг сонирхлыг хамгаалах, иргэдийн эрүүл, аюулгүй орчинд ажиллах, амьдрах нөхцөлийг бүрдүүлэх, нийтийн эзэмшлийн гудамж талбайд хууль тогтоомж, дүрэм, журам, норм, стандартыг зөрчсөн зөрчлийг арилгуулах, тээврийн хэрэгсэл, явган зорчигчид саадгүй зорчих нөхцөлийг хангуулах, худалдаа, үйлчилгээний байгууллагуудын гадна орчныг хотын стандартад нийцүүлэх талаар хууль, тогтоомж, холбогдох дүрэм, журам, норм, стандартад нийцэж буй эсэх, эрсдэлээс урьдчилан сэргийлэх, илэрсэн зөрчил дутагдлыг арилгуулах, мэргэжил арга зүйн зөвлөгөө өгөх зорилгоор Нийслэлийн Засаг даргын 2024 оны 04 дүгээр сарын 06-ны өдрийн А/367 дугаар захирамжийн хүрээнд дараах “Зөвлөмж”-ийг хүргүүлж байна.

1.Авто тээврийн хэрэгсэл, явган зорчигчийн хөдөлгөөн, орц гарц хаасан хайс, хашаа, түр байгууламжийг чөлөөлөх, эзэмших, ашиглах эрхтэй газрыг эдэлбэр газрын хилээр татах;

2.Холбогдох эрх бүхий байгууллагаас олгосон зөвшөөрөлгүй, хот төлөвлөлтийн норм ба дүрэмд нийцээгүй барилга байгууламжийг хууль, тогтоомжид нийцүүлэх, холбогдох арга хэмжээг захиалагч, гүйцэтгэгч, зураг төсөл зохиогчтой хамтран шийдвэрлэх;

3.Нийтийн эзэмшлийн зам талбай, явган хүний замын хөдөлгөөнийг хааж, хотын өнгө үзэмжид нийцэхгүй зөвшөөрөлгүй байрлуулсан түр байгууламж, барилгын өргөтгөл, шат довжоо, төмөр хийцлэлийг буулгаж, анхны хэвийн байдалд оруулах;

4.Хариуцсан талбайд стандартад нийцсэн хогийн сав байршуулах, хуримтлагдсан болон ил задгай үүссэн хог хаягдлыг цэвэрлэж, орчны өнгө үзэмжийг сайжруулах;

5.Эзэмшил газрын зориулалтыг зөрчин хоёрдогч түүхий эд авах цэг үүсгэн орчны бохирдол үүсгэн, байгаль орчинд сөрөг нөлөө үзүүлж буй үйл ажиллагааг таслан зогсоох, зөвшөөрсөн бүсэд үйл ажиллагааг явуулах;

6.Хориглосон бүсэд хайрга, дайрга олборлох, барилгын материал үйлдвэрлэл, бетон зуурмагийн үйлдвэрийн үйл ажиллагааг зөвшөөрсөн бүсэд эрхлэх;

7.Байгууллагынхаа гадна орчны стандартыг хангуулж, тусгай хэрэгцээт иргэдийн зорчих нөхцөлийг сайжруулж, налуу зам, халтиргаа гулгаанаас сэргийлсэн шат довжоо, бариул хийх;

8.Орчны өнгө үзэмжийг сайжруулж, эзэмшил, ашиглалтад буй барилга, байгууламжийн гадна фасад шинэчлэх, угааж цэвэрлэх, засвар үйлчилгээг тогтмол хийх;

9.Эдэлбэр газарт хамаарах хүүхдийн тоглоомын талбайн засвар үйлчилгээг хийж, эрсдэлтэй нөхцөл байдлыг арилгуулж, тохижуулах;

10.Худалдаа үйлчилгээний байгууллагын эрүүл ахуйн нөхцөл шаардлагыг хангуулах, үйлчлүүлэгч чөлөөтэй ашиглах боломжтой ариун цэдрийн өрөөг тохижуулах, үйлчлүүлэх боломжоор хангах.

11.Иргэн, аж ахуйн нэгж, байгууллага нь төсөл хэрэгжих нутаг дэвсгэрийн байгаль орчныг хамгаалах, зүй зохистой ашиглах, нөхөн сэргээх, байгаль орчинд учруулж болзошгүй сөрөг нөлөөлөл, үр дагаврыг урьдчилан тодорхойлж сөрөг нөлөөллийг бууруулах, арилгах, урьдчилан сэргийлэх зорилгоор байгаль орчны төлөв байдлын үнэлгээг эрх бүхий мэргэжлийн байгууллагаар хийлгэх.

12.Тухайн жилийн байгаль орчны менежментийн төлөвлөгөөг төсөл хэрэгжүүлэгч иргэн, хуулийн этгээд боловсруулж, ерөнхий үнэлгээг хийсэн байгаль орчны асуудал хариуцсан төрийн захиргааны төв байгууллага болон аймаг, нийслэлийн байгаль орчны алба хянаж, батлан тухайн үйл ажиллагааг хэрэгжүүлэх зөвшөөрөл олгоно гэснийг баримтлах.

13.Энгийн хог хаягдлаа ангилан ялгах, шаардлагыг хангасан хогийн савтай байх, аж ахуйн нэгж, байгууллага нь хог хаягдал цуглуулах, тээвэрлэх эрх бүхий иргэн, аж ахуйн нэгж, байгууллагатай хог тээврийн үйлчилгээний гэрээ байгуулах, хог хаягдлаа зориулалтын хогийн сав болон цэгт хаях эсхүл хог хаягдал цуглуулж тээвэрлэх эрх бүхий байгууллагад шилжүүлэх, хог хаягдлын үйлчилгээний хураамжийг тогтоосон хугацаанд төлөх үүрэгтэй.

14.Аюултай хог хаягдал (газрын тосны бүтээгдэхүүнээр бохирдсон хог хаягдал, устгах шаардлагатай химийн хорт болон аюултай бодис, тос масло, хуванцар, дугуй, аккумлятор)-ыг ил задгай шатаахгүй, хаяхгүй, тусгай зөвшөөрөл бүхий аж ахуйн нэгжид хүлээлгэн өгөх.

15.Ус ашиглах дүгнэлт, зөвшөөрлийг мэргэжлийн байгууллагаар батлуулах, ус ашиглах гэрээ байгуулж төлбөр төлсөн байх.

16.Хаягдал ус хаях, зайлуулах зөвшөөрлийг хоногт 50 шоо метрээс их, эсхүл аюултай бохирдуулах бодис агуулсан хаягдал ус гаргадаг ус бохирдуулагчид усны асуудал хариуцсан төрийн захиргааны байгууллагын (Усны газар) дүгнэлтийг үндэслэн сав газрын захиргаа, хоногт 50 шоо метрээс бага хаягдал ус гаргадаг ус бохирдуулагчид сав газрын захиргааны дүгнэлтийг үндэслэн сум, дүүргийн Засаг даргаас зөвшөөрөл авсан байх.

17.Эзэмшил газартаа ногоон байгууламж бий болгох, нэмэгдүүлэх зэрэг ажлуудыг хийж хэрэгжүүлж, нийслэл Улаанбаатар хотын хөгжил цэцэрлэгжилтэд хувь нэмрээ оруулан ажиллана уу.

Иймд аж ахуйн нэгж, байгууллага, иргэн та хууль тогтоомж, норм ба дүрэм, журам, стандартын хүрээнд:

1.“Барилгын тухай” хуулийн 40 дүгээр зүйлийн 40.1.5 дахь заалт (барилгын ажлын талбайн орчны хөдөлмөр хамгааллын дэглэмийг сахиулж, гуравдагч этгээдийг барилгын ажлаас шалтгаалсан болзошгүй аюулаас, урьдчилан сэргийлэх, хамгаалах хэмжээг авах), “Барилгын талбайн түр хашаа ерөнхий шаардлага” МNS 5414:2004 стандартад заасны дагуу барилгын ажлын талбай түүний гаднах эрсдэл бүхий орчны аюулгүй байдал, болзошгүй аюул, ослоос урьдчилан сэргийлэх, хөдөлмөрийн аюулгүй байдал, эрүүл ахуйн шаардлагыг хангаж, холбогдох хууль тогтоомжийг хэрэгжүүлэн ажиллах.

2.Барилга угсралтын үед хөдөлмөр хамгаалал, аюулгүй ажиллагааг хангаж, барилгын эргэн тойронд хамгаалах түр тор, хаалт, хашлагыг Барилгын үйлдвэрлэлийн хөдөлмөрийн аюулгүй ажиллагааны дүрэм БНбД 12-04-06. II хэсэг -ийн шаардлагад нийцүүлэн хийж, орчны аюулгүй байдлыг хангуулж, эрсдэлээс хамгаалах.

3.Монгол Улсын Засгийн газрын 2011 оны 311 дүгээр тогтоолын хавсралтаар батлагдсан Аж ахуйн нэгж, байгууллагын үйл ажиллагаанд дотоод хяналт шалгалтыг зохион байгуулах нийтлэг журмын 1.5 дахь заалт (Энэхүү журмын 1.4-т зааснаас бусад тохиолдолд "Дотоод хяналт шалгалтыг зохион байгуулах журам"-ыг тухайн байгууллага, аж ахуйн нэгж өөрөө баталж мөрдөнө.)-ыг хангуулж, дотоод хяналтын тогтолцоог нэвтрүүлэх.

4.Нийслэлийн иргэдийн Төлөөлөгчдийн Хурлаар батлагдсан Хотын стандарт5 UCS 0301В:2022 (Барилга, замын ажил гүйцэтгэхэд иргэдийн аюулгүй байдлыг хангах техникийн ерөнхий шаардлага), Хотын стандарт: USC 1405В:2022 (Хүүхдийн тоглоомын талбайн ерөнхий шаардлага), Хотын стандарт: USC 1706А:2022 (Барилгын хог хаягдлын менежмент), Хотын стандарт: USC 1410В:2022 (Хашаа, хайс, хашлаганд тавих ерөнхий шаардлага), Хотын стандарт: USC 1410В:2020 (Явган хүний зам, талбайн төлөвлөлт, хучилт, угсралтад тавигдах шаардлага), Хотын стандарт: USC 0301В:2022 (Барилга, замын ажил гүйцэтгэхэд иргэдийн аюулгүй байдлыг хангах техникийн ерөнхий шаардлага), USC 1410С:2020 (Гадна мэдээллийн байгууламжид тавигдах ерөнхий шаардлага), Хотын стандарт: USC 1201B:2022 (Худалдаа үйлчилгээний газрын гадна орчны ерөнхий шаардлага), Хотын стандарт: USC 1701А:2022 (Хог хаягдлыг ангилах, цуглуулах, хадгалах, тээвэрлэх арга зүйн менежмент)-уудыг хэрэгжүүлж ажиллах.

5.Ногоон байгууламж, гэрэлтүүлэг, автомашины зогсоолыг Хотын стандарт: UCS1201B:2022 (Худалдаа, үйлчилгээний газрын гадна орчны ерөнхий шаардлага)-ын 4.1 дэх заалт (Худалдаа үйлчилгээний байгууллага нь худалдан авагч, үйлчлүүлэгчдийн ая тухтай, аюулгүй байдлыг хангах нөхцөлийг бүрдүүлсэн байх шаардлагатай бөгөөд үйл ажиллагаа нь эрүүл ахуйн шаардлагад бүрэн нийцсэн байна.)-д нийцүүлж хийх.

6.Стандартад нийцэхгүй гадна хаягийн байгууламж, мэдээллийн самбарыг Хотын стандарт: UCS 1202B:2022 (Худалдаа, үйлчилгээний газрын гадна сурталчилгааны байгууламжид тавих ерөнхий шаардлага)-д нийцүүлэн хийж гүйцэтгэх.

7.Гадна орчинд хөгжлийн бэрхшээлтэй иргэний төлөвлөлт буюу налуу замыг Барилгын тухай хуулийн 11.1.6 дахь заалт (хөгжлийн бэрхшээлтэй иргэдийн эрхийг хангах: барилга байгууламж хөгжлийн бэрхшээлтэй иргэдийг зорчих, хөдөлгөөний аюулгүй байдлыг бүрэн хангасан байхаар төлөвлөгдөн баригдсан байх;)-д нийцүүлэн хийж гүйцэтгэх.

8.Хог хаягдлын тухай хуулийн 10 дугаар зүйл (Хог хаягдлын талаар иргэн, аж ахуйн нэгж, байгууллагын эрх, үүрэг)-ийн 10.2 дахь хэсэг (Хог хаягдлын талаар иргэн, аж ахуйн нэгж, байгууллага дараах үүрэг хүлээнэ:)-ийн 10.2.1 дахь заалт (энэ хуулийн 9.1.3-т заасан журмын дагуу энгийн хог хаягдлаа ангилан ялгах;), 10.2.2 дахь заалт (энэ хуулийн 15 дугаар зүйлд заасан шаардлагыг хангасан хогийн савтай байх;), 10.2.3 дахь заалт (аж ахуйн нэгж, байгууллага нь хог хаягдал цуглуулах, тээвэрлэх эрх бүхий иргэн, аж ахуйн нэгж, байгууллагатай хог тээврийн үйлчилгээний гэрээ байгуулах;), 10.2.4 дэх заалт (хог хаягдлаа зориулалтын хогийн сав болон цэгт хаях эсхүл хог хаягдал цуглуулж тээвэрлэх эрх бүхий байгууллагад шилжүүлэх;), 10.2.5 дахь заалт (үүссэн аюултай хог хаягдлаа эрх бүхий байгууллагад, эсхүл тогтоосон тусгай цэгт хүлээлгэн өгөх;), 10.2.6 дахь заалт (нийтийг хамарсан цэвэрлэгээ, иргэдийн бүлгээс зохион байгуулсан үйл ажиллагаанд оролцох;)-уудыг хэрэгжүүлж, орчны хог хаягдлыг цэвэрлэх.

9.Байгаль орчныг хамгаалах тухай, Усны тухай хууль, Байгаль орчинд нөлөөлөх байдлын үнэлгээний тухай хууль, Хог хаягдлын тухай хууль, Химийн хорт болон аюултай бодисын тухай хуулиуд болон тэдгээртэй нийцүүлэн гаргасан хууль тогтоомж, дүрэм журам, стандартын хэрэгжилтийг ханган ажиллах.

10.Худалдаа, үйлчилгээний байгууллагуудын эрүүл ахуйн нөхцөл шаардлага Эрүүл ахуйн тухай хуулийн 14 дүгээр зүйлийн 14.2.2 дахь заалт (эрүүл ахуйн тухай хууль тогтоомжийг хэрэгжүүлэхэд нутгийн захиргаа, мэргэжлийн байгууллагаас зохион байгуулах арга хэмжээнд оролцох, хуулийн хүрээнд нийцүүлэн тавьсан шаардлагыг бүрэн биелүүлэх;), 14.2.4 дэх заалт (эрүүл ахуйн тухай хууль тогтоомжийг сахин биелүүлэх;) -уудын хүрээнд хэрэгжүүлж ажиллах.

11.Хөдөлмөрийн аюулгүй байдал, эрүүл ахуйн тухай хуулийн 7 дугаар зүйлийн 7.1, 7.2 дахь дахь хэсэг, “Барилгын үйлдвэрлэлд дагаж мөрдөх хөдөлмөр хамгаалал, аюулгүй ажиллагааны дүрэм” БНбД 12-03-04-ийн 6.2.2, 6.2.3 дахь заалт, “Барилга, замын ажил гүйцэтгэхэд иргэдийн аюулгүй байдлыг хангах ерөнхий шаардлага” хотын стандартын 5, 6 дахь заалтуудын дагуу үйлдвэрлэлийн барилга байгууламжийг барьж байгуулах ажил үйлчилгээг хөдөлмөрийн аюулгүй байдал, эрүүл ахуйн шаардлагад нийцүүлэх, барилгын ажил эхлэхээс өмнө орчны аюулгүй байдлыг хангах, барилгын түр хашааг өнгө үзэмж сайтай, эвдрэл гэмтэлгүй, бат бөхийн шаардлага хангасан, цагаан саарал өнгөтэй, хүн олноор зорчих хэсэгт явган замын саравчтай барих мөн үйлдвэрлэлийн аюултай хүчин зүйлүүд тохиолдож болзошгүй бүсэд болон барилгын түр хашаан дээр урьдчилан сэргийлэх зорилгоор дохио санамж, аюулгүй ажиллагааны тэмдэг, тэмдэглэгээг, барилгын талбайн гол хаалганы дээр барилгын мэдээллийн самбарыг тус тус байршуулан ажиллахыг ЗӨВЛӨЖ байна.

Нийслэлийн Засаг даргын 2024 оны 04 дүгээр сарын 06-ны өдрийн А/367 дугаар захирамжийн хүрээнд Хяналтын чиг үүргийн байгууллагуудаас хийсэн шалгалтаар дээрх чиг үүргийг хэрэгжүүлээгүй, батлагдсан Хотын стандартыг мөрдөөгүй, холбогдох хууль, тогтоомжийг зөрчсөн зөрчил илэрвэл Зөрчлийн тухай хуулийн 2.1 дүгээр зүйлийн холбогдох заалтад хамаарч, Зөрчлийн тухай хууль, бусад холбогдох хууль, норм, дүрэм, журам, стандартын хүрээнд арга хэмжээ авахыг мэдэгдье.

НИЙСЛЭЛИЙН ЗАСАГ ДАРГЫН ТАМГЫН ГАЗАР

Авто машины угаалгын үйлчилгээнд тавигдах шаардлага, аюулгүй байдал, үйлчилгээний эрүүл ахуйн шаардлагыг хангаж ажиллах тухай

Монгол Улсын Засгийн газрын 2022 оны 12 дугаар сарын 28-ны өдрийн 479 дугаартай тогтоолоор батлагдсан “Хяналт шалгалт хийх нийтлэг журам”-ын 34.1 дэх хэсэг болон Нийслэлийн Засаг даргын “2024 оныг тохижилт бүтээн байгуулалтын жил болгон зарлах тухай” А/01 дугаартай захирамжийг хэрэгжүүлэх зорилгоор Автотээврийн тухай хууль, Эрчим хүчний тухай хууль, Төрийн хяналт шалгалтын тухай хууль болон холбогдох журам, үндэсний стандартын хэрэгжилтийг хангуулж, автомашины угаалгын үйлчилгээнд тавигдах шаардлага, аюулгүй байдал, үйлчилгээний чанар, соёлыг дээшлүүлэх, эрсдэлээс урьдчилан сэргийлэх, эрүүл ахуйн шаардлагыг хангаж ажиллах үүднээс үйлчилгээ эрхлэгч аж ахуйн нэгж, иргэдэд дараах зөвлөмжийг хүргүүлж байна. Үүнд:

1. Авто угаалгын үйлчилгээ эрхлэгч аж ахуй нэгж, иргэн нь Автотээврийн тухай хуулийн 192 дугаар зүйл болон Зам, тээврийн хөгжлийн сайдын 2022 оны 04 дүгээр сарын 25-ны өдрийн А/112 дугаартай тушаалаар батлагдсан “Авто үйлчилгээний байгууллагад ангилал тогтоох журам”-ын 2.1 дэх заалтад заасны дагуу эрх бүхий байгууллагаар үйлчилгээний ангиллаа тогтоолгох;

2. Төрийн хяналт шалгалтын тухай хуулийн 13 дугаар зүйлийн 13.1 дэх хэсэг, Монгол Улсын Засгийн газрын 2011 оны 311 дүгээр тогтоолоор батлагдсан “Нийтлэг журам”-ыг үндэслэн байгууллагын дотоод хяналт шалгалтыг тогтмол хэрэгжүүлэх;

3. Эрчим хүчний тухай хуулийн 30 дугаар зүйлийн 30.1.3 дахь заалт /Техникийн ашиглалтын болон аюулгүй ажиллагааны дүрмийг мөрдөх/-д заасны дагуу цахилгаан дамжуулагч утас болон кабелийн хөндийрүүлэгч, бүрхүүлийг хэт халаах, богино холбоо үүсгэх, оч гарах нөхцлийг бүрдүүлсэн байвал аюулгүй байдлыг хангах хүртэл сүлжээнээс салгах, засварлах, солих арга хэмжээ авах;

4. Цахилгаан байгууламжийн ашиглалтын үед мөрдөх аюулгүй ажиллагааны дүрэм”-ийн 1.1.8 -д (Цахилгаан байгууламж, тоног төхөөрөмж нь аюулгүй ажиллагааны нөхцөлийг хангахаар бүрэн бүтэн байх ёстой) -гэж заасны дагуу ашиглалтын явцад тусгаарлах шинж чанараа алдсан гэмтэлтэй, хөндийрүүлэгчтэй кабель утас, холболтын хайрцаг, залгуур, унтраалга, цахилгаан хэрэгслийг ашиглахгүй байх;

5. “Авто үйлчилгээний байгууллагад ангилал тогтоох журам”-ын 3.2.7-д заасны дагуу үйлчилгээ эрхлэгч нь усаа дахин цэвэршүүлэх төхөөрөмжийг ашиглах;

6. Нийслэлийн Иргэдийн Төлөөлөгчдийн Хурлын Тэргүүлэгчдийн 2014 оны 01 дүгээр сарын 17-ны өдрийн 07 дугаартай тогтоолоор батлагдсан “Нийслэлийн худалдаа, үйлчилгээний нийтлэг журам”-ын 4.3-д заасны дагуу авто үйлчилгээ эрхлэх талаар харъяа дүүргийнхээ Засаг даргын дэргэдэх “Зөвлөл”-тэй гэрээ байгуулж, үйлчилгээний мэдээллийн санд бүртгүүлэх, ажлын байрны гадна болон дотоод орчны аюулгүй байдлыг хангах хяналтын сүлжээнд холбох, ажиллагсад ажлын онцлогт нийцсэн дүрэмт хувцсыг өмсөх;

7. “Автомашины угаалгын үйлчилгээ. Ерөнхий шаардлага” MNS 5347:2003 улсын стандартаас
-7.1-д “харъяа нутаг дэвсгэрийнхээ автотээврийн ажил үйлчилгээг зохицуулдаг эрх бүхий мэргэжлийн болон бүртгэх байгууллагад бүртгүүлж, дүгнэлт гаргуулсан байхаас гадна угаалгын барилга, байгууламжийг эзэмших, ашиглахтай холбогдсон баримт бичгийг зохих ёсоор бүрдүүлэх;

- 7.2-д “автомашин угаах ажил үйлчилгээ нь хүрээлэн буй орчин, оршин суугчдад сөрөг нөлөөлөл үзүүлэхгүй, галын болон аюулгүй ажиллагааны шаардлага хангасан, хөдөлмөрийн эрүүл ахуйн болон тав тухтай ажиллах орчин нөхцөлийг бүрдүүлэх;

- 7.3-д “ажил үйлчилгээтэй холбогдсон угаалгын технологийн карт, техникийн болон эрүүл ахуйн аюулгүй ажиллагаа, хөдөлмөр хамгааллын заавар, журмыг мөрдөж ажиллах;

- 7.4-д “автомашиныг угаахад зориулалтын угаагч шингэн, нунтгийг хэрэглэх;

- 7.5-д “угаагчийг ус нэвтэрдэггүй малгай, бээлий, гутал, ажлын хувцсаар бүрэн хангах;

- 7.7-д “автомашиныг угаалгын байранд байрлуулахдаа зогсоолын тоормосыг ажиллуулахаас гадна налуу талбайд өнхрөхөөс хамгаалсан ивүүрийг заавал хэрэглэх;

- 8.1-д “автомашины угаалгын үйлчилгээний барилга, байгууламж, түүний инженерийн шугам сүлжээ нь “Барилгын норм ба дүрэм” СНиП – II-93-74-т заасан норматив шаардлага хангаж ажиллах;

- 8.2-д “автомашины угаалгын барилга, байгууламж нь агааржуулах, гэрэлтүүлэх, дулаацуулах систем, галын аюулгүйн багаж хэрэгслээр бүрэн хангагдсан, тэдгээр нь хэвийн ажиллагаатай байх;

- 9.2-д “автомашин угаагч нь угаалгын байрны технологийн тоног төхөөрөмж, багажийг бүрэн эзэмшсэн, автомашины угаалгын технологи ажиллагаа, хөдөлмөр хамгаалал, эрүүл ахуйн холбогдох дүрэм, журам, зааврыг судалж, тэдгээрийг мөрдөж ажиллах чадвартай мэргэжлийн сургалтад хамрагдсан байх;

Энэхүү зөвлөмжийг ажил үйлчилгээндээ хэрэгжүүлэн ажиллахыг зөвлөж байна.

АВТО ТЭЭВРИЙН ХЯНАЛТЫН УЛСЫН АХЛАХ БАЙЦААГЧ Ц.ХАДБААТАР

7 ХОНОГИЙН ОНЦЛОХ ҮЙЛ ЯВДАЛ (2024/04/01 – 2024/04/05)

ХОТЫН СТАНДАРТЫН ТОГТОЛЦООГ ХӨГЖҮҮЛЭХ НЬ:
1. Хотын стандартын III дугаар ээлжийн стандартын бичиг баримтад шаардагдах дотор засал, төлөвлөлтөд оруулах зургийн байгуулалт хийж дуусгалаа. Үүнд: Сургуулийн өмнөх боловсролын байгууллагын дотор тоног төхөөрөмжийн байршил, өндөр, нам, зайн хэмжээсийн стандартыг тохирууллаа.

2. Иж бүрэн гудамж бүлгийн стандартад нэмэлт өөрчлөлт оруулахаар нийтийн тээврээр зорчих гудамжны олон улсын жишиг туршлагаас судлан боловсрууллаа.

3. Хотын стандартын дараах төслүүдэд засвар сайжруулалтын ажил 90%-тайгаар хийгдэж байна. Үүнд:
3.1. Нийтийн эх хүүхдийн өрөөний төлөвлөлт, байгуулалтад тавих ерөнхий шаардлага 3.2. Сургуулийн өмнөх боловсролын байгууллагын дотор засалд тавигдах шаардлага 3.3. Хотын стандартыг боловсруулах арга зүйн заавар

ХУУЛЬ ТОГТООМ, ДҮРЭМ ЖУРАМ, СТАНДАРТЫГ ТАНИУЛАХ НЬ:
1. Тохижилт-Бүтээн байгуулалтын жилийн ажлын хүрээнд Хотын стандарт, хяналтын газраас байгууллагын чиг үүргийн хүрээнд нэгдсэн уулзалт, сургалтыг хуваарийн дагуу үе шаттайгаар зохион байгуулан ажиллаж байна. “Барилга байгуулламжийн ашиглалт, хотын стандартын хэрэгжилтийг хангуулах, болзошгүй эрсдэлээс урьдчилан сэргийлэх” тухай энэ удаагийн сургалтаар Сонгинохайрхан, Хан-Уул эко дүүрэгт 2024 оны 04 дүгээр сарын 02-ний өдөр тус тус дүүргийн ЗДТГ-тай хамтран зохион байгууллаа. Нэгдсэн сургалтаар хотын стандартыг таниулах, хэрэгжүүлэх арга зүйгээр хангах, барилга байгууламжийн ашиглалтыг сайжруулах, дулаан хангамж, цахилгаан хангамж, лифтийн аюулгүй ажиллагаанд анхаарах, хийн хэрэглээний аюулгүй байдлыг хангах, аливаа эрсдлээс урьдчилан сэргийлэх зорилготой хөтөлбөрийн хүрээнд явагдаж байна 101 СӨХ-дын төлөөлөл иргэд оролцлоо. Сургалтын энэ удаагийн арга хэмжээнд нийт 478 СӨХ-дын төлөөлөл иргэдийг хамрууллаа. Цаг үеийн дэлгэрэнгүй мэдээллийг дараах пейж хуудсаар дамжуулан аваарай.

https://www.facebook.com/urbanstandart

2. Байгаль орчинд нөлөөлөх орчны бохирдлоос урьдчилан сэргийлэх чиглэлээр есөн дүүргийн Тохижилт, нийтийн аж ахуйн хэлтэстэй хамтран “Хог хаягдлын менежмент” бүлгийн 5 хотын стандартын сургалтыг үе шаттайгаар зохион байгуулж, хэрэгжүүлэх арга зүйн зөвлөмж хүргүүлэн ажиллалаа.

3. Мэдээллийн цагийн хөтөлбөр боллоо. Хотын стандарт, хяналтын газрын Захиргаа, санхүүгийн хэлтсээс “Мэдээллийн цагийн хөтөлбөр” -ийг байгууллагын дэргэдэх Хүний эрх, Жендэрийн зөвлөлөөс хамтран 2024 оны 04 дүгээр сарын 02-ны өдөр зохион байгууллаа. Сургалтад нийт 68 албан хаагч оролцлоо.

Хөтөлбөрийн дагуу:
- Монгол Улсын Засгийн газар, Жендэрийн үндэсний хорооноос зохион байгуулж буй “ХАРИЛЦАН ХҮНДЭТГЭЕ” үндэсний хэмжээнд зохион байгуулсан нэг сарын аяны хүрээнд эерэг хандлагыг түгээх уриатайгаар “Харилцаа ба хүндлэл” сэдэвт лекцийг Хувь Хүний Хөгжлийн Институт төв” -өөс хүний хөгжил судлаач багш М.Mөнхжаргал
- Шинэчлэгдэн батлагдсан хууль тогтоомжийн талаарх танилцуулгыг Хууль эрх зүй хариуцсан ахлах мэргэжилтэн Б.Сарангэрэл мэдээлэл өглөө.

Эерэг харилцаа бол эв нэгдлийг хангах, итгэлцлийг бататгах, бүтээмжийг бий болгох, төлөвшүүлэх, урам зориг сэтгэл ханамжийг өсгөх, хүний эрхийг дээдлэн буй чухал ач холбогдолтой юм. Тус байгууллагын зүгээс өглөө бүр эерэг хандлага, харилцан хүндэтгэл, эерэг нөлөөл бий болгох мессежийг хүргэж буй.

4. Худалдаа, үйлчилгээний газрын гадна орчны ерөнхий шаардлага хотын стандартын хэрэгжилтийг хангуулах ажлын хүрээнд Баянгол дүүргүүдийн нутаг дэвсгэрт үйл ажиллагаа эрхлэн буй иргэн, аж ахуйн нэгж байгууллагад албан шаардлагын дагуу гадна хаягийг шинэчлэх ажилд хяналт тавьж сайжруулалт хийлгэлээ.

БАРИЛГА БАЙГУУЛАМЖИЙГ АШИГЛАЛТАД ОРУУЛАХ УЛСЫН КОМИССЫН ҮЙЛ АЖИЛЛАГАА:
Барилга, байгууламжийг байнгын ашиглалтад хүлээн авах хүсэлтийн дагуу урьдчилсан үзлэгийг 2024 оны 04 дүгээр сарын 01-нээс 05-ний хооронд 1 барилга байгууламж дээр 13 үндсэн шаардлагын дагуу стандарт, норм ба дүрмийн хэрэгжилтийн урьдчилсан шалгалт хийлээ.

Тус хугацаанд хийгдсэн ажлаас тодруулбал:
- Шинээр баригдсан барилга байгууламжийн хувьд урьдчилсан үзлэгээр татгалзсан объект байхгүй, дүгнэлтээр баталгаажсан 2 объект, үүрэг даалгаврын биелэлтээр 5 объектийг тус тус ашиглалтад оруулах шийдвэр гаргасан байна.
- Цахилгааны байгууламжийн хувьд урьдчилсан шалгалтыг үндэслэн татгалзсан 1, баталгаажсан дүгнэлтийг 2 объектод, үүрэг даалгаврын биелэлтээр 7 объектийг ашиглалтад оруулах шийдвэр гаргажээ.

ХЯНАЛТ ШАЛГАЛТ АЖЛЫН ХҮРЭЭНД:
Нийслэлийн иргэдийн эрүүл, аюулгүй, амьдрах эрхийг хангахад чиглэсэн ажлыг иргэдээс ирүүлсэн гомдлын мөрөөр төлөвлөгөөт бус хяналт шалгалтыг нөхцөл байдал дээр шалган хууль дүрэм журмын дагуу стандарт, норм ба дүрмийн шаардлага тавьж шийдвэрлэн ажилладаг.

Өнгөрсөн 7 хоногт дараах шалгалтыг хэрэгжүүллээ. Үүнд:
- Эрчим хүчний хяналтаар 4 байршилд төлөвлөгөөт бус хяналт шалгалт хийлээ.
- Газрын тос хийн хяналтын чиглэлээр Улаанбаатар хотын цахилгаан түгээх ТЭЦ-2, ТЭЦ-3 -ын дотоодын хэрэгцээний ШТС, дунд, өндөр даралтын мазутын үйлдвэрлэлийн чиглэлээр үйл ажиллагаа эрхлэгч ААН байгууллагуудад хягалт шалгалт хийгдэж байна.
- Авто тээврийн чиглэлээр "Автомашины угаалгын үйлчилгээнд тавигдах шаардлага, аюулгүй байдал, үйлчилгээний эрүүл ахуйн шаардлагыг хангаж ажиллах тухай" улсын (ахлах) байцаагчийн зөвлөмжийг Нийслэлийн, Нийтийн Тээврийн газарт хүргүүллээ.
- Өргөх байгууламж, лифтийн аюулгүй ажиллагааг хангуулах талаарх Улсын байцаагчийн зөвлөмжийн мэдээллийг олон нийтийн цахим сувгаар мэдээлэл түгээлээ.
- Барилгын техникийн хяналтын чиглэлээр төлөвлөгөөт бус шалгалтыг 6 байршилд
- Урьдчилан сэргийлэх хяналт шалгалтыг 1 байршилд

Шалгалтаар илэрсэн зөрчилд албан шаардлага – 2, мэдэгдэл – 2 өгч, барилга байгууламжтай холбоотой Улсын байцаагчийн дүгнэлт – 5, зөвлөмж – 1, , хамтарсан удирдамж -1 тус тус албажуулан гаргасан байна.

НИЙГЭМ, ОЛОН НИЙТИЙН ОРОЛЦОО
Монгол Улсын "Биеийн тамир, спортын тухай хууль"-ийн 8 дугаар зүйл, Нийслэлийг 2021-2025 онд хөгжүүлэх таван жилийн үндсэн чиглэл, Нийслэлийн Засаг дарга бөгөөд Улаанбаатар хотын захирагчийн 2020-2024 оны уйл ажиллагааны хөтөлбөрийг хэрэгжүүлэх, биеийн тамир спортын хамтлагийн үйл ажиллагааг идэвхижүүлэх, байгууллагын албан хаагчдын чөлөөт цагийг зөв боловсон өнгөрүүлэх, нийтийн биеийн тамирыг хөгжүүлэхэд албан хаагчдын идэвх оролцоог нэмэгдүүлэх зорилгоор жил бүр байгууллагын аварга шалгаруулах тэмцээнийг зохион байгуулдаг. Энэ жил нь мөн Хотын стандарт, хяналтын газрын байгууллагын 5 жилийн ойг угтсан үйл ажиллагааг зохион байгуулж буй. Тус ажлын хүрээнд 2024 оны 04 дүгээр сарын 06-ны өдөр спортын 5 төрөлт аварга шалгаруулах тэмцээн боллоо. Үүнд:

1. Сагсан бөмбөгийн төрөлд эрэгтэй эмэгтэй тамирчид 2 үе шаттайгаар
2. Волейболын төрөлд эрэгтэй эмэгтэй тамирчид 3 үе шаттайгаар
3. Шатар төрөлд тамирчид олон улсын шатрын дүрмээр
4. Дартсын төрөлд тамирчид нийт 4 хүний бүрэлдэхүүнтэйгээр
5. Ширээний теннисний төрөлд тус тус аваргууд шалгарлаа.

ӨНГӨРСӨН 7 ХОНОГИЙН ОНЦЛОХ ҮЙЛ ЯВДАЛ

ХОТЫН СТАНДАРТЫН ТОГТОЛЦООГ ХӨГЖҮҮЛЭХ НЬ:

1. Хотын стандартын гуравдугаар ээлжийн бичиг баримтын төслийг иргэд, олон нийт, байгууллагуудыг хамруулан хэлэлцүүлэх ажлын хөтөлбөр, удирдамжийг боловсруулан НЗД-ын нэгдүгээр орлогч дарга Н. Сайнзоригоор батлуулан албажууллаа. Хэлэлцүүлэгт оролцох байгуулагуудын жагсаалтад:
- Төрийн захиргааны Төв байгууллагууд
- Нийслэлийн нутгийн Төр захиргааны байгууллагууд
- Мэргэжлийн холбоод
- Төрийн бус байгууллагууд, ААНБ
- Их дээд сургуулийн төлөөллүүд оролцоно.

2. Хотын стандартын төслийн бичиг баримтад сайжруулалт, техникийн шинэчлэл хийсээр байна. Үүнд:
- Эрчим хүчний хэмнэлттэй амины орон сууцны жишиг зураг төслийн сайжруулалтын явц – 95%
- Цэцэрлэгийн барилгын дотор засалд тавигдах шаардлага – 80%
- Ерөнхий боловсролын сургуулийн барилгын дотор засалд тавигдах шаардлага – 80%
- Эх хүүхдийн өрөөний төлөвлөлт, байгуулалтад тавих техникийн шаардлага – 60%

3. Нийслэлийн Засаг даргын нэгдүгээр орлогч дарга П.Сайнзоригоос өгөгдсөн үүрэг даалгаврын дагуу Улаанбаатар хотын Захирагчийн алба /УБЗАА/, Нийслэлийн, Аялал жуулчлалын газар /НАЖГ/ –ын албаны хүмүүстэй “Гудамж зам, нийтийн эзэмшлийн талбайн хаяг, тэмдэг, тэмдэглэгээ болон такси үйлчилгээний стандартын талаар цаг үеийн мэдээлэл солилцлоо. Хотын стандартын тогтолцоог хөгжүүлэх, хэрэгжилтэд хяналт тавих ажлын хүрээнд хамтран хэрэгжүүлэх ажлын талаар хэлэлцлээ.

ХУУЛЬ ТОГТООМ, ДҮРЭМ ЖУРАМ, СТАНДАРТЫГ ТАНИУЛАХ НЬ:

1. Нийслэлийн Засаг даргаас өгөгдсөн үүрэг чиглэлээр “Барилгын гадна фасадын чанар ашиглалтын өнөөгийн байдал” сэдвээр гуравдугаар сарын 25-ны өдрийн Зөвлөлийн хуралд танилцуулга мэдээллийг өгч холбогдох шийдвэрийг гаргууллаа.
2. Нийслэлийн Засаг даргын 2024 оны нэгдүгээр захирамжаар энэ оныг “Тохижилт-бүтээн байгуулалтын жил” болгон зарласан билээ. Үүнтэй холбогдуулан Хотын стандарт, хяналтын газраас байгууллагын чиг үүргийн хүрээнд нэгдсэн уулзалт, сургалтыг хуваарийн дагуу үе шаттайгаар зохион байгуулан ажиллаж байна. Нэгдсэн сургалтаар хотын стандартыг таниулах, хэрэгжүүлэх арга зүйгээр хангах, барилга байгууламжийн ашиглалтыг сайжруулах, дулаан хангамж, цахилгаан хангамж, лифтийн аюулгүй ажиллагаанд анхаарах, хийн хэрэглээний аюулгүй байдлыг хангах, аливаа эрсдлээс урьдчилан сэргийлэх зорилготой хөтөлбөрийн хүрээнд явагдаж байна. Улирлын чанартай бүтээн байгуулалтын ажил эхлэхийн өмнөх урьдчилсан чиглүүлэх мэдээлэл, зөвлөгөө, зөвлөмжөөр хангах сургалтыг нийт 9 дүүргийн ЗДТГ-тай хамтран зохион байгуулахаар төлөвлөсөн. Үүний дагуу өнгөрсөн 7 хоногт сургалтыг СӨХ-ийн удирдлага, иргэн ААН, байгууллагыг нийт 6 дүүргийн 450 гаруй төлөөллүүд хамрагдлаа. Сургалтын талаарх цаг үеийн дэлгэрэнгүй мэдээллийг дараах пейж хуудсаар дамжуулан аваарай. https://www.facebook.com/urbanstandart
3. Баянзүрх дүүргийн ЗДТГ-аас зохион байгуулсан чиглүүлэх сургалтыг харъяа ТҮГ ажилтан, албан хаагчдад зориулан “Стандарт эрүүл аюулгүй ажиллагаа” уриатайгаар зохион байгуулсан. Энэхүү сургалтад Хотын стандарт, хяналтын газраас “Ногоон байгууламж” бүлгийн стандарт, “Хог хаягдлын менежмент” бүлгийн хотын стандартыг танилцуулан хамтран зохион байгуулсан. Тухайлбал,
- “Хог хаягдлын менежмент” бүлэгт хамаарах “UCS1704:2022 Зам талбайн үйлчлэгч, ачигч, тээврийн ажилтны хөдөлмөрийн эрүүл ахуй, аюулгүй ажиллагааны удирдамж”
- “Ногоон байгууламж” бүлэгт хамаарах “UCS0802A:2022 Цэцэрлэгчийн хөдөлмөрийн аюулгүй ажиллагааны удирдамж” сэдвээр таниулах, хэрэгжүүлэх арга зүйн зөвлөгөөгөөр хамтран оролцлоо.

БАРИЛГА БАЙГУУЛАМЖИЙГ АШИГЛАЛТАД ОРУУЛАХ УЛСЫН КОМИССЫН ҮЙЛ АЖИЛЛАГАА:

Барилга, байгууламжийг байнгын ашиглалтад хүлээн авах хүсэлтийн дагуу улсын комисс ажиллах хуваарийг Хотын стандарт, хяналтын газраас хоёр төрлөөр нэгтгэн боловсруулж баталгаажуулна. Үүнд:
1- рт. Шинээр баригдсан барилга байгууламжийг ашиглалтад оруулах комиссын хуваарь
2- рт. Барилга байгууламжийн их засвар, шинэчлэлтийн ажлыг ашиглалтад оруулах комиссын хуваарь орно.

Тус газрын 2022 онд баталсан тушаалын дагуу урьдчилсан үзлэгийг тогтмол хийж заншсан. Хамгийн сүүлийн байдлаар өнгөрсөн 7 хоногт 13 үндсэн шаардлагын дагуу 5 барилга байгууламж дээр стандарт, норм ба дүрмийн урьдчилсан шалгалт хийлээ. 2024.03.25-03.29 хооронд хийгдсэн ажлаас дурдваас:

- Шинээр баригдсан барилга байгууламжийн хувьд урьдчилсан үзлэгээр татгалзсан объект байхгүй, дүгнэлтээр баталгаажсан 1 объект, үүрэг даалгаврын биелэлтээр 12 объектийг тус тус ашиглалтад оруулах шийдвэр гаргасан байна. Цахилгааны байгууламжийн хувьд урьдчилсан шалгалтыг үндэслэн татгалзсан 2, баталгаажсан дүгнэлтийг 4 объектод, үүрэг даалгаврын биелэлтээр 7 объектийг ашиглалтад оруулах шийдвэр гаргажээ.
- Их засвар, шинэчлэлтийн ажлын хүрээнд урьдчилсан шалгалтаар татгалзсан – 2 объект, дүгнэлтээр баталгаажсан 6 объектыг, үүрэг даалгаврын биелэлтээр 2 объектыг байнгын ашиглалтад оруулах шийдвэр гаргасан байна.

ХЯНАЛТ ШАЛГАЛТ АЖЛЫН ХҮРЭЭНД:

Нийслэлийн иргэдийн эрүүл, аюулгүй, амьдрах эрхийг хангахад чиглэсэн ажлыг иргэдээс ирүүлсэн гомдлын мөрөөр төлөвлөгөөт бус хяналт шалгалтыг нөхцөл байдал дээр шалган хууль дүрэм журмын дагуу стандарт, норм ба дүрмийн шаардлага тавьж шийдвэрлэн ажилладаг.
Өнгөрсөн 7 хоногт дараах шалгалтыг хэрэгжүүллээ. Үүнд:
- Цахилгаан, дулаан хангамжийн хяналтын хүрээнд БГД-ийн 95, 96 дугаар цэцэрлэгүүдийн орчны байдлыг шалган аюулгүй байдлыг хангуулсан - 2
- Уурын зуухны ашиглалтын байдалд СБД-т байрлах Мон... ХХК-д шалгалт хийж илэрсэн зөрчилд албан шаардлага хүргүүлсэн - 1
- БЗД-ийн 42 дугаар хороо агаар сэлгэлтийн системд, 22-р хороонд зоорийн давхарт дулаан хангамжийн насосын ашиглалтын байдалд, ХУД-ийн 15- хороо цахилгаан хангамжийн ашиглалтын байдалд шалгалт хийж улсын байцаагчийн хамтарсан дүгнэлтийг албажуулан тус тус хандсан иргэнд хүргүүллээ – 3
- Шингэрүүлсэн шатдаг хийн баллонт тоног төхөөрөмжийн ашиглалтын байдалд шалгалт хийж илэрсэн зөрчлийг арилгуулсан - 1
- ЧД-ийн 5-р хороонд байрлах Т... орон сууцны 1 дүгээр давхарыг гадагш сунгаж нийтийн эзэмшлийн талбайг хааж өргөтгөсөн 1 зөрчлийн байдалд буулгах хугацаатай үүрэг өгч албан тоот хүргүүллээ.

НИЙГЭМ, ОЛОН НИЙТИЙН ОРОЛЦОО

“ГАМШГИЙН ҮЕИЙН БЭЛЭН БАЙДЛЫН ДУУТ ДОХИОГООР ЦУГЛАРАХ” ДАДЛАГА СУРГУУЛИЛТ БОЛЛОО
Улс орон даяар гамшгийн зарлан мэдээллийн дуут дохио дуугаргаж, дадлага сургуулилтийг гуравдугаар сарын 28-ны өдрийн 16:00 цагт хамрагдлаа.
Хотын стандарт, хяналтын газрын хэсэг нэгжийн албан хаагчид Нийслэлийн Онцгой байдлын газрын “Гамшгаас хамгаалах сургалт арга зүйн төв”-өөс хэрэгжүүлж буй заавар, зөвлөмжийн дагуу зохион байгуулалтад орж сургуулилтад нийт 65 албан хаагч оролцож үүнээс өвчтэй 1, гадуур ажиллаж байсан 19 албан хаагчид тухайн газраа бүртгүүлж мөн байгууллагатаа эргэн мэдээлэл хүргэн хамрагдлаа.

Нийтийн эзэмшлийн гудамж, зам талбайн гэрэлтүүлгийн ашиглалт хариуцсан аж ахуйн нэгж байгууллагуудад мэдэгдэл хүргүүлэх тухай

Нийслэлийн Засаг даргын 2024 оны А/01 дүгээр захирамжаар 2024 оныг “Тохижилт-Бүтээн байгуулалтын жил” болгон зарласантай холбогдуулан нийслэлийн удирдах ажилтнуудын 2024 оны 03 дугаар сарын 18-ны өдрийн шуурхай зөвлөгөөнөөс нийслэлийн нутаг дэвсгэрт байгаа өнгө үзэмжгүй, эвдэрч гэмтсэн, эзэн холбогдогч тодорхойгүй шонг буулгаж, зөрчлийг арилгуулах үүрэг даалгаврын хэрэгжилтийг хангуулах зорилгоор гэрэлтүүлгийн ашиглалт, угсралтын үйл ажиллагаа явуулж буй бүтэц зохион байгуулалт, тусгай зөвшөөрөлд тусгагдсан мэргэжлийн боловсон хүчин, техникийн бэлэн байдал, цахилгааны дэд өртөө, шугам сүлжээ, тоног төхөөрөмжийн угсралт, ашиглалт, аюулгүй ажиллагаа, шугам сүлжээний хамгаалалтын зурвас, цахилгаан эрчим хүчний тасралтгүй найдвартай ажиллагаа, хэрэглэгчдээс ирүүлсэн өргөдөл гомдлын барагдуулалт, дотоод хяналт шалгалтыг зохион байгуулж буй зэрэгт Төрийн хяналт шалгалтын тухай, Эрчим хүчний тухай, Барилгын тухай, Аж ахуйн үйл ажиллагааны тусгай зөвшөөрлийн тухай хуулиудын хэрэгжилт болон түүнд нийцүүлэн эрх бүхий байгууллагаас батлан гаргасан дүрэм, журам, стандартын мөрдөлтийг хангаж ажиллах, үйл ажиллагааны явцад нийтлэг тохиолддог зөрчил, дутагдлуудыг арилгах, инженер техникийн ажилтнуудад судлуулах, дотоодын хяналтыг сайжруулах ажлын хүрээнд дор дурдсан арга хэмжээнүүдийн хэрэгжилтийг хангаж ажиллах нь зүйтэй.

Үүнд:

1. Үйлчилгээний онцлогт тохирсон, хөдөлмөр хамгаалал, эрүүл ахуйн болон галын аюулгүй байдал, техник ашиглалт, аюулгүй ажиллагааны дүрэмд нийцүүлсэн техник, тоног төхөөрөмжийн зааврыг боловсруулан батлуулж, ажлын байранд байршуулах;

2. Техникийн паспортыг хөтөлж, баяжилтыг тухай бүр хийх, үзлэг, засварын ажлыг хийсэн тухай тэмдэглэл, зүйл заалтын дагуу утга агуулгыг оновчтой тодорхой бичих;

3. Угсралтын ажлыг батлагдсан зураг, төслийн дагуу гүйцэтгэх, хийсэн ажлын акт, протоколыг бүрдүүлэх барилга байгууламжуудын зураг төсөл, бичиг баримтын иж бүрдлийг, эмх цэгцтэй хадгалах;

4. Өөрийн эзэмшлийн цахилгаан тоног төхөөрөмж, ерөнхий самбаруудын ажлын зураг, зарчмын схемийг ажлын байранд болон ерөнхий самбарт байршуулах;

5. Инженер техникийн ажилчдад аюулгүй ажиллагаа, техник ашиглалтын дүрмийг мөрдүүлэх, уншуулах, судлуулах, аюулгүй ажиллах арга барилыг эзэмшүүлэх, үйлдвэрлэлийн осол, аюулгүй ажиллагааны мэдлэг олгоход чиглэгдсэн сургалтын ажлыг дүрмийн дагуу зохион байгуулан сургаж мэдлэг, дадал, хэвшил олгож байгаа байдалд анхаарах, сургалтад хамруулах;

6. Хөдөлмөр хамгаалал, аюулгүй ажиллагааны 3-н шатны зааварчилгааг үр өгөөжтэй өгөх, тогтмолжуулах, нэн ялангуяа өдөр тутмын зааварчилгааг ажлын онцлог, орчин нөхцөлд нь тохируулж, тухай бүр өгч баталгаажуулж байх, ажилчдын мэдлэг чадварын төвшингийн байдалд дотоодын хяналт тавьж ажиллах;

7. Инженер техникийн ажилтан нарыг засвар, угсралтын ажлыг аюул осолгүй гүйцэтгэх мэдлэг чадварыг үнэлэн тогтоож, хүчдэлтэй тоног төхөөрөмжтэй ажиллах эрхийг баталгаажуулах /группийн үнэмлэхжүүлэх/ мэдлэгийн шалгалтыг тогтмол авч хэвших;

8. Ажилчдыг чийрэгжүүлэх, эрүүлжүүлэх үйл ажиллагаа, хамгаалах хувцас, хэрэгслийн хангамж хүрэлцээний байдалд анхаарах;

9. Давтан газардуулгыг хийх, баталгаажсан хэмжих хэрэгслээр газардуулгын эсэргүүцлийг нормт хугацаанд хэмжиж, акт протоколоор баталгаажуулах ажилд онцгой анхаарч ажиллах, хэвших, техникийн паспортад тэмдэглэх;

10. Ажлын байрны галын болон тэсрэх аюулын зэрэг, орчны нөхцөлөөс хамааруулан шугам сүлжээ, цахилгаан үүсгүүр, хөдөлгүүр, гэрэлтүүлэгч зэрэг бусад цахилгаан тоног төхөөрөмжийн сонголт, ашиглалтын байдалд хяналт тавих, эрсдэл үүсэхээс сэргийлэх, сэрэмжлэх;

11. Цахилгааны богино холбоо, хэт ачаалал, шилжилтийн эсэргүүцэл, хүчдэл ихсэх үед хамгаалах хэрэгслийг ашиглах, тодорхой хугацаанд хэвийн ажиллагааг шалгаж байх, туршилтад хамруулах;

12. Цахилгаан шугам, аппаратын гэмтэл нь дамжуулагч утас болон кабелийн хөндийрүүлэгч, бүрхүүлийг хэт халаах, богино холбоо үүсгэх, оч гарах нөхцөлийг бүрдүүлсэн байвал аюулгүй байдлыг хангах хүртэл сүлжээнээс салгах, засварлах, солих;

13. Ашиглалтын явцад тусгаарлах шинж чанараа алдсан гэмтэлтэй агаарын болон газрын кабель шугамуудыг яаралтай сэргээн засварлах.

14. Хэрэглэгчдийн цахилгаан хангамжийн зэрэглэлийн байдалд анхаарч нөөц эх үүсгүүртэй болгох, схемийн дагуу холбогдох, ашиглах;

15. Цахилгаан тоног төхөөрөмж, инженерийн шугам сүлжээний ашиглалт, үйл ажиллагаа нь холбогдох дүрэм, журам, норм, стандарт, техник ашиглалт, аюулгүй ажиллагааны шаардлагад нийцэж байгаа эсэхэд дотоодын хяналт тавьж ажиллах; 16. Өнгө үзэмж муудсан, хазайсан болон гэмтсэн гэрэлтүүлгийн шонг засварлаж өнгө будгийг сэргээн хэвийн байдалд оруулах;

17. Угсралт, ашиглалтын явцад “Эрчим хүчний тухай” хууль, “Хэрэглэгчийн цахилгаан тоног төхөөрөмжийн техник ашиглалтын дүрэм”, “Цахилгаан байгууламжийн дүрэм” БД 43-101-03, “Барилга байгууламжийн галын аюулгүй байдал” БНбД 21-01-02, “Цахилгаан техникийн ажил” БНбД 3.05.06-90, “Орон сууц, олон нийтийн барилгын цахилгаан төхөөрөмжийг төлөвлөх ба угсрах” БД 43-102-07 зэрэг хууль, норм, дүрмийн хэрэгжилтийг тус тус хангаж ажиллахыг мэдэгдэж байна.

Гудамж замын цахилгааны шугам, гэрэлтүүлгийн өнгө үзэмжийг сайжруулна

Энэ оныг “Тохижилт-бүтээн байгуулалтын жил” болгон зарласантай холбоотойгоор Хотын стандарт, хяналтын газрын даргын үүрэг чиглэлээр албан хаагчид нийслэлийн нутгийн захиргааны байгууллага болон ашиглалт хариуцсан байгууллагуудтай хамтран ажиллах уулзалтыг хуваарийн дагуу зохион байгуулж буй.

Бидний урилгаар гэрэлтүүлгийн ашиглалт, угсралтын үйл ажиллагааг нийслэлийн хэмжээнд хариуцан ажиллаж буй 17 ААН - байгууллагын удирдлагууд, 6 дүүргийн гэрэлтүүлэг хариуцсан мэргэжилтэн нарын оролцоотой уулзалтыг гуравдугаар сарын 25-ний өдөр зохион байгууллаа.

Уулзалтаар дараах ажлыг хийж хэрэгжүүлэхээр боллоо. Үүнд:

1. Өнгө үзэмжгүй, эвдэрч гэмтсэн, эзэн холбогдогч тодорхойгүй шонгийн судалгааг гаргах;

2. Нийслэлийн удирдах ажилтнуудын 2024 оны 03 дугаар сарын 18-ны өдрийн шуурхай зөвлөгөөнөөс нийслэлийн нутаг дэвсгэрт байгаа өнгө үзэмжгүй, эвдэрч гэмтсэн, эзэн холбогдогч тодорхойгүй шонг буулгаж, зөрчлийг арилгуулах үүрэг даалгаврын хэрэгжилтийг хангуулах;

3. Стандарт норм дүрмийг шинэчлэн сайжруулах талаарх саналыг авч холбогдох байгууллагад уламжлан хүргүүлэх;

4. Зураг төсөвт, ажлын даалгавар боловсруулахад, угсралтын ажил гүйцэтгэхэд, ашиглалтад хүлээн авахад болон комисс хүлээн авсны дараах ашиглалтын үе шатанд батлагдсан стандартыг мөрдүүлэх талаар хариуцсан чиглэлийн хүрээнд хяналт тавьж хамтран ажиллахад онцгой анхааран, гүйцэтгэлийн төлөвлөгөөндөө тусгах;

Ус ба Энхтайван

Өнөөдөр 03 дугаар сарын 22-ний өдөр. Дэлхий нийтээрээ жил бүрийн энэ өдөр “ Дэлхийн усны өдөр” болгон тэмдэглэдэг. Үүний гол зорилго нь цэвэр ус болон усан хангамж, усны нөөцийн тогтвортой байдал, менежментийн асуудалд олон нийтийн оролцоог өргөн хүрээгээр анхаарал хандуулах олон нийтийг уриалах, сурталчилан таниулах зорилготой.

Хотын стандарт, хяналтын газраас усны зүй зохистой хэрэглээнд анхаарах, иргэдийн эрүүл, аюулгүй амьдрах амьдралын чанарт нөлөөлөх, зохистой хэрэглээнд чиглэсэн хотын стандартыг боловсруулан батлуулсан билээ. Үүнд: Бие даасан инженерийн дэд бүтэц бүлгийн 2 стандарт орно.

1. UCS 0701B Бие даасан усан хангамж, худаг, ус агуулах саванд тавих ерөнхий шаардлага

2. UCS 0702B Бохир усны цооног, бие даасан цэвэрлэх байгууламж

Энэхүү хотын стандартыг бие даасан бохир усны цооног, байгууламжийг төлөвлөх, зураг төсөл боловсруулах, суурилуулах, ашиглахад дагаж мөрдөнө.

Түүхээс: НҮБ-ын Ерөнхий Ассамблей 1993 оны 03 дугаар сарын 22-ны өдрийг “Дэлхийн усны өдөр” болгон тунхаглан зарласан бөгөөд жил бүрийн энэ өдрийг тэмдэглэж байхаар шийдэрлэсэн билээ. Энэ жилийн уриа “Ус ба Энхтайван” гэжээ.

Зөвлөмж - Худалдаа үйлчилгээний байгууллагуудад

Нийслэлийн Иргэдийн Төлөөлөгчдийн Хурлын 2022 оны 22 дугаар тогтоолоор батлагдсан Худалдаа үйлчилгээний газрын гадна орчны ерөнхий шаардлага UCS1201B:2022, Худалдаа үйлчилгээний газрын гадна сурталчилгааны байгууламжид тавих ерөнхий шаардлага UCS1202B:2022 стандартуудыг хэрэгжүүлэх зорилгоор дараах зөвлөмжийг хүргүүлж байна. Үүнд:

1.Худалдаа, үйлчилгээний байгууллага нь худалдан авагч, үйлчлүүлэгчдийн ая тухтай үйлчлүүлэх дотоод болон гадаад орчин нөхцлийг бүрдүүлж, үйл ажиллагаа нь аюулгүй байдлыг хангасан, стандарт, чанарын шаардлагад нийцсэн байх;

2.Худалдаа, үйлчилгээний байгууллагын нэр, хаяг, мэдээллийн самбар харагдахуйц, бичвэр нь гаргацтай, гэрэлтүүлэгтэй, камер нь стандартын шаардлага хангасан байх;

3.Барилга байгууламж нь хөгжлийн бэрхшээлтэй иргэдийн зорчих, үйлчлүүлэх хэрэгцээг хангахаар төлөвлөгдөж, тэргэнцэрийн зориулалтын замтай, барилгын гол хаалга, довжоог стандартад нийцүүлэн зохион байгуулах;

4.Худалдаа, үйлчилгээний газрын хүчин чадалд тохирсон тээврийн хэрэгслийн хатуу хучилттай зогсоолтой, орц, гарц дээр аюулгүй байдлыг хангах зорилгоор хурд сааруулагч хийх, хөгжлийн бэрхшээлтэй иргэдийн болон дугуйн зогсоолыг давхар төлөвлөсөн байх;

5.Худалдаа үйлчилгээний гадна талбай ногоон байгууламжтай, тухайн орчныхоо барилгын архитектур дизайны онцлогт нийцэлтэй тоног төхөөрөмж, гал унтраах багаж хэрэгсэл, хог хаягдлын болон тамхи татах цэгтэй, хог хаягдлыг ангилан хаях хогийн савыг орох, гарах гарцны ойролцоо хүний нүдэнд харагдахуйц газар байрлуулах;

6.Барилга байгууламжийн цэвэрлэгээг тогтмол хийж, хог хаягдлыг зайлуулан ариутгал, хортон мэрэгчийн устгалыг мэргэжлийн байгууллагаар гүйцэтгүүлж байх.

Хэрэглэгчийн цахилгаан тоног төхөөрөмжийн техник ашиглалтын үйл ажиллагааны явцад аюулгүй байдлыг хангаж ажиллах тухай

Эрчим хүчний яам Салбарын Улсын ерөнхий байцаагчийн баталсан 2024 оны 01 дүгээр сарын 15-ны өдрийн 11/02 дугаартай Төлөвлөгөөт хяналт шалгалт хийх тухай удирдамжийн дагуу Сургууль, цэцэрлэгийн насжилт өндөртэй гадна цахилгаан, дулааны шугам сүлжээний ашиглалтын төлөв байдалд шугам сүлжээний хамгаалалтын зурвас, цахилгаан эрчим хүчний тасралтгүй найдвартай ажиллагаа, “Цахилгаан эрчим хүчээр хангах гэрээ” байгуулсан, дүгнэсэн байдал, дотоод хяналт шалгалтыг зохион байгуулж буй зэргийг болон холбогдох техникийн зураг төсөл, актууд, бичиг баримтад Төрийн хяналт шалгалтын тухай, Эрчим хүчний тухай, Барилгын тухай хуулиудын хэрэгжилт болон түүнд нийцүүлэн эрх бүхий байгууллагаас батлан гаргасан дүрэм, журам, стандартын мөрдөлтийг хангаж ажиллах, үйл ажиллагааны явцад нийтлэг тохиолддог зөрчил, дутагдлуудыг арилгах, инженер техникийн ажилтнуудад судлуулах, дотоодын хяналтыг сайжруулах ажлын хүрээнд дор дурьдсан арга хэмжээнүүдийн хэрэгжилтийг хангаж ажиллах нь зүйтэй.

Үүнд:

1. Үйлчилгээний онцлогт тохирсон, хөдөлмөр хамгаалал, эрүүл ахуйн болон галын аюулгүй байдал, техник ашиглалт, аюулгүй ажиллагааны дүрэмд нийцүүлсэн техник, тоног төхөөрөмжийн зааврыг боловсруулан батлуулж, ажлын байранд байршуулах;

2. Техникийн паспортыг хөтөлж, баяжилтыг тухай бүр хийх, үзлэг, засварын ажлыг хийсэн тухай тэмдэглэл, зүйл заалтын дагуу утга агуулгыг оновчтой тодорхой бичих;

3. Угсралтын ажлыг батлагдсан зураг, төслийн дагуу гүйцэтгэх, хийсэн ажлын акт, протоколыг бүрдүүлэх барилга байгууламжуудын зураг төсөл, бичиг баримтын иж бүрдлийг, эмх цэгцтэй хадгалах;

4. Өөрийн эзэмшлийн цахилгаан тоног төхөөрөмж, ерөнхий самбаруудын ажлын зураг, зарчмын схемийг ажлын байранд болон ерөнхий самбарт байршуулах;

5. Инженер техникийн ажилчдад аюулгүй ажиллагаа, техник ашиглалтын дүрмийг мөрдүүлэх, уншуулах, судлуулах, аюулгүй ажиллах арга барилыг эзэмшүүлэх, үйлдвэрлэлийн осол, аюулгүй ажиллагааны мэдлэг олгоход чиглэгдсэн сургалтын ажлыг дүрмийн дагуу зохион байгуулан сургаж мэдлэг, дадал, хэвшил олгож байгаа байдалд анхаарах, сургалтад хамруулах;

6. Хөдөлмөр хамгаалал, аюулгүй ажиллагааны 3-н шатны зааварчилгааг үр өгөөжтэй өгөх, тогтмолжуулах, нэн ялангуяа өдөр тутмын зааварчилгааг ажлын онцлог, орчин нөхцөлд нь тохируулж, тухай бүр өгч баталгаажуулж байх, ажилчдын мэдлэг чадварын төвшингийн байдалд дотоодын хяналт тавьж ажиллах;

7. Инженер техникийн ажилтан нарыг засвар, угсралтын ажлыг аюул осолгүй гүйцэтгэх мэдлэг чадварыг үнэлэн тогтоож, хүчдэлтэй тоног төхөөрөмжтэй ажиллах эрхийг баталгаажуулах /группийн үнэмлэхжүүлэх/ мэдлэгийн шалгалтыг тогтмол авч хэвших;

8. Ажилчдыг чийрэгжүүлэх, эрүүлжүүлэх үйл ажиллагаа, хамгаалах хувцас, хэрэгслийн хангамж хүрэлцээний байдалд анхаарах;

9. Орон сууцны барилгуудын ерөнхий самбарт газардуулгыг зургийн дагуу хийх, зэврэлтээс хамгаалж будах, узелийн өрөөний газуурдуулгын хүрээг 50 см-ээс дээш өндөрт хийх, давтан газардуулгыг хийх, баталгаажсан хэмжих хэрэгслээр газардуулгын эсэргүүцлийг нормт хугацаанд хэмжиж, акт протоколоор баталгаажуулах ажилд онцгой анхаарч ажиллах, хэвших, техникийн паспортад тэмдэглэх;

10. Ажлын байрны галын болон тэсрэх аюулын зэрэг, орчны нөхцөлөөс хамааруулан шугам сүлжээ, цахилгаан үүсгүүр, хөдөлгүүр, гэрэлтүүлэгч зэрэг бусад цахилгаан тоног төхөөрөмжийн сонголт, ашиглалтын байдалд хяналт тавих, эрсдэл үүсэхээс сэргийлэх, сэрэмжлэх;

11. Цахилгааны богино холбоо, хэт ачаалал, шилжилтийн эсэргүүцэл, хүчдэл ихсэх үед хамгаалах хэрэгслийг ашиглах, тодорхой хугацаанд хэвийн ажиллагааг шалгаж байх, туршилтад хамруулах;

12. Цахилгаан шугам, аппаратын гэмтэл нь дамжуулагч утас болон кабелийн хөндийрүүлэгч, бүрхүүлийг хэт халаах, богино холбоо үүсгэх, оч гарах нөхцөлийг бүрдүүлсэн байвал аюулгүй байдлыг хангах хүртэл сүлжээнээс салгах, засварлах, солих;

13. Ашиглалтын явцад тусгаарлах шинж чанараа алдсан гэмтэлтэй хөндийрүүлэгчтэй кабель утас, розетка, холболтын хайрцаг, залгуур, унтраалга, цахилгаан хэрэгслийг ашиглахгүй байх;

14. Хэрэглэгчдийн цахилгаан хангамжийн зэрэглэлийн байдалд анхаарч нөөц эх үүсгүүртэй болгох, схемийн дагуу холбогдох, ашиглах;

15. Цахилгаан тоног төхөөрөмж, инженерийн шугам сүлжээний ашиглалт, үйл ажиллагаа нь холбогдох дүрэм, журам, норм, стандарт, техник ашиглалт, аюулгүй ажиллагааны шаардлагад нийцэж байгаа эсэхэд дотоодын хяналт тавьж ажиллах;

16. Угсралт, ашиглалтын явцад “Эрчим хүчний тухай” хууль, “Хэрэглэгчийн цахилгаан тоног төхөөрөмжийн техник ашиглалтын дүрэм”, “Цахилгаан байгууламжийн дүрэм” БД 43-101-03, “Барилга байгууламжийн галын аюулгүй байдал” БНбД 21-01-02, “Цахилгаан техникийн ажил” БНбД 3.05.06-90, “Орон сууц, олон нийтийн барилгын цахилгаан төхөөрөмжийг төлөвлөх ба угсрах” БД 43-102-07 зэрэг хууль, норм, дүрмийн хэрэгжилтийг тус тус хангаж ажиллахыг зөвлөж байна.

ЭРЧИМ ХҮЧНИЙ ХЯНАЛТЫН УЛСЫН АХЛАХ БАЙЦААГЧ Б.ТАМИР

Барилгын угсралт, техникийн аюулгүй байдал, зураг төсөл, барилгын ажлын чанарыг сайжруулах, хууль тогтоомжийг хэрэгжүүлэн ажиллах тухай

Монгол улсын Төрийн хяналт шалгалтын тухай, Хот байгуулалтын тухай, Барилгын тухай, Хот суурины ус хангамж ариутгах татуургын ашиглалтын тухай, хууль болон тэдгээртэй нийцүүлэн гаргасан дүрэм, журам, норм, стандартын хэрэгжилтийг хангаж ажиллах, иргэн, аж ахуйн нэгж байгууллагын сахилга, хариуцлагыг дээшлүүлэх, барилгын угсралт, зураг төслийн ажилд илэрсэн дутагдлуудыг арилгах, эрсдэлтэй обьектын тоог бууруулах, захиалагч, зураг төсөл зохиогч, гүйцэтгэгч байгууллагуудын ажлын уялдаа холбоог сайжруулах, дотоодын хяналт шалгалтыг хэрэгжүүлэн ажиллах талаар дараахь “Зөвлөмжийг”-ийг хүргүүлж байна.

1.Барилгын тухай хуулийн талаар;
Барилгын ажлын зөвшөөрлийн гэрчилгээг Барилгын тухай хуулийн 26 дугаар зүйлийн 26.1-д заасны дагуу авч хэрэгжүүлэх.
Хуулийн 4 дүгээр зүйлийн нэр томьёоны тодорхойлолт хэсгийн 4.1.4 дэх /барилга байгууламжийн баримт бичиг” гэж барилгын ажлын зөвшөөрөл олгох, барилгын ажлыг гүйцэтгэхэд шаардлагатай энэ хуульд заасны дагуу боловсруулж, баталгаажуулсан техникийн нөхцөлүүд, зураг төсөл, ил далд ажлын акт, талбайн журнал болон холбогдох бусад баримт бичгийг;/ заалтын дагуу бичиг баримтын бүрдлийг хангах.

Захиалагч, зураг төсөл зохиогч, гүйцэтгэчийн хуульд заасан чиг үүргээс:
38.1.2 дахь /барилга байгууламжийн зураг төслийн холбогдох хэсгийг боловсруулсан зохиогч тухайн зураг төслийг баталгаажуулан, мэргэжлийн хариуцлага хүлээх;/,
37.1.Барилгын ажлын захиалагч дараахь чиг үүргийг хэрэгжүүлнэ: 37.1.3 дах /барилга байгууламжийн техникийн нөхцөл, зураг төсөл боловсруулах, барилгын ажлын зөвшөөрлийг энэ хуулийн 22, 23, 26 дугаар зүйлд заасны дагуу авч, түүнд заасан нөхцөлийг биелүүлэх;/, 37.4 дэх /Захиалагч барилга байгууламжийн зураг төслийг зохиогчийн зөвшөөрөлгүйгээр өөрчлөхийг хориглоно./,
40.1.Барилгын ажил гүйцэтгэгч дараахь чиг үүрэгтэй: 40.1.12 дах /барилга байгууламжийн хийц, бүтээцийн даацын бат бэхийг барилгын ажлын үе шат бүрд лабораторийн шинжилгээ хийлгэж дүгнэлт гаргуулан баталгаажуулах;/, 40.1.17 дах /барилгын ажлын явцад зураг төсөл өөрчлөгдсөн бол гүйцэтгэлийн зураг төсөл боловсруулж баталгаажуулах;/ заалтуудыг үйл ажиллагаандаа хэрэгжүүлэх;

12 дугаар зүйл. Барилгын зураг төсөлд тавих шаардлага:
12.1.6. хөгжлийн бэрхшээлтэй иргэдийн хэрэгцээ, техникийн шаардлагыг хангасан байх;
12.1.7. барилгын ажилд аюулгүй ажиллагааг хангах хөдөлмөр зохион байгуулалтын зураг боловсруулсан байх;
12.1.4. нийтийн эзэмшлийн гудамж, талбай, цэцэрлэгт хүрээлэн зэрэг орон зайг чөлөөтэй ашиглах, авто зогсоол түүний орц гарцыг хөдөлгөөнд саадгүй байхаар төлөвлөсөн байх;
Хот байгуулалтыг тухай хууль:

12.6.3. Төлөвлөгөөнд хамааруулсан нийт газар нутгийн болон барилга барих зориулалтаар олгосон газрын нийт талбайн 20-иос доошгүй хувь нь цэцэрлэг, ногоон байгууламж, 20-иос доошгүй хувь нь авто зогсоол байна. Хог хаягдлыг цуглуулах, ангилан ялгах, тээвэрлэх зориулалт бүхий талбайтай байна.
12.8. Барилга байгууламжийн зураг төсөл нь хот, тосгоны батлагдсан ерөнхий төлөвлөгөө, хэсэгчилсэн ерөнхий төлөвлөгөөний шийдлүүд, олгогдсон газрын хэмжээ, зориулалттай уялдсан байх бөгөөд барилгажих талбай нь тухайн газрын 60 хувиас илүүгүй буюу төлөвлөгөөнд хамааруулсан нийт газар нутгийн болон барилга барих зориулалтаар олгосон газрын нийт талбайн 20-иос доошгүй хувь нь цэцэрлэг, ногоон байгууламж, 20-иос доошгүй хувь нь авто зогсоол байна.заалтуудыг мөрдөх.

2. Өргөх байгууламжийн чиглэлээр;
1. Өргөх байгууламж эзэмшигч, ашиглагч байгууллага нь өргөх байгууламж, түүний ашиглах зөвшөөрлийг хяналтын байгууллагаас авч ажиллах;
2. Өргөх байгууламжийг ажиллагаанд оруулахын өмнө үзлэг, шалгалт, засвар, тохируулга, туршилтын ажлыг хийж туршилтад тэнцсэн үед акт үйлдэж, техникийн паспортад тэмдэглэл хийж ашиглах;
3. Өргөх байгууламжийн ажиллагаанд хяналт тавьж, засвар, үйлчилгээг тогтмол хийж бүрэн бүтэн байдал, аюулгүй ажиллагааг хангах;
4. Техникийн ээлжит магадлалыг 12 сар тутамд нэгээс доошгүй удаа хийх.
5. Бүрэн бүтэн байдал хариуцагч, ачаа шилжүүлэх үеийн аюулгүй ажиллагаа хариуцагч, ашиглалт хариуцагч нарыг томилсон тушаал, засвар хийсэн байдал, техникийн магадлалыг /дугаар, он, сар, өдөр/ паспорт дээр гарын үсгээр баталгаажуулах;
6. Өргөх байгууламжаар паспортад заасан даацаас хэтрэхээргүй ачааг өргөх буюу шилжүүлэх;

3. Цэвэр бохир ус хангамжийн чиглэл:
Хот суурины ус хангамж ариутгах татуургын ашиглалтын тухай хууль:
15.1.10 .хангагчаас олгосон техникийн нөхцөл, зөвшөөрөл, батлагдсан зураг төслийн дагуу өөрийн эзэмшлийн шугамаас бусад хэрэглэгчийг холбуулах;
17.12. Шинээр төлөвлөж байгаа барилга байгууламжийн хэрэглээнээс гарсан бохир усыг цэвэршүүлэн ашиглах асуудлыг батлагдсан стандарт, норм, дүрмийн дагуу хэрэгжүүлнэ.
17.6. Төвлөрсөн ус хангамжийн дамжуулах, түгээх шугамын тэнхлэгээс хоёр тийш таван метрт хамгаалалтын зурвас тогтооно.
17.7.Хотын доторх цэвэр усны дамжуулах, түгээх, бохир усны гаргалгааны болон бохир ус цуглуулах, татан зайлуулах шугам ашиглалтын явцад засвар, үйлчилгээ хийх хамгаалалтын зурвас газартай байна.
17.14. Бохир ус татан зайлуулах шугамын тэнхлэгээс хоёр тийш зургаан метрээс багагүй зайд барилга байгууламж, шугам сүлжээг барихыг хориглоно.
Мөн Ус хангамж, гадна сүлжээ ба байгууламж БНбД 40-02-06, Дотор сантехникийн систем БНбД 40-06-16, норм дүрмүүдийг үйл ажиллагаандаа мөрдөх.

Барилгын материалын чиглэл: Барилгын тухай хууль:
13.2.Барилгын материал, бүтээгдэхүүнийг барилга байгууламжийн зориулалт, төлөвлөлтийн дагуу сонгож зураг төсөлд тусгана.
13.3.Барилга байгууламжийн зураг төсөлд барилгын материал, бүтээгдэхүүний стандартын шаардлагын тухай мэдээллийг тусгана.

4. Монгол Улсын Засгийн газрын 2011 оны 311 дүгээр тогтоолын хавсралт,
Аж ахуйн нэгж, байгууллагын үйл ажиллагаанд дотоод хяналт шалгалтыг зохион байгуулах нийтлэг журамын талаар;
1.5. Энэхүү журмын 1.4-т зааснаас бусад тохиолдолд "Дотоод хяналт шалгалтыг зохион байгуулах журам"-ыг тухайн байгууллага, аж ахуйн нэгж өөрөө баталж мөрдөнө.

5. Нийслэлийн иргэдийн төлөөлөгчдийн хурлаар батлагдсан Хотын стандартыг хэрэгжүүлэн мөрдөх талаар:
1. Хотын стандарт: UCS 0301В:2022 /Барилга, замын ажил гүйцэтгэхэд иргэдийн аюулгүй байдлыг хангах техникийн ерөнхий шаардлага /-ыг хэрэгжүүлэх.
2. Хотын стандарт: USC 1405В:2022 /Хүүхдийн тоглоомын талбайн ерөнхий шаардлага/-ыг хэрэгжүүлэх.
3. Хотын стандарт: USC 1706А:2022 /Барилгын хог хаягдлын менежмент /-ыг хэрэгжүүлэх.
4. Хотын стандарт: USC 1410В:2022 /Хашаа, хайс, хашлаганд тавих ерөнхий шаардлага /-ыг хэрэгжүүлэх.

6. Барилгын угсралтын талаар:
1. Барилгын угсралтын ажлын төрлөөр нь барилгын норм ба дүрмүүдийг /БНбД/ мөрдөж, хэрэгжилтийг хангуулж ажиллах;
2. Барилгын үндсэн даац бүтээцийн бетон цутгалтын ажлыг “Цутгамал төмөр бетон бүтээц” БНбД 52-02-05-ын 9.1-д заасан хоногийн дундаж температур 5 хэмээс бага буюу өдөрт 0 хэмээс илүү дулаарахгүй болсон өвлийн нөхцөлд ердийн аргаар (нэмэлт арга хэмжээгүйгээр) гүйцэтгэхгүй байх;
3. Инженерийн хийцтэй барилга байгууламжийн үндсэн бүтээцийн бетон зуурмагийг тусгай зөвшөөрөл бүхий төвлөрсөн зуурмагийн узелээс авч хэрэглэх;
4. Барилгад зураг төслийн болон стандартын шаардлага бүрэн хангасан барилгын материал хэрэглэж байх, стандарт тогтоогоогүй бүтээгдхүүн материалуудыг итгэмжлэгдсэн лабораторын шинжилгээ туршилтанд тогтмол хамруулж үе шатны далдлагдсан ажлын чанарыг баталгаажуулах;
5. Цутгамал хийц бүтээцийн цутгалтын үед арматурын хамгаалалтын үеийг алдаж цутгасан, цутгалтын үед хомын болон ажлын, холбоос, хуваарилах арматурууд ил гарсан байдаг тул арматурын ажлыг гүйцэтгэхдээ “Цутгамал бетон ба төмөрбетон бүтээц. БНбД 52-02-05”-ын 3.6-д заасны дагуу угсарч ил, далд ажлын актыг үйлдэж баталгаажуулсан байх;
6. Барилгын угсралтын ажил зогсоод удсан, ажлын арматур, хомутын зэвийг арилгах, зоорийн давхарт ус хуримтлагдаж мөстсөн үед инженер геологийн судалгааны дүгнэлт гаргасан байгууллагаар дахин үзлэг, шалгалт хийлгүүлэн, үргэлжлүүлэн гүйцэтгэж болох эсэхэд мөн цутгамал төмөр бетон бүтээцүүд /багана, дам нуруу, хучилт/-ийн бат бэх, арматурын чанарт лабораторийн шинжилгээ, дүгнэлт гаргуулан угсралтын ажлыг үргэлжлүүлэх;
7. Бетоны цутгалтын ажлын үед хийцийн бетоны нягтруулалт хангалтгүй, нүх сүвтэй, сийрэг цутгагдах дутагдал гарч байгаа тул бетон хольцыг цутгахдаа “Цутгамал төмөр бетон бүтээцийн ажил гүйцэтгэх заавар. БД 52-102-04”-ийн 11.2. /Бетон хольц цутгах/, 11.3. /Бетоныг бэхжүүлэх ба чанарын шаардлага/, 12 /Чанарын хяналт туршилт, шинжилгээ/-д заасан шаардлагуудыг мөрдлөг болгох;
8. Арагт бүтээцтэй барилгын гадна дүүргэгч ханын өрлөгийн зуурмагийн хэвтээ, босоо дүүргэлт дутуу, заадас нь хүлцэх хэмжээнд бус өрөгдсөн байх зөрчил түгээмэл тул “Өрөгт бүтээц.БНбД 51-02-05”-ын 2.5 /зөв хэлбэр дүрс бүхий чулуу гулдмай болон тоосгон өргийн зуурмагийн дундаж зузаан хэвтээ завсарт 12 мм, босоо завсарт 10 мм байх ёстой./, 3.4 /ханын гулдмай, тоосгон өргийн хэвтээ, босоо хөндлөн заадас болон ялуу, дөр хана, баганын өргийн хэвтээ, босоо, хөндлөн мөн дагуу заадсыг зуурмагаар дүүргэсэн байх шаардлагатай/ -д заасан шаардлагыг мөрдөх;
9. Бетон цутгалтын үеийн хэв хашмалын байдалд хяналтыг сул тавьснаар задрах, геометр хэмжээ алдагдаж цутгагдсан зөрчил илэрдэг тул ажил гүйцэтгэхдээ “Цутгамал төмөр бетон бүтээцийн ажил гүйцэтгэх заавар. БД 52-102-04”-ийн 11.3 /... Бетон цутгах процесст угсарсан хашлагын байдалд байнгын хяналт тавьсан байна. Хэрэв бетон цутгалтын үед хашлагын элемент шилжсэн ... бүтээцийн чанар хэмжээнд нөлөөлөхөөр бол цутгалтыг зогсоож, засварлана. Цутгасан төмөр бетон бүтээцийн байрлал, хэмжээний зөвшөөрөгдөх зөрүү нь доор зааснаас ихгүй байна. Хана ба багананд +-10 мм, элементийн урт буюу алгасалд +-20 мм/-д заасан шаардлагыг хэрэгжүүлэх;
10. Угсралтын үед хөдөлмөр хамгаалал, аюулгүй ажиллагааг хангаж, барилгын эргэн тойронд хамгаалах түр тор, хаалт, хашлагыг “Барилгын үйлдвэрлэлийн хөдөлмөрийн аюулгүй ажиллагааны дүрэм. БНбД 12-04-06. II хэсэг. Техникийн аюулгүй ажиллагааны дүрэм”-ийн 8.20 (Олон давхар каркасан барилгын эдлэхүүнийг угсарч эхлэхээс өмнө тухайн давхрын гадна хүрээгээр хамгаалалтын хашлага заавал тоноглох хэрэгтэй. Доод талын давхруудад мөн уг хамгаалалтын хашлага байх бөгөөд зөвхөн тухайн давхрын гадна ханын хавтанг угсарч эхлэх болон гадна ханыг өрөхөд уг хашлагыг буулгаж болно.) дахь заалтын шаардлагыг хэрэгжүүлэх;
11. Барилгын бетон зуурмагийг цутгах ажилд “Цутгамал төмөр бетон бүтээцийн ажил гүйцэтгэх заавар” БД 52-102-04 болон “Цутгамал бетон, төмөр бетоны бүтээц” БНбД 52-02-05, БНбД 52-01-10-ын дагуу бетон зуурмагийн конусан суултыг тодорхойлж, цутгасан хийц бүтээц бүрийн бетон зуурмагаас дээж авч, бетоны шахалтын бат бэхийг итгэмжлэгдсэн лабораториор тодорхойлуулан цутгамал бүтээцийн бат бэхийг хангуулж байх, цутгалтын дараах бетоны арчилгааг шаардлагын дагуу гүйцэтгэх;
12. Өндөр барилгад насосоор шахах конусын суулт ихтэй, хөдөлгөөнт чанартай бетон зуурмагт зориулалтаас хамааруулан налархайжуулалт, агааржуулагч, бэхжлийн нэмэлтийг зураг төсөлд зааснаар, лабораторийн нөхцөлд баталгаажуулсаны нөхцлөөр хэрэглэж байх;
13. Хөдөлмөрийн хуулийн 72 дугаар зүйлийн 72.1. дэх /Орон нутгийн цагаар 22 цагаас 06 цаг хүртэлх хугацааг шөнийн цагт тооцно./ заалтад тусгасан цагт иргэдийн тав тухыг алдагдуулахгүй ажиллах,
14. Нийт ажиллагсдыг системтэйгээр мэргэжил мэдлэгийг дээшлүүлэх сургалтанд тогтмол хамруулах, аюулгүй ажиллагааны сургалтанд хамрагдсан, зааварчилгаа авсан мэргэжилтэй ажилчнаар ажил гүйцэтгүүлж байх;
15. Барилгын талбайн эмх цэгцийг хангаж, өндрөөс эд зүйл унахаас сэргийлж , аваар осол эрсдэлгүй ажиллах.
16. Барилга угсралтын ажлыг 7 сараас дээш хугацаагаар зогсоохоор бол хамгаалалтын горимд шилжүүлэх.
Энэхүү зөвлөмжийг хэрэгжүүлэн ажиллахыг зөвлөж байна.

БАРИЛГЫН ТЕХНИКИЙН ХЯНАЛТЫН УЛСЫН АХЛАХ БАЙЦААГЧ (Хот байгуулалт) З.ГАНБАТ

БАРИЛГЫН ТЕХНИКИЙН ХЯНАЛТЫН УЛСЫН БАЙЦААГЧ Ж.ЖҮГДЭРМАА

БАРИЛГЫН ТЕХНИКИЙН ХЯНАЛТЫН УЛСЫН БАЙЦААГЧ Н.ЁНДОНСАМБУУ

БАРИЛГЫН ТЕХНИКИЙН ХЯНАЛТЫН УЛСЫН БАЙЦААГЧ (Өргөх механизм) Н.ЧИМЭДРЭГЗЭН

БАРИЛГЫН ТЕХНИКИЙН ХЯНАЛТЫН УЛСЫН БАЙЦААГЧ (Ус хангамж ) Б.ТЭМҮҮЛЭН

БАРИЛГЫН ТЕХНИКИЙН ХЯНАЛТЫН УЛСЫН БАЙЦААГЧ (Барилгын материал ) Т.ОЙДОВДОРЖ

Дунд төвөгшилтэй барилгад дүгнэлт гаргуулах хүсэлт илгээх бол

Иргэн, ААН, байгууллагын зүгээс өөрийн эзэмшлийн байр орон сууц, үйлвэрлэл үйлчилгээний барилгад хийц бүтээцэд дур мэдэн өөрчлөлт оруулах зорилгоор барилгын төлөв байдлын дүгнэлт гаргуулах хүсэлт олноор ирж байна.

Тодруулбал, 1-5н давхар хүртэл дунд төвөгшилттэй барилга, байгууламжийг улсын комисст хандаагүй, байнгын ашиглалтад оруулалгүйгээр ашигласан ба ашиглаж эхэлсний дараа үйл ажиллагаа эрхлэх явцдаа дүгнэлт гаргуулах хүсэлт ихээр ирж байна.

Монгол улсын засгийн газрын 212 дугаар тогтоолоор улсын комиссыг ажиллуулах хүсэлтээр хандаж стандарт, норм ба дүрмийн дагуу байнгын ашиглалтад оруулах шаардлагатай. Мөн түүнчлэн тухайн барилгын хийц бүтээц болон газар хөдлөлтийн тэсвэржилтийн байдалд мэргэжлийн инженерийн байгууллагаар заавал дүгнэлт шинжилгээ гаргуулсны үндсэн дээр улсын комисст хүлээлгэн өгөх журамтай байдаг.Үүний дараа барилгын төлөв байдлын дүгнэлт гаргах боломжтой.

Орон сууцны доод давхарт хаалга, шат гаргах өргөтгөл хийхийг хориглоно

Архитан согтуурахтай тэмцэх тухай хууль, Согтууруулах ундааны эргэлтэд хяналт тавих, архитан согтуурахтай тэмцэх тухай хуулийг шинэчлэн батлагдсантай холбогдуулан 2023 оны 01 дүгээр сарын 01-нээс мөрдөгдөж эхэлсэн.

Иргэд, ААН, байгууллага нь орон сууцны 01 дүгээр давхарт сууцны хийц бүтээцийг өөрчлөн тагтны хэсэг болон бусад хэсгээр хаалга гаргах, шат гаргах зэрэг аюулгүй байдлыг алдагдуулсан үйлдэл хийж байна. Энэ хууль зөрчсөн үйлдэл тул дараах зөвлөмжийг хүргэж байна.

Орон сууцны тухай хуулийн 15 дугаар зүйлийн 01 дүгээр заалт, Барилгын тухай хуулийн 46 дугаар зүйлийн 1.3-т “барилга байгууламжийн үндсэн хийц, бүтээцийг арчлан хамгаалах, зориулалтыг өөрчлөхгүй байх; гэж заасан байдаг.

Тийм учраас тухайн барилгын өмчлөгч, эзэмшигч, ашиглагч нь барилга байгууламжид өөрчлөлт хийх, өргөтгөхийг хориглодог. Хэрэв хуулийг биелүүлээгүй тохиолдолд зөрчлийн тухай хуульд заасны дагуу 300-3000 нэгжтэй тэнцэх хэмжээний мөнгөн торгууль ноогдуулж эрх бүхий албан тушаалтны албан даалгавраар буцааж хэвийн байдалд оруулах үүрэг өгдөг.

ЭРҮҮЛ АЮУЛГҮЙ ОРЧНЫГ БҮРДҮҮЛЬЕ

Нийслэлийн Засаг дарга бөгөөд Улаанбаатар хотын захирагчийн 2024 оны А/01 дугаар захирамжаар “Тохижилт-Бүтээн байгуулалтын жил” болгон зарласантай холбогдуулан Хотын стандарт, хяналтын газрын даргын үүрэг чиглэлээр ажлын уулзалтын хуваарь гарсан.

Нийслэл хотод эрүүл, аюулгүй орчныг бүрдүүлэх тус байгууллагын зорилтын хүрээнд Нэгдүгээр сарын 23-ны өдөр хуваарийн дагуу Нийслэлийн Байгаль Орчны Газартай уулзалт зохион байгуулж буй.

Уулзалтаар батлагдсан 52 хотын стандартаас холбогдох стандартыг иргэд, олон нийтэд сурталчлан таниулах, хэрэгжилтийг хангуулах арга хэмжээг 2024 оны төлөвлөгөөнд тусгаж хэрэгжүүлэх, Улаанбаатар хотын хөрсний бохирлыг бууруулах ажлын хүрээнд стандарт шаардлага хангаагүй нүхэн жорлонгийн тоог бууруулах, шинэчлэх шаардлагатай үндэсний стандартад санал тусгуулж хамтран ажиллах, хяналтын чиг үүргийн хүрээнд хамтран хэрэгжүүлэх ажил болон олон нийтэд сургалт сурталчилгаа зохион байгуулах, түгээмэл тархацтай ашигт малтмалын нөхөн сэргээлтийн гарын авлагыг олон нийтэд цахимаар түгээх ажлуудыг хамтран хэрэгжүүлэх талаар хэлэлцэж хамтран ажиллахаар боллоо.

Улсын ахлах байцаагчийн зөвлөмж

Баянзүрх дүүргийн 26 дугаар хороо, Нийслэл хүрээ өргөн чөлөө,Эдү апартмент, Интернейшнл эдюкейшн скүүл оф Монголиа (Глобал сургууль) сургууль орчимд 2024 оны 01 дүгээр сарын 24-ний өдрийн үүссэн нөхцөл байдалтай холбоотойгоор Нийслэл хүрээ өргөн чөлөө орчмын Сууц өмчлөгчдийн холбоо, барилга, байгууламжийн өмчлөгч, эзэмшигч нарт үүсэж болох эрсдэл, орчны аюулгүй байдлыг хангуулах зорилгоор Хотын стандарт, хяналтын газрын Барилгын техникийн хяналтын улсын (ахлах) байцаагчдаас дараах ЗӨВЛӨМЖИЙГ хүргүүлж байна.

1. Барилгын тухай хуулийн 46.1.3 дахь заалт (барилга байгууламжийн үндсэн хийц, бүтээцийг арчлан хамгаалах, зориулалтыг өөрчлөхгүй байх;)-ыг хэрэгжүүлж, барилга, байгууламжийн үндсэн хийц бүтээц, хана, барилгын гадна фасад, дээврийн хэсэгт эвдрэл гэмтэл үүссэн эсэхийг тодруулж, эрсдэлээс урьдчилан сэргийлэх;

2. Барилгын тухай хуулийн 46 дугаар зүйл (Барилга байгууламжийг өмчлөгч, эзэмшигчийн үүрэг)-ийн 46.1.5 дахь заалт (барилга байгууламжийг галын аюулаас урьдчилан сэргийлэх, ариун цэвэр, эрүүл ахуйн болон экологийн шаардлагыг хангуулах;)-ын дагуу өөрийн эзэмшлийн барилга, байгууламжид галын эрсдэлээс шалтгаалсан эвдрэл гэмтэл үүссэн эсэхийг үзлэг хийж тодруулах, шаардлагатай тохиолдолд оршин суугчдын эд хөрөнгө,эрүүл аюулгүй байдлыг хангуулах арга хэмжээг зохион байгуулах, барилга, байгууламжаас өндрөөс унах эрсдэлийг тооцох, үндсэн хийцээс салсан, ачаалал авахгүй болсон эд хөрөнгөд байгаа эсэхийг нарийвчлан үзэж шалгах;

3. Орон сууцны тухай хуулийн 14 дүгээр зүйл (Нийтийн зориулалттай орон сууцны байшингийн засвар, үйлчилгээ)-ийн 14.1 дэх заалт (Сууц өмчлөгчдийн холбоо нь дундын өмчлөлийн эд хөрөнгийн засвар, үйлчилгээ, дэвсгэр болон орчны газар, орчны зам, талбайн тохижилтын ажлыг тогтмол хийж, Сууц өмчлөгчдийн холбооны эрх зүйн байдал, нийтийн зориулалттай орон сууцны байшингийн дундын өмчлөлийн эд хөрөнгийн тухай хуулийн 16 дугаар зүйлд заасны дагуу холбогдох зардлыг хариуцна.)-ыг хэрэгжүүлж хариуцсан орон сууцны орчны аюулгүй байдлыг хангуулж, эрсдэл үүсэх нөхцөлөөс урьдчилан сэргийлэх;

4. Тус хуулийн 14.7 дахь заалт (Орон сууц болон дундын өмчлөлийн эд хөрөнгөд учирсан хохирол, гэмтэл /цэвэр, бохир ус, халаалт, хэрэглээний халуун усны шугам, тоног төхөөрөмж хагарч гэмтэх зэрэг/-ийг арилгах талаар гэрээгээр хүлээсэн үүргээ биелүүлээгүйгээс учирсан хохирлыг тухайн гэрээт мэргэжлийн байгууллага хариуцна.)-ыг хэрэгжүүлж, барилга байгууламжийн ашиглалтын хэвийн ажиллагааг хангуулж, гэрээт байгууллагуудаар үзлэг шалгалтыг хийлгүүлж, зөрчил дутагдлыг тухай бүрд арилгуулах;

5. Мөн тус хуулийн 16.5 дахь заалт (Нийтийн зориулалттай орон сууцны байшинд энэ хуулийн 17 дугаар зүйлд зааснаас бусад үйлдвэрлэл, үйлчилгээ эрхэлж байгаа иргэн, хуулийн этгээд дундын өмчлөлийн эд хөрөнгөд засвар, үйлчилгээ хийх нөхцөлийг бүрдүүлэх үүрэгтэй.)-ын дагуу орон сууцанд үйл ажиллагаа эрхэлж буй худалдаа үйлчилгээ эрхлэгчдэд мэдээлэл өгч, хариу арга хэмжээг боловсруулах, шаардлагатай тохиолдолд үйлчилгээний хэсэгт хүн ам ихээр цугларуулахгүй байх;

6. Үзлэгээр илэрсэн бөгөөд хүн хүч шаардлагатай эвдрэл гэмтлийг салбарын төрийн хяналт хэрэгжүүлэх байгууллага буюу Хотын стандарт, хяналтын газарт мэдээллэх зэрэг арга хэмжээг авч хэрэгжүүлэх шаардлагатай байна.

БАРИЛГЫН ТЕХНИКИЙН ХЯНАЛТЫН УЛСЫН АХЛАХ БАЙЦААГЧ З.ГАНБАТ

Эрүүл, аюулгүй орчныг бүрдүүлье

Нийслэлийн Засаг дарга бөгөөд Улаанбаатар хотын захирагчийн 2024 оны А/01 дугаар захирамжаар “Тохижилт-Бүтээн байгуулалтын жил” болгон зарласантай холбогдуулан Хотын стандарт, хяналтын газрын даргын үүрэг чиглэлээр ажлын уулзалтын хуваарь гарсан.

Тус захирамжид нийслэл Улаанбаатар хотод мөрдөх стандарт, дүрэм журмыг шинэчлэх, дэд төвүүдэд хэрэгжүүлэх болон бүтээн байгуулалт, дэд бүтэц, тохижилтын төсөл, хөтөлбөрт дэмжлэг үзүүлж, иргэдийн ажиллаж амьдрах таатай нөхцөлийг бүрдүүлэх зорилго тусгагдсан.

Нийслэл хотод эрүүл, аюулгүй орчныг бүрдүүлэх тус байгууллагын зорилтын хүрээнд Нэгдүгээр сарын 17-ны өдрөөс эхлэн хуваарийн дагуу нийт Нийслэлийн нутгийн захиргааны байгууллага болон есөн дүүргийн уялдаа холбоо, хамтын оролцоог сайжруулах зорилго бүхий уулзалтыг зохион байгуулж буй.

Уулзалтад Нийслэлийн, Агаар орчны бохирдолтой тэмцэх газар, Нийслэлийн Гэр бүл, хүүхэд залуучуудын хөгжлийн газар, Нийслэлийн Биеийн тамир, Спортын Газар, Нийслэлийн Байгаль орчны газар, Нийслэлийн Хүнс, Хөдөө Аж ахуйн газруудын удирдлага, (ахлах) мэргэжилтэн, Улсын байцаагч нар болон Сонгинохайрхан, Баянгол, Чингэлтэй, Баян-Зүрх, Налайх, Сүхбаатар, Хан-Уул дүүргүүдийн ЗДТГ, холбогдох албан тушаалын нийт 100 гаруй албан хаагчид оролцлоо.

Уулзалтаар хотын батлагдсан 52 стандартаас холбогдох шаардлагуудыг мөрдүүлэх, хэрэгжүүлэх ажилд иргэд, олон нийтийг оролцуулан сурталчлах, олон нийтийн мэдлэг ойлголтыг сайжруулах, “Тохижилт-Бүтээн байгуулалтын жил” -ийн хүрээнд ажлыг төлөвлөгөөндөө тусгах, бодитой хэрэгжүүлэх, сургалт арга зүйгээр тогтмол ханган зохион байгуулах мөн түүнчлэн хяналт шалгалтын чиглэлээр уялдаа холбоог сайжруулах, стандарт, норм ба дүрмийг хуулийн дагуу хэрэгжүүлэх, шаардлага тавих, бодит үр дүнтэй ажиллах зэрэг чиг үүргийн хүрээнд нэгдсэн санал тавьж цаашид тогтмол хамтарсан зохион байгуулалттай ажиллах саналыг дэвшүүллээ. талаар үндсэн шаардлагууд дээр хамтран ажиллах шийдлүүдийг хэлэлцлээ.

Тухайлбал: Стандарт, норм ба дүрмийг хэрэгжүүлэхдээ дараах үндсэн шаардлагыг чиглэл болгон төлөвлөгөөндөө тусгах юм. Үүнд:
1. Барилга байгууламжийг төлөвлөхдөө тусгах
2. Ажлын гүйцэтгэл, угсралтын үйл явцад шалгах, зөвлөн туслах
3. Барилга байгууламжийг байнгын ашиглалтад оруулахаас өмнө хянан шалгах
4. Хүлээн авсны дараа ашиглалтын явцад стандарт, норм ба дүрмийг хуулийн дагуу хэрэгжүүлсэн эсэх дээр хяналт тавьж тогтмол мөрдүүлэх

Стандартыг заавал мөрдүүлснээр иргэд, олон нийтийг аюул, эрсдлээс урьдчилан сэргийлж эрүүл аюулгүй орчныг бүрдүүлэх юм.

Барилгын төлөв байдалд дүгнэлт хэрхэн гаргах тухай

Барилгын салбарын хяналтыг нийслэл хотын нутаг дэвсгэрт хэрэгжүүлэгч Хотын стандарт, хяналтын газар нь чиг үүргийн хүрээнд барилга, байгууламжийн төлөв байдалд дүгнэлт гаргана.

Барилгын тухай хууль болон Сууц өмчлөгчдийн холбооны эрх зүйн байдлын тухай хуульд заасны дагуу барилга өмчлөгч, эзэмшигч нь барилгын техникийн хяналт хэрэгжүүлэгч байгууллагаар дүгнэлт гаргуулах эрхтэй байдаг. Үүнийг үндэслэн тус байгууллагаас барилгын төлөв байдлын дүгнэлтийг дараах тохиолдолд гаргуулах боломжтой. Үүнд хэрэв:
1. Орон сууцны байшингийн дээвэр, цахилгаан шат зэрэгт их засвар хийх үед их хэмжээний хөрөнгө шаардагдаж буй бол
2. Барилга байгууламжийн төлөв байдалд дүгнэлт гаргуулах бол
3. Барилга байгууламжид ан цав, цууралт үүсэх зэрэг ноцтой эвдрэл, гэмтэл гарсан тохиолдолд дүгнэлт гаргуулах бол

Дээрх тохиололд хамаарах бол иргэн, ААН байгууллагаас ирүүлсэн хүсэлтийг үндэслэн Барилгын тухай хуульд заасны дагуу барилгын техникийн Улсын байцаагч барилгын техникийн ашиглалт, орон сууцны зориулалт төлөвлөлтийн байдал, зураг төслийн дагуу хийгдсэн эсэх, хот төлөвлөлт болон барилга байгууламжийн хэсэгчилсэн ерөнхий төлөвлөлт дээр дараах бичиг баримтын шаардлагаар хянан үзэж дүгнэлт гаргана. Үүнд:
1. Хүсэлт (Тухайн зориулалт хүсэлтийн мэдээллийг дэлгэрэнгүй тусгана)
2. Тухайн барилга, байгууламжийн зураг төсөл (зураг төсөл байхгүй тохиолдолд Үндэсний төв архиваас хуулбарыг авч хавсаргана)
3. Барилга байгууламжийн хувийн хэргийн хуулбар (Барилга, Хот байгуулалтын сайдын 180 дугаартай “Барилга байгууламжийн хувийн хэрэг хөтлөх журам батлах тухай” тушаалын дагуу хөтөлсөн байх)
4. Улсын комиссын байнгын ашиглалтад хүлээн авсан актын хуулбар (барилга, байгууламжийн төрөл, даац, хийц, бүтээцийн мэдээлэл бүхий)
5. Барилга байгууламжийн тухайн үеийн фото зураг (гадна болон дотор)
6. Эрх бүхий байгууллагаас олгосон холбогдох зөвшөөрөл
7. Тухайн обьект ашиглагч байгууллагаас тайлбар бүхий албан бичиг (СӨХ гэх мэт)
8. Бусад баримт бичиг (шаардлагатай тохиолдолд Улсын байцаагч нэмэлтээр гаргуулах)

Нэгдсэн стандартын III ээлжийг боловсруулав

Нийслэлийн засаг даргын зөвлөлийн 2023 оны 20 дугаар хуралдаанаар Нэгдсэн стандартын III дугаар ээлжийн 24 хотын стандартыг батлуулахаар төслийг танилцуулсан. Үүний дагуу дараагийн шатны бэлтгэл ажлын хүрээнд НЗД-ын 2024 оны А/02 захирамжаар байгуулагдсан ажлын хэсгийн хурал өнөөдөр зохион байгууллаа.

Ажлын хэсгийн бүрэлдэхүүнд Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг даргаар ахлуулсан 15 чиг үүргийн Засаг даргын хэрэгжүүлэгч агентлагийн дарга нар хүрэлцэн ирж оролцлоо.

Энэхүү уулзалтаар 2024 оны эхний өргөн барих 24 хотын стандартыг танилцуулахаар ажлын хэсгийн гишүүд, мэргэжлийн чиг үүргийн байгууллагуудаас санал, мэдээллийг хүлээн авч уг баримт бичигт тусгахаар шийдвэрлэлээ.

Хотын стандартын III дугаар ээлжийн 10 бүлгийн 24 стандартад:
- Хот төлөвлөлт, хот байгуулалт бүлэгт - 2,
- “Иж бүрэн гудамж” бүлэгт -6,
- Нийгмийн дэд бүтэц бүлэгт – 5,
- Худалдаа, үйлчилгээний гадна орчин бүлэгт -3,
- Барилгын хийц, эзэлхүүн, техник бүлэгт -2
- Авто зам, замын байгууламж бүлэг -2
- Үер борооны усны байгууламж бүлэг,
- Хог хаягдлын менежмент бүлэг,
- Зорчигч тээврийн үйлчилгээ бүлэгт тус тус нэг нэг стандарт нэмэгдэн орохоор судлан гаргасан .

Мөн үүн дээр Чанарын дэд бүтэц бүлэг нэмэгдэж Хотын стандартыг боловсруулах заавар гэсэн нэршлээр шинээр нэмэгдэж хэлэлцүүлэгт орно.

2023 оны онцлох 23 ажил

1. БАЙГУУЛЛАГЫН БҮТЭЦ, ДҮРЭМ, СТРАТЕГИ ЗОРИЛТОО ШИНЭЧЛЭН БАТЛАВ
Нийслэлийн Засаг даргын 2023 оны 03 дугаар сарын 06-ны өдрийн А/174 дугаартай захирамжаар Нийслэлийн Хотын стандарт, хяналтын газрын дүрмийг шинэчлэн баталгаажуулж Монгол Улсын хууль тогтоомж, Засгийн газрын үйл ажиллагааны хөтөлбөр, нийгэм эдийн засгийн зорилтууд болон Нийслэлийн иргэдийн Төлөөлөгчдийн Хурал, Нийслэлийн Засаг даргаас хотын стандартын тогтолцоог хөгжүүлэх, төрийн хяналт шалгалтын талаар баримтлах бодлого, шийдвэрийн хэрэгжилтийг зохион байгуулах үндсэн чиг үүрэгтэй байхаар тусган батлав.

2. ХОТЫН 14 СТАНДАРТ БАТЛУУЛАВ
Монгол Улсын нийслэл Улаанбаатар хотын эрх зүйн байдлын тухай хуулийг 27 жилийн дараа 2022 оны нэгдүгээр сарын 01-нээс хэрэгжиж эхэлсэн. Тус хуульд хот нэгдсэн стандарттай байхаар тусгасан билээ. Иргэдийг эрүүл, аюулгүй, тав тухтай орчинд ажиллаж амьдрах нөхцөлийг бүрдүүлэхэд чиглэсэн II дугаар ээлжийн 7 бүлгийн 14 хотын стандартыг 2023 оны 03 дугаар 30-ны өдрийн НИТХ-ын ээлжит бус 10 дугаар хуралдаанаар батлуулав. Энэхүү стандартаа мөрдсөнөөр иргэдийн амьдралын таатай орчин бүрдэхийн зэрэгцээ орчны ая тухтай, эрүүл, аюулгүй байдал хангагдаж, хөрөнгө оруулалтын үр ашиг дээшилж улс орны эдийн засаг, нийгэмд бодитой эерэг нөлөө үзүүлэх юм.

3. 945 БАРИЛГА БАЙГУУЛАМЖИЙГ АШИГЛАЛТАД ОРУУЛАВ
Хотын стандарт, хяналтын газрын үйл ажиллагааны үндсэн чиг үүргийн дагуу Нийслэлийн хэмжээнд баригдсан барилга, байгууламж болон засвар тохижилтын ажлыг байнгын ашиглалтад оруулах комиссын үйл ажиллагааг холбогдох хууль тогтоомжид нийцүүлэн зохион байгуулдаг. Энэ 2023 оны эхнээс цахимаар ирүүлсэн хүсэлт нийт 1424 хүлээн авлаа. Улс, нийслэл, төсвийн хөрөнгө оруулалт, иргэн, хувийн хэвшлийн байгууллага, гадаад орны санхүүжилт хөрөнгө оруулалтаар хийгдсэн барилга болон эрчим хүчний барилга байгууламжийг ашиглалтад оруулах хүсэлт ирүүлсэн Барилга, байгууламж - 479, Цахилгааны байгууламж - 635, Их засвар, шинэчлэлт - 310 Хууль, тогтоомжид нийцүүлэн комиссын үйл ажиллагааг зохион байгуулж 945 объектыг ашиглалтад оруулав.

4. БАРИЛГА, ДЭД БҮТЦИЙН 4550 ОБЬЕКТЫГ ШАЛГАЖ, ЗӨРЧИЛ АРИЛГАВ
Байгулллагын үндсэн гурван чиг үүргийн нэг болох Төрийн хяналт, шалгалтыг хэрэгжүүлэх ажлын хүрээнд барилгын тав, дэд бүтцийн зургаан чиглэлээр нийслэлийн есөн дүүргийн нутаг дэвсгэрт дөрвөн төрлөөр шалгалт хийсэн. Үүнд: Төлөвлөгөөт хяналтаар – 190, Төлөвлөгөөт бус хяналтаар – 3219, Урьдчилан сэргийлэх хяналтаар – 700, Гүйцэтгэлийн хяналтаар – 441 тус тус нөхцөл байдал дээр хэрэгжүүлснээр 788 зөрчил илрүүлж 700-г арилгуулан 89%-ийн биелэлттэй 2023 оноо үдлээ.

5. СТАНДАРТ, НОРМЫГ МӨРДҮҮЛЭХ 126 АЖИЛ ХЭРЭГЖҮҮЛЭВ /НЗД-ЫН А/242 ЗАХИРАМЖ/
Нийслэлийг хөгжүүлэх 2021-2025 оны таван жилийн үндсэн чиглэл, Нийслэлийн Засаг дарга бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөр болон Төрийн хяналт шалгалтын тухай хуулийн хэрэгжилтийг хангуулах иргэдийг болзошгүй аюул эрсдэлээс урьдчилан сэргийлэх зорилтын хүрээнд Нийслэлийн Засаг даргын 2023 оны гуравдугаар сард А/242 захирамж батлагдсан. Хууль, дүрэм, журам, норм ба дүрэм, стандартын хэрэгжилтийг хангуулах энэхүү ажлын төлөвлөгөөнд тусгагдсан 4 бүлгийн 126 арга хэмжээнээс бүрэн хэрэгжиж дууссан 100, биелэлт 40 – 70% /хувь/-тай 14, хүлээгдэж буй 12 арга хэмжээ байна. Холбогдох сургалтыг 18 удаа 1821 иргэн, аж ахуйн нэгжийг хамруулж хяналт шалгалтыг нийт 698 аанб-ын объект дээр хэрэгжүүлэн зөвлөн туслах, зөвлөгөө өгөх чиглэлээр 132 байршилд 126 ажил хэрэгжүүлэв.

6. АШИГЛАЛТАД ОРСОН БАРИЛГЫН МЭДЭЭЛЛИЙГ ШИЛЭН БОЛГОВ
Авлигын эсрэг Монгол улсын Засгын газрын 5Ш хөтөлбөрийн хүрээнд барилга байгууламжийн холбогдох 885 баталгаажсан мэдээллийг цаасан болон цахим архиваас нөхөн бүрдүүлж машин унших форматын дагуу нэгтгэж хавсралтаар хүргүүлсэн. “Комиссын гишүүдийн үүрэг даалгаврын биелэлтийн хуудас”-аар 358 объектын нэр шинээр өгч *.pdf өргөтгөлөөр бэлтгэн нэгтгэж www.shilen.gov.mn –д байршууллаа.

7. АЛБАН ТУШААЛЫН 46 ТОДОРХОЙЛОЛТ БАТЛУУЛАВ
Монгол Улсын Засгийн газрын 2022 оны 417, 469 дүгээр тогтоол, Нийслэлийн Засаг даргын 2022 оны “Нийслэлийн Мэргэжлийн хяналтын газар татан буугдсантай холбогдуулан байгууллагын бүтэц, орон тоонд өөрчлөлт орсны дагуу Төрийн захиргааны (хяналтын улсын /ахлах/ байцаагч)-ыг 2023 оны 08 дугаар сард Төрийн албаны зөвлөлийн 354, 355 дугаар тогтоолоор зөвшөөрөл олгогдож Хотын стандарт, хяналтын газрын даргын А/43, А/44 дүгээр тушаалаар шинэчлэн 46 албан тушаалын тодорхойлолт батлуулав. Сул орон тоог нөхөн бүрдүүлэх сонгон шалгаруулалт зохион байгуулж удирдах, гүйцэтгэх албан тушаалын 11 орон тоог нөхөн бүрдүүллээ.

8. ШАТАХУУНЫ САВЫГ 20 БАЙРШИЛД ШИНЭЧЛЭН, СТАНДАРТ МӨРДҮҮЛЭВ
Нийслэлийн нутаг дэвсгэрт үйл ажиллагаа явуулдаг ШТС-уудын сав тоног төхөөрөмжийн ашиглалтыг сайжруулах, аюулгүй байдлыг хангуулах ажлын хүрээнд Тэс петролиум ХХК, Ойн бирж ХХК, Шунхлай трейдинг ХХК, Содмонгол групп ХХК, Монсуль ХХК-иудын 10 ШТС-ын нийт 37 ширхэг /насжилт өндөртэй/ ган савны акт, баримт бичиг, техник ашиглалтын байдалд үзлэг шалгалт хийж 2000 оноос өмнөх, 10-аас дээш жилээр ашиглаж байгаа шатахуун хадгалах саванд техникийн магадлал хийлгэн, ашиглалтын аюулгүй ажиллагааг хангуулах үүрэг даалгаврыг тус газруудад өгч, хуучирсан 20 савнуудыг солиулсан. Дээрх хуучин савнуудыг шинэчлэн стандарт мөрдүүлснээр шатахууны чанарын талаарх гомдол 47%-иар буурсан.

9. БАРИЛГЫН САЛБАРЫН ХУУЛЬ, ТОГТООМЖИД НЭМЭЛТ ӨӨРЧЛӨЛТ ОРУУЛАВ
Тус Газраас хүргүүлсэн саналыг үндэслэн УИХ-ын чуулганы 12 дугаар сарын 07-ны өдрийн нэгдсэн хуралдаанаар батлагдсан Нийслэл Улаанбаатар хотын замын хөдөлгөөний түгжрэлийг бууруулах, гэр хорооллыг орон сууцжуулах тухай хууль болон дагалдан батлагдсан Барилгын тухай хуульд нэмэлт өөрчлөлт оруулах тухай хуульд:
- 1 дүгээр зүйл. Барилгын тухай хуулийн 33 дугаар зүйлд доор дурдсан агуулгатай 33.1.25 дахь заалт нэмсүгэй: “33.1.25.барилга байгууламж ашиглалтад оруулах комиссын ажиллах зардлын жишиг хэмжээг барилга байгууламжийн төвөгшил, хэмжээг харгалзан тогтоох.” гэж нэмэлт оруулсан.
- 2 дугаар зүйл. Хот байгуулалтын тухай хуулийн 12 дугаар зүйлийн 12.6.3 дахь заалтыг доор дурдсанаар өөрчлөн найруулсугай: “12.6.3.төлөвлөгөөнд хамааруулсан нийт газар нутгийн болон барилга барих зориулалтаар олгосон газрын нийт талбайн 20-иос доошгүй хувь нь цэцэрлэг, ногоон байгууламж, 20-иос доошгүй хувь нь авто зогсоол байна. Хог хаягдлыг цуглуулах, ангилан ялгах, тээвэрлэх зориулалт бүхий талбайтай байна.”

10. БАЙГУУЛЛАГЫН АЖЛЫН ҮР ДҮНГЭЭР ННЗБ-УУДЫН ДУНД 2022 ОНД 3-Р БАЙР, 2023 ОНЫ ЭХНИЙ ХАГАСТ 2-Р БАЙРАНД ШАЛГАРСАН
НЗДТГ-аас Нийслэлийн нутгийн захиргааны байгууллагуудын үйл ажиллагааг үр дүнгээр үнэлгээг өгдөг. Тус үнэлгээний шалгуур үзүүлэлтэд албан хаагчдын ур чадварыг дээшлүүлсэн ажлын үр дүнг тооцож жил бүр зохион байгуулдаг. Үүний дагуу ажлын үр дүнгээр ннзб-уудын дунд 2022 онд 3-р байр, 2023 оны эхний хагаст 2-р байранд шалгарсан.

11. ХОТЫН СТАНДАРТЫН СУРГАЛТАД 1821 ААНБ ХАМРУУЛАВ
Хууль, норм дүрэм, стандартын хэрэгжилтийг хангуулах талаар авах зарим арга хэмжээний тухай нийслэлийн Засаг даргын А/242 дугаартай захирамжаар батлагдсан. Нэгдсэн төлөвлөгөөнд 3 санал тусгуулан, холбогдох нийслэлийн байгууллагуудтай хамтран ажиллаж “Хог хаягдлын менежмент” хотын стандарт, “Худалдаа үйлчилгээний гадна орчин” хотын стандарт сэдвийн хүрээнд нийт 18-н удаагийн сургалтыг есөн дүүрэгт зохион байгуулж нийт 1821 иргэн, аж ахуйн нэгж хамруулав.

12. ХЯНАЛТ ШАЛГАЛТЫН ҮР ДҮНД 1245 АЙЛЫН ТОГНЫ ЗАРДЛЫГ БУУРУУЛАВ.
Эрчим хүчний яам Салбарын улсын ерөнхий байцаагчийн захирамж түүний удирдамжийн дагуу айл өрхийн орон сууцны гадна цахилгааны дэд өртөөг мэргэжлийн байгууллагад шилжүүлээгүй шалтгааны улмаас цахилгааны төлбөрөө аж ахуйн нэгжийн тарифаар төлж байсан зөрчлийн асуудлыг цэгцэлж 6 дэд өртөөг УБЦТС ТӨХК-нд шилжүүлэн хуулийн хэрэгжилтийг хангуулав. Хяналт шалгалтын үр дүнд 1245 айл өрхийн тогны зардлыг 14.6 сая төгрөгөөр бууруулав.

13. ИРГЭД, АЖ АХУЙН НЭГЖИД НЭГ ЦЭГЭЭР ШУУРХАЙ ҮЙЛЧИЛЖ ЭХЛЭВ.
Нийтийн мэдээллийн ил тод байдлын тухай хуулийн хэрэгжилтийг хангуулах ажлын хүрээнд Хотын стандарт, хяналтын газрын даргын 2023 оны А/15 дугаар тушаалаар Иргэд, олон нийтэд ил тод, түргэн шуурхай нээлттэй мэдээллээр хангах Төрийн үйлчилгээний хүртээмжийг сайжруулан ажиллах зорилгоор “Нэг цэг” угтах үйлчилгээг 2023 оны гуравдугаар сарын 01-ний өдрөөс нийслэлийн нутгийн Төр захиргааны төв байранд эхлүүлсэн.

14. ХОТЫН СТАНДАРТЫГ СУРТАЛЧЛАХ 8 ТӨРЛИЙН КОНТЕНТ БҮТЭЭВ.
Тус Газрын даргын баталсан “Хотын стандартын талаарх видео контентын зохиол” ажлын даалгавар дагуу стандартыг сурталчлан таниулах олон нийтийн мэдлэг ойлголтыг нэмэгдүүлэх ажлын хүрээнд “Хотын стандартын тогтолцоо”, “Ногоон байгууламж”, “Иж бүрэн гудамж”, “Хүүхдийн тоглоомын талбай” сэдвээр 3 яриа, 3 ярилцлагыг MGL88.3 радио долгионоор дамжуулан хамтран зохион байгуулж гурван багцын 8 төрлийн контентыг бүтээв.

15. БАРИЛГА БАЙГУУЛАМЖИЙГ ҮЕРЭЭС ХАМГААЛАВ
Улаанбаатар хотод усархаг бороо дараалан орж үерийн нөхцөл байдал үүсч хүндэрсэн байршлуудад хариу арга хэмжээг зохион байгуулах, сэргээн босгох, эрсдэлээс урьдчилан сэргийлэх чиглэлээр Туул, Сэлбэ, Дунд голуудын ай сав газруудад судалгаа хийсэн. Үерийн нөхцөл байдалд 27 албан хаагч үүрэг гүйцэтгэн ажиллаж үерээс хамгаалах барилга байгууламжийн хамгаалалтын зурваст суурьшсан 2356 айл өрх, 315 байгууллага байна гэсэн үр дүнгийн судалгааг нөхцөл байдал дээр шалган хүндэрсэн 98 байгууламж мэдээллийг холбогдох байгууллагуудад хүргүүлж урьдчилан сэргийлэх арга хэмжээ авлаа.

16. ННЗБ-ЫН МЭТГЭЛЦЭЭНИЙ ТЭМЦЭЭНД ТЭРГҮҮН БАЙРАНД ЭЗЛЭВ
НЗДТГ-ын Хүний нөөцийн хөгжлийн төвөөс нийслэлийн нутгийн захиргааны байгууллагуудын албан хаагчдын дунд мэтгэлцээний тэмцээнийг гурав дахь жилдээ зохион байгуулсан. Тэмцээнд НЗДТГ, УБЗАА, нийслэлийн нутгийн захиргааны байгууллагуудын 20 баг, дүүргүүдийн ЗДТГ-ын 3 баг оролцож, нээлттэй зарласан 13 шийдлийн хүрээнд хэсгийн тоглолт, хасагдах шат, хагас шигшээ, аваргын төлөө шатанд өрсөлдсөн юм. Гуравдугаар байрыг НЗДТГ-ын баг, хоёрдугаар байрыг Нийслэлийн Нийтлэг үйлчилгээний газар, Нэгдүгээр байрыг Хотын стандарт, хяналтын газрууд тус тус шилдгээр шалгарсан.

17. ТОРГУУЛИЙН ОРЛОГО 489,0 САЯ ТӨГРӨГ ТӨВЛӨРҮҮЛЭВ
Тус газрын чиг үүрэг, Төрийн хяналт шалгалтын тухай хуулийн хүрээнд зөрчил шалган шийдвэрлэх үйл ажиллагааг хэрэгжүүлж 11 хяналтын чиглэлээр 3132 иргэн, ААН байгууллагын объектод шалгалт хийж холбогдох хууль дүрэм журам, норм ба дүрмийг зөрчсөн 8 чиглэлийн 178 зөрчилд арга хэмжээ авч 170-ийг бүрэн барагдуулж торгуулийн 489 сая төгрөгийг төрийн санд төвлөрүүлэв.

ФИЗИК МЕХАНИК ҮЗҮҮЛЭЛТЭЭ ХАНГААГҮЙ 1060 ТОНН АРМАТУРЫГ ЭРГҮҮЛЭН ТАТАВ
Барилгын арматур импортлогч, үйлдвэрлэгч 20 аж ахуйн нэгж байгууллагад хяналт шалгалт хийж, тухайн материалаас дээж авч итгэмжлэгдсэн лабораторид шинжлүүлэхэд стандартад нийцээгүй бат бэх, угсралтын хязгаар болон тонн жиндээ хүрээгүй, физик механикийн үзүүлэлтээ хангаагүй материал болох нь тогтоогдсон тул 1060 тн арматурыг худалдааны цэгээс үйлдвэрлэлд дахин боловсруулалт хийлгэхээр эргүүлэн татав. Барилгын чанарт учирч болох болзошгүй эрсдэлээс урьдчилан сэргийллээ.

19. ЛОНДОН ХОТОД “ХҮРТЭЭМЖТЭЙ ДЭД БҮТЭЦ” ОУ-ЫН СЕМИНАРТ ОРОЛЦОВ
Англи улсын Лондон хотод 2023.09.11-2023.09.15-ний өдрүүдэд зохион байгуулагдсан “Хүртээмжтэй дэд бүтэц” сэдэвт уулзалтад оролцож Улаанбаатар хотын хүртээмжтэй дэд бүтцийн өнөөгийн нөхцөл байдлыг танилцуулж, тулгарч буй хүндрэл бэрхшээлийг хэлэлцэж, “Global Inclusive design” эцсийн тайланд хөгжиж буй орнуудад зориулж нэгдсэн зөвлөмж боловсруулж цаашид авах арга хэмжээнд тусгуулан ажиллалаа.

20. “ИРГЭДЭД ЭЭЛТЭЙ СТАНДАРТ” ӨДӨРЛӨГӨӨР 3200 ХҮНД СТАНДАРТЫГ СУРТАЛЧЛАВ.
Монгол Улсад Стандарт, хэмжил зүйн салбар үүсэн хөгжсөний 100 жилийн ойн хүрээнд зохион байгуулагдсан “Иргэдэд ээлтэй стандарт” нэгдсэн уриатай өдөрлөгт Хотын стандарт, хяналтын газраас “Стандарттай хот – байгальд ээлтэй хүртээмжтэй дэд бүтэц – ая тухтай орчин” сэдвийн дор иргэд олон нийтэд хотын стандартын тухай мэдлэг мэдээлэл олгох, байгууллагын үйл ажиллагааг сурталчлан таниулах зорилготойгоор оролцсон юм. Нийслэлийн 9 дүүрэг, 21 аймгаас хүрэлцэн ирсэн 3200 гаруй харилцагч нарт батлагдсан хотын стандартыг танилцуулан оролцлоо.

21. АЛБАН ХААГЧДЫН ДУНД ЭШХ ЗОХИОН БАЙГУУЛАВ.
Монгол Улсын нийслэл Улаанбаатар хот үүсэн байгуулагдсаны түүхт 384 жилийн ойг тохиолдуулан Хотын стандарт, хяналтын газрын албан хаагчдын дунд Улаанбаатар хотын өмнө тулгамдаж буй асуудал, шийдлийг хэлэлцэх, харилцан туршлага солилцох, албан хаагчдын эрдэм шинжилгээ, судалгааны ажлын чадварыг сайжруулах, санал санаачилгыг дэмжих зорилгоор энэхүү эрдэм шинжилгээний хурлыг зохион байгууллаа. Улс орны тулгамдаж буй асуудлаар цаг үеийн үйл явдалтай холбогдуулан асуудал шийдэл дэвшүүлсэн сонирхолтой сэдвээр болж аравдугаар сарын 30-ны өдөр зохион байгуулав.

22. “ХОГОО АНГИЛДАГ-ХОТЫН ИРГЭН” ӨДӨРЛӨГ ЗОХИОН БАЙГУУЛАВ.
Баянзүрх дүүргийн Засаг даргын тамгын газар болон Нийслэлийн Ерөнхий боловсролын “Уудам Монгол” сургуультай хамтран UCS 1701А:2022 Хог хаягдлыг цуглуулах, ангилах, хадгалах, тээвэрлэх арга зүйн менежмент хотын стандартыг нэвтрүүлэх өдөрлөгийг зохион байгууллаа. Хог хаягдлын менежмент, Худалдаа үйлчилгээний гадна орчин сэдвийн хүрээнд 2023 онд сэдэвчилсэн сургалтыг 9-н дүүрэгт нийт 18-н удаа зохион байгуулж нийт 1821 иргэн, аж ахуйн нэгж хамрууллаа.

23. НЗД-ЫН ЗӨВЛӨЛД 2024 ОНД БАТЛУУЛАХ 24 СТАНДАРТЫГ ТАНИЛЦУУЛАВ.
Нийслэлийн Засаг даргын зөвлөлийн 20 дугаар хуралдаан 2023 оны 12 дугаар сарын 26-ний өдөр боллоо. Нэгдсэн стандартын III р ээлжийн есөн бүлгийн 24 хотын стандартын төслийг танилцуулав. Энэхүү төслийг цаашид холбогдох төрийн болон төрийн бус байгууллагуудад танилцуулах, мэргэжлийн бүх байгууллагын саналыг тусгах, оролцогч талуудын үндэслэл бүхий саналыг тусган цаг үеийн шаардлагад нийцүүлэх зорилгоор нийслэлийн нутгийн захиргааны байгууллагууд, иргэд, олон нийтийн дунд санал авах хэлэлцүүлгийг зохион байгуулна.

Лондон хотод чуулга уулзалтад оролцлоо

Англи Улсын нийслэл Лондон хотод зохион байгуулагдсан “AT2030-Хүртээмжтэй дэд бүтцийг сайжруулах нь” сэдэвт уулзалтад Монгол Улсыг төлөөлж Хотын стандарт, хяналтын газрын Хотын хөгжлийн стандартын хэлтсийн Тогтвортой хотын стандарт хариуцсан мэргэжилтэн М.Амарзаяа "Түгээмэл хөгжил" бие даан амьдрах төвийн гадаад харилцааны ажилтан Н.Тамир нар 2023.09.11- 09.18-ний өдрүүдэд оролцсон. Олон улсын GDI HUB, UKAid, AIFO байгууллагын санхүүжилтээр хэрэгжүүлсэн "Хүртээмжтэй Улаанбаатар" судалгааны ажлыг “Хүртээмжтэй хот, Хүртээмжтэй дэд бүтэц” Дэлхийн Инновацийн Чуулга уулзалтын үеээр Улаанбаатар хотод 2019-2022 онд хийгдсэн хүртээмжтэй дэд бүтэц, барилгажсан орчны судалгааны эцсийн тайланг танилцуулсан билээ.

Хөгжлийн бэрхшээлтэй хүнд хүртээмжтэй хотыг бий болгох чиглэлээр төрөөс хэрэгжүүлж буй бодлого чиглэл мөн Улаанбаатар хотод мөрдөгдөж буй стандарт тухайлбал хотын стандартыг мөрдүүлэхэд тулгарч буй хүндрэл бэрхшээл асуудлын талаар танилцуулж санал солилцсон юм.

Уулзалтад дэлхийн 6 хотын 13 төлөөлөгч оролцсон бөгөөд цаашид “Global Inclusive Design” үндэсний хэмжээний тайланд дэлхийн бусад хотуудыг илүү хүртээмжтэй болгоход санал нэгдэн хэрэгжүүлэх шаардлагатай зөвлөмжөөс гарах ажлыг хэрэгжүүлэх талаар хэлэлцэв.

Хүндлэл - Хамгийн тод гэрэл

Өргөх байгууламжийн бүртгэл, ашиглах зөвшөөрлийг хэрхэн авах вэ

Нийслэл хотод ашиглагдаж байгаа лифт, экскалатор, цахмагт кран, авто кран, манипуляторт кран, барилгын өргүүрийн улсын бүртгэл, баталгаажуулалтыг өргөх байгууламжийн эзэмшигч, ашиглагч аж ахуйн нэгж байгууллага, иргэд болон тусгай зөвшөөрөлтэй мэргэжлийн байгууллагын ирүүлсэн хүсэлтийг үндэслэн Хотын стандарт, хяналтын газраас холбогдож хууль, норм дүрмийн дагуу хяналт шалгалтыг хийж техникийн магадлалын актын үр дүнг үндэслэн улсын бүртгэлд бүртгэж техникийн паспортад улсын байцаагч ашиглах зөвшөөрлийг олгож тэмдэглэл хийнэ.

1. КРАНЫГ АШИГЛАХ ЗӨВШӨӨРӨЛ ОЛГОХ

Бүх төрлийн краныг ашиглах зөвшөөрлийг хяналтын байгууллагаас дараах тохиолдолд олгоно. Үүнд:
- улсын бүртгэлд шинээр бүртгүүлсэн кран ашиглахын өмнө;
- краны байрлалыг өөрчилж, шилжүүлэн угсарсны дараа (сумт болон хялбар угсардаг цамхагт кранаас бусад);
- кранд шинэчлэлт, өөрчлөлт хийсний дараа;
- краны төмөрлөг хийцийн тооцоот элемент, зангилааг солих буюу гагнуур хэрэглэж, засварласны дараа;
- кранд даац хязгаарлагчийг шинээр байрлуулсны дараа;

Краныг ашиглах зөвшөөрлийг авахад дараах бичиг баримтыг бүрдүүлнэ. Үүнд:
- Техникийн магадлалын акт /статик, динамик туршилт/
- Цамхагт краны суурийн акт
- Төхөөрөмжийн газардуулгын акт
- Краны бүрэн бүтэн байдал болон ачаа шилжүүлэх үеийн аюулгүй ажиллагаа хариуцагч, оператор, оосорлогч, дохиочныг томилсон тушаал, мэргэжлийн үнэмлэх
- Краны засвар үйлчилгээг хийх мэргэжлийн байгууллагатай байгуулсан гэрээ
- Техникийн бүрэн магадлалын акт
- Угсралтын акт
- Техникийн паспорт болон холбогдох бичиг баримт

2. ЛИФТ, ЭСКАЛАТОРЫГ БҮРТГЭХ, АШИГЛАЛТАД ОРУУЛАХ

Шинээр угсарсан лифт, эскалаторыг ашиглалтад оруулахын өмнө хяналтын байгууллагад бүртгүүлсэн байна. Угсралт, тохируулга хийгдсэний дараа хяналтын байгууллагаас техникийн бүрэн магадлал хийнэ.
Лифт, эскалаторын ашиглах зөвшөөрлийг авахад дараах бичиг баримтыг бүрдүүлнэ. Үүнд:
- Лифт, эскалаторыг туршсан бүрэн магадлалын акт,
- Лифт, эскалаторын ашиглалт хариуцагч инженерийг томилсон тушаал,
- Лифт, эскалаторын засвар ба техникийн үйлчилгээ үзүүлэх мэргэжлийн байгууллагатай байгуулсан гэрээ,
- Мэргэжлийн лифтчин томилсон тушаал, мэргэжлийн үнэмлэх,
- Техникийн паспорт болон холбогдох бичиг баримт,

Хуулийн үндэслэл:
- Барилгын тухай хууль;
- Ачаа өргөх краныг төхөөрөмжлөх, аюулгүй ашиглах дүрэм;
- Манипуляторт краныг төхөөрөмжлөх, аюулгүй ашиглах дүрэм;
- Барилгын өргүүрийг төхөөрөмжлөх, аюулгүй ашиглах дүрэм;
- Лифтийг төхөөрөмжлөх, аюулгүй ашиглах дүрэм;
- Эскалаторыг төхөөрөмжлөх, аюулгүй ашиглах дүрэм;
- UCS1502C:2023 Цахилгаан шатад тавигдах ерөнхий шаардлага.

Хотын стандартыг хэвлүүлэх ажлын урилга

Барилга байгууламжийн ашиглалтад оруулах үйл ажиллагаа

Хотын стандарт, хяналтын газрын үйл ажиллагааны үндсэн чиг үүргийн дагуу Нийслэлийн хэмжээнд баригдсан барилга, байгууламжийг ашиглалтад оруулах комиссын үйл ажиллагааг холбогдох хууль тогтоомжид нийцүүлэн зохион байгуулдаг.

Улс, нийслэл, төсвийн хөрөнгө оруулалт, иргэн, хувийн хэвшлийн байгууллага, гадаад орны санхүүжилт хөрөнгө оруулалтаар хийгдсэн барилга болон эрчим хүчний барилга байгууламжийг ашиглалтад оруулах хүсэлт нийт 1496 хүлээн авснаас иргэдийн ая тухтай орчныг бүрдүүлж байгаа дээр барилгын стандарт, норм ба дүрмийн хэрэгжилт, холбогдох бичиг баримтыг шалган нэгдүгээр сарын 09 -ний өдрөөс эхлэн 826 удаагийн комиссын үйл ажиллагааг төлөвлөн зохион байгуулж холбогдох шийдвэрийг гаргажээ.

Комиссын үйл ажиллагааг нийтэд ил тод нээлттэй байдлаар цахим системд хуваарийг оруулан ажлыг үе шаттай хэрэгжүүлж, ашиглалтад орсон барилга байгууламжийн мэдээллийг нэгтгэж орон зайн мэдээллийн санд оруулан мөн холбогдох байгууллагад хүргүүлэн ажиллаж байна.

Он гарснаас хойш ашиглалтад хүлээн авсан барилгын мэдээллийг нэгтгэж Барилга, хот байгуулалтын яам, Барилгын хөгжлийн төвд цахим хаягаар хүргүүлжээ.

Тухайлбал:
- Нийслэлийн Засаг даргын 2023 оны А/194 дүгээр захирамжийн дагуу дэд бүтэц, барилга байгууламжийн судалгааг нэгтгэн гаргах 10 дугаар дэд ажлын хэсгийн төлөвлөгөөний дагуу орон сууцны 485, олон нийтийн барилгын 391 нийт 876 байршлын мэдээллийг Нийслэлийн Хот байгуулалт, хөгжлийн газарт хүргүүллээ.
- “Шил” ажиллагааны хэрэгжилтийг биелүүлэн Ажлын хэсэгт 2020-2023 оны нийт 728, 2009-2012 онд 155 барилга байгууламж ашиглалтад оруулах комиссын дүгнэлтийн холбогдох мэдээллийг нэгтгэн хүргүүлсэн байна.

Нийтийн байрны үйлчилгээ эрхэлж буй иргэн, аж ахуйн нэгж, хуулийн этгээдэд эрүүл, аюулгүй орчныг бүрдүүлэх талаар зөвлөмж

Нийслэлийн нутаг дэвсгэрт нийтийн байрны үйлчилгээ эрхэлж буй иргэн, аж ахуйн нэгж, хуулийн этгээдэд урьдчилан сэргийлэх арга хэмжээг хэрэгжүүлэх тухай улсын ахлах байцаагч дараах зөвлөмжийг хүргүүлж байна.

   Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1 дэх заалт, Төсвийн тухай хуулийн 14 дүгээр зүйлийн 14.1.20, Байгаль орчныг хамгаалах тухай хуулийн 17 дугаар зүйлийн 2 дахь хэсгийн 4 дэх заалт, Төрийн хяналт шалгалтын тухай хуулийн 52 дугаар зүйл, 8 дугаар зүйлийн 8.1.1, 8.1.2 дэх заалт, Эрүүл ахуйн тухай хуулийн 4 дүгээр зүйлийн 4.3.1, 4.4.3 дах заалт, 11 дүгээр зүйлийн 11.1.1 дэх заалт, Нийслэлийн Засаг даргын 2023 оны А/1240, Б/34 дүгээр захирамжийг тус тус үндэслэн Нийслэлийн 9 дүүргийн Засаг даргын захирамжаар байгуулагдсан Хяналт шалгалтыг зохион байгуулах тухай ажлын хэсэг Нийтийн байрны үйл ажиллагаанд урьдчилан сэргийлэх үзлэг шалгалт зохион байгуулах ажлын удирдамжийн хүрээнд үзлэг шалгалтыг гүйцэтгэж Нийслэлийн иргэдийн төлөөлөгчдийн хурлын тэргүүлэгчдийн 2019 оны 10 дугаар сарын 08 -ний өдрийн 163 дугаар тогтоол /Нийслэлийн нутаг дэвсгэрт нийтийн байрны үйлчилгээ эрхлэхэд дагаж мөрдөх журам батлах тухай/ - ийн хэрэгжилтийг хангуулахаар ажиллаж байна.

   Иймд Нийслэлийн иргэдийн төлөөлөгчдийн хурлын тэргүүлэгчдийн 2019 оны 10 дугаар сарын 08 -ний өдрийн 163 дугаар тогтоолын 4-т Нийтийн байранд тавигдах шаардлага, Барилгын тухай хуулийн 12 дугаар зүйл /Барилгын зураг төсөлд тавих шаардлага/, 13 дугаар зүйл /Барилгын материал, бүтээгдэхүүнд тавих шаардлага/, 14 дүгээр зүйл /Барилга байгууламжид тавих шаардлага/-ийг тус тус хангасан байх ба мөн хуулийн 46 дугаар зүйл /Барилга байгууламжийг өмчлөгч, эзэмшигчийн үүрэг/-ийн хэрэгжилтийг хангуулах үүднээс дараах ЗӨВЛӨМЖИЙГ хүргүүлж байна. Үүнд:

   1. Нийслэлийн иргэдийн төлөөлөгчдийн хурлын тэргүүлэгчдийн 2019 оны 10 дугаар сарын 08 -ний өдрийн 163 дугаар тогтоолоор батлагдсан Нийслэлийн нутаг дэвсгэрт нийтийн байрны үйлчилгээ эрхлэхэд дагаж мөрдөх журмыг мөрдлөг болгох.
   2. Нийслэлийн иргэдийн төлөөлөгчдийн хурлын тэргүүлэгчдийн 2019 оны 10 дугаар сарын 08- ний өдрийн 163 дугаар тогтоолын 4.5-т /орон сууцны барилга зураг төсөл, норм, дүрмийн дагуу баригдсан байна./ заасныг үндэслэн Барилгын тухай хуулийн 12 дугаар зүйлийн 12.1.1 дэх заалт /Эрх бүхий байгууллагаас олгосон газрын зөвшөөрөл, зургийн даалгавар, норм, нормативын баримт бичиг, стандарт, технологийн даалгавар, тоног төхөөрөмжийн паспорт, техникийн нөхцөл, инженер хайгуулын судалгаанд үндэслэн боловсруулагдсан байх/, 13 дугаар зүйлийн 13.1.1 дэх заалт /Барилга байгууламжийн норм, нормативын баримт бичиг хангасан байх/, 14 дүгээр зүйлийн 14.1.1 дэх заалт /барилга байгууламжийн норм, нормативын баримт бичгийн шаардлагыг хангасан байх/ -ний хэрэгжилтийг тус тус хангасан байх.
   3. Барилгын тухай хуулийн 46 дугаар зүйл /Барилга байгууламжийг өмчлөгч, эзэмшигчийн үүрэг/-ийг, Монгол Улсын Засгийн газрын 2017 оны 353 дугаар тогтоолын хэрэгжилтийг тус тус хангуулан ажиллах.
   4. Барилга байгууламжид хүн ажиллаж амьдрах таатай бөгөөд түүний эрүүл мэндэд сөрөг нөлөөгүй, аюулгүй нөхцөл бүрдүүлэх;
   5. Барилгын орчны тохижилт, цэвэрлэгээ, засвар арчлалтыг тогтмол хийх, авто зам болон явган хүний зам, талбайн хөдөлгөөнийг хаах, хашаа барих зэргээр бусдад саад учруулахгүй байх;
   6. Барилгын дээвэр, адрын хучилт болон бусад бүтээц дээр цас мөс, хог шороо, шувууны сангас, тоосонцор болон бусад зүйлс хуримтлагдан даац хэтэрч осол гарахаас сэргийлэх;
   7. Барилгын даацын хийц бүтээц болон дотор, гадна инженерийн шугам сүлжээний ашиглалтын төлөв байдалд байнгын хяналт тавих;
   8. Барилгын хийц бүтээцэд ан цав, цууралт үүссэн зэрэг ноцтой эвдрэл, гэмтэл гарсан тохиолдолд мэргэжлийн хяналтын байгууллагад хандаж дүгнэлт гаргуулан холбогдох арга хэмжээ авах;
   9. Өөрсдийн ашиглаж буй барилгад үзлэг шалгалтыг ерөнхий болон хэсэгчилсэн байдлаар хийж, ерөнхий үзлэгээр барилга байгууламжийн техникийн байдлыг бүхэлд нь орчны тохижилтын хамт, хэсэгчилсэн үзлэгээр барилгын эдлэхүүн, хийц хэсэглэл, тус бүрийг нарийвчлан хянах. Ерөнхий үзлэгийг хавар, намрын улиралд тус бүр 1 удаа, хэсэгчилсэн үзлэгийг ашиглалтын явцад үүссэн эвдрэл, гэмтлийн шалтгааныг тодруулах зорилгоор гүйцэтгэх;
   10. Төлөвлөгөөт бус үзлэгийг гал түймэр, аадар бороо, аянга, хүчтэй салхи, угалз, цасны ачаалал, нуралт, усны үер, газар чичирхийлэл зэрэг байгалийн гамшиг, аюулт үзэгдэл, үйлдвэрлэлийн ослын ул мөр арилаагүй үед барилга байгууламжид гарсан эвдрэл, гэмтлийг илрүүлэн арилгах зорилгоор хийх;
   11. Тухайн барилгын өргөтгөл, шинэчлэл, урсгал болон их засварын ажлын зураг төслийг “Барилга байгууламжийн зураг төсөл боловсруулах, зөвшилцөх, магадлал хийх дүрэм”-ийг баримтлан эрх бүхий мэргэжлийн байгууллагаар гүйцэтгүүлэх;
   12. Барилгын өргөтгөл, шинэчлэл, урсгал болон их засварын ажлыг гүйцэтгэхдээ “Барилгын ажлыг эхлүүлэх, үргэлжлүүлэх зөвшөөрөл” авсны үндсэн дээр тусгай зөвшөөрөл бүхий хуулийн этгээдээр гүйцэтгүүлж, “Барилга байгууламжийг ашиглалтад оруулах дүрэм”-ийн дагуу улсын болон техникийн комисст хүлээлгэн өгсний дараа ашиглалтын үйл ажиллагааг эхлэх;
   13. Тухайн барилгын өргөтгөл, шинэчлэл, урсгал болон их засварын ажлын гүйцэтгэлд “Барилга захиалагчийн дүрэм”-ийн дагуу хөрөнгө оруулагч, захиалагчаар хяналт тавиулах, далдлагдсан ажлыг ил далд ажлын акт, гэрэл зургаар баталгаажуулах;

   Зөвлөмжийг Нийслэлийн 9 дүүрэгт нийтийн байрны үйлчилгээ эрхэлж буй аж ахуйн нэгж, иргэн хуулийн этгээдэд хүргүүлж, иргэдийн эрүүл аюулгүй, орчныг бүрдүүлж хамтран ажиллахыг хүсье.

Нийтийн байрны орчин, нөхцөлийг шалгалаа

Нийслэлийн Засаг даргын 2023 оны А/1240 дугаартай захирамжаар нийслэлийн нутаг дэвсгэрт үйл ажиллагаа явуулж буй нийтийн байрны орчин, нөхцөл байдал дээр Төрийн хяналт шалгалтын хуулийн дагуу Хотын стандарт, хяналтын газрын Улсын /ахлах/ байцаагч нар, мэргэжилтнүүд болон НБОГ- Байгаль орчны хяналтын Улсын /ахлах/ байцаагч, НЭМГ- Эрүүл ахуй, халдвар хамгааллын хяналтын Улсын /ахлах/ байцаагч, Нийслэлийн Гэр Бүл Хүүхэд Залуучуудын Хөгжлийн Газрын Хүүхдийн эрхийн Улсын /ахлах/ байцаагч, Улсын бүртгэлийн газар, дүүргүүдийн Хүнс худалдаа үйлчилгээний хэлтсийн мэргэжилтнүүд мөн хороодын Засаг дарга нарын хамтарсан дэд Ажлын хэсгийн хяналт шалгалтыг аравдугаар сарын 27-ний өдрөөс эхлүүлсэн.

Бүртгэл судалгааны мэдээллээр Улаанбаатар хотын хэмжээнд нийтийн байр 705 байдгаас 665 нь хувь хүний нэр дээр үлдсэн дөч нь аж ахуйн нэгжид бүртгэлтэй гэсэн байдаг. Тус ажлын хүрээнд нийтийн байрны дотор болон гадна орчны эрүүл ахуйн нөхцөл байдал, галын аюулгүй байдал, цахилгааны аюулгүй байдлын шаардлага хангаж буй эсэхийг шалгаж, илэрсэн зөрчил дутагдлыг арилгуулах, цаашид авч хэрэгжүүлэх арга хэмжээний санал, дүгнэлтийг боловсруулах, иргэдийн эрүүл, аюулгүй амьдрах эрх зөрчигдөх, аливаа зөрчил гарах эрсдэлээс урьдчилан сэргийлэхийн тулд ийнхүү зорилготойгоор хэрэгжүүлж байна.

Есөн дүүргийн дэд Ажлын хэсгийн шалгалтын явцын бүртгэл судалгаанаас үзвэл нийтийн байрнуудаас Цагдаагийн байгуулагад хүлээн авдаг гомдлын 80-90 хувь эзэлдэг, гал түймрээс урьдчилан сэргийлэх анхан шатны багаж хэрэгсэлгүй, уурын зуухны галлагааны аюулгүй байдлыг хангаагүй, нэг байранд дунджаар 10-50 хүн амьдарч байгаа. Эдгээрт үйлчлүүлэгч иргэний бүртгэл байхгүй, хүүхдийн хамгаалал алдагдсан хог ихтэй бохир орчин нөхцөлд амьдрах эрх нь зөрчигдсөн, хогны ангилан ялгах байгууламж савгүй гэх мэт байна.

Тухайлбал: БЗД-ийн 6,1,7,4,30,31 тус тус хороодын нийт 210-н нийтийн байрыг шалгахад дээрх зөрчлүүд нийтлэг илэрлээ.

Бетон зуурмаг үйлдвэрлэгч аж ахуйн нэгж байгууллагуудад - Урьдчилан сэргийлэх тухай

Гадна орчны температур -5 хэмээс доош болсон тохиодолд Зам, тээвэр, барилга хот байгуулалтын сайдын 2010 оны 04 дүгээр сарын 12-ний өдрийн 107 дугаар тушаалын 06 дугаар хавсралт “Барилгын үйлдвэрлэлийн зохион байгуулалт” БНбД 12-01-09, “Цутгамал төмөр бетон бүтээц” БНбД 52-02-05-ийг үндэслэн бетоныг барилга угсралтын ажлын талбайд хүлээн авах үеийн бетоны температурыг бүтээцийн зузаанаас хамаарч 10˚С-18˚С байхаар бетон хольц бэлтгэх, тээвэрлэх үеийн ажил гүйцэтгэх технологийн картыг боловсруулан баталж, технологийн горимын дагуу үйлдвэрлэлийн үйл ажиллагаа явуулж ажиллахыг үүгээр мэдэгдэж байна.

Хууль тогтоомжийн хэрэгжилтийг хангаж ажиллах тухай Улсын байцаагчийн зөвлөмж

Барилгын материалын худалдаа эрхлэгч иргэн, аж ахуйн нэгж, байгууллагуудад хууль тогтоомжийн хэрэгжилтийг хангаж ажиллах тухай улсын байцаагч дараах зөвлөмжийг хүргүүлж байна.

   Нийслэлийн Засаг даргын 2023 оны А/1267 дугаар захирамжийн хүрээн хяналт хийхэд Монгол Улсын Төрийн хяналт шалгалтын тухай, Барилгын тухай, Стандартчилал, техникийн зохицуулалт, тохирлын үнэлгээний итгэмжлэлийн тухай, Хэрэглэгчийн эрхийг хамгаалах тухай хуулиуд болон тэдгээртэй нийцүүлэн гаргасан дүрэм, журам, норм, стандартын хэрэгжилтийг хангаж ажиллах, барилгын материалын худалдаа эрхэлж буй иргэн, аж ахуйн нэгжүүдийн үүрэг хариуцлагыг дээшлүүлэх, гарал үүслийн болон тохирлын гэрчилгээтэй, эрүүл ахуйн шаардлага хангасан, хүрээлэн буй орчинд сөрөг нөлөөгүй барилгын материал худалдах шаардлагатай байгаа тул дараах “Зөвлөмж”-ийг хүргүүлж байна.

   1. Барилгын тухай хуулийн 13.1.3 дахь заалт (чанарыг баталгаажуулсан гарал үүслийн гэрчилгээ, лабораторийн батламжтай байх), 43.1.4 дэх заалт (Барилгын материал, түүхий эд, бүтээгдэхүүнийг итгэмжлэгдсэн лабораторийн сорилт туршилтад тогтмол хамруулан технологийн заавар батлуулах, тохирлын гэрчилгээ авах)-уудыг биелүүлж, бүтээгдэхүүнд эрх бүхий байгууллагаас тохирлын гэрчилгээг авах, чанарын баталгаа гаргаж, худалдан авагчдад тухай бүр өгч хэвших;
   Мөн Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 13 дугаар зүйлийн 13.4 дэх заалт (Энэ хуулийн 13.2-т заасан бүтээгдэхүүний жагсаалт, тэдгээрийг тохирлын баталгаатайгаар Монгол Улсын зах зээлд нийлүүлэх, хилээр нэвтрүүлэх журмыг Засгийн газар батална)-ыг үндэслэн Монгол Улсын Засгийн газрын 291 дүгээр тогтоолоор батлагдсан “Тохирлын баталгаанд заавал хамруулах бүтээгдэхүүн, үйлчилгээний жагсаалт”, “Тохирлын баталгаатай бүтээгдэхүүн, үйлчилгээг Монгол Улсын зах зээлд нийлүүлэх, улсын хилээр нэвтрүүлэх журам”-ын дагуу барилгын асуудал эрхэлсэн төрийн болон төрийн бус байгууллагаас тохирлын гэрчилгээ авч, худалдах үйл ажиллагааг явуулах;
   Хэрэглэгчийн эрхийг хамгаалах тухай хуулийн 12 дугаар зүйлийн 12.1 дахь заалт (Үйлдвэрлэгч, худалдагч, гүйцэтгэгчийн зах зээлд нийлүүлж байгаа бараа, ажил, үйлчилгээ нь хэрэглэгчийн амь нас, эрүүл мэнд болон хүрээлэн байгаа орчинд гэм хор учруулахгүй байх, заавал мөрдөх стандартын болон техникийн зохицуулалтын шаардлагыг хангасан байна), 12.6 дахь заалт (Үйлдвэрлэгч худалдагч, гүйцэтгэгч барааны аюулгүй байдлын шаардлагыг хангаагүйгээс хэрэглэгчийн эрүүл мэнд, эд хөрөнгө, хүрээлэн байгаа орчинд учирсан гэм хорыг хуульд заасны дагуу арилгана;), 12.8 дахь заалт (Үйлдвэрлэгч, худалдагч, гүйцэтгэгчээс хэрэглэгчид бараа, ажил, үйлчилгээтэй холбоотой худал мэдээлэл өгөхийг хориглоно)-уудыг тус тус хангаж чанарын шаардлага хангасан барилгын материалыг хэрэглэгчид худалдах;
   2. Барилгын материал, бүтээгдэхүүний хадгалалт, тээвэрлэлтийн үед үйлдвэрлэгчийн баримтжуулсан мэдээллийг цаасан ба цахим хэлбэрээр хийж хадгалалтын бүх хугацааны турш үнэн зөвийн болон үл өөрчлөгдөх баталгааг хангасан байх;

   3. Барилгын материал, бүтээгдэхүүний сорьцыг үйлдвэрлэгч, хэрэглэгчдэд дагалдах баримт бичигт заасан нөхцөлийн дагуу хэрэглээний шинж чанарыг бууруулахгүйгээр хадгалах;
   Агуулахын баталгаат хугацаа дууссан болон тээвэрлэлтийн шаардлага зөрчсөн барилгын материал, бүтээгдэхүүнийг техникийн зохицуулалтын шаардлагын дагуу дахин хяналтад оруулахгүйгээр зах зээлийн эргэлтэд оруулахгүй байх;

    3. Нийслэлийн иргэдийн Төлөөлөгчдийн Хурлаар батлагдсан Хотын стандарт: USC 1202В:2022 (Худалдаа үйлчилгээний газрын гадна сурталчилгааны байгууламжид тавих ерөнхий шаардлага)-ыг үйл ажиллагаандаа хэрэгжүүлж ажиллахыг тус тус зөвлөж байна.

Барилгын угсралтын ажлын чанар, аюулгүй байдлыг хангуулах тухай Улсын ахлах байцаагчийн зөвлөмж

Нийслэлийн 9 дүүрэгт барилга угсралтын чиглэлээр үйл ажиллагаа эрхэлж буй хүн, хуулийн этгээдэд барилга угсралтын ажлын чанар, аюулгүй байдлыг хангуулах тухай улсын ахлах байцаагч дараах зөвлөмжийг хүргүүлж байна.

   Нийслэлийн Засаг даргын 2023 оны 03 дугаар сарын 16-ны өдрийн А/242 дугаартай “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” захирамж, Хотын стандарт, хяналтын газрын даргын 2023 оны 04 дүгээр сарын 03-ны өдрийн А/20 дугаартай “Ажлын хэсгийн бүрэлдэхүүн батлах тухай” тушаал, Барилга хот байгуулалтын яамны Салбарын Улсын Ерөнхий байцаагчийн 2023 оны 03 дугаар сарын 24-ний өдрийн 02-00/06 дугаартай Урьдчилан сэргийлэх хянт шалгалт хийх тухай хяналт шалгалтын удирдамжийг тус тус үндэслэн хяналт шалгалтыг гүйцэтгэхэд Барилгын зураг төсөл боловсруулах, угсралтын ажлыг гүйцэтгэх явцад хууль тогтоомжийг зөрчих, төлөвлөлт, техникийн шийдлийн алдаа гаргах, барилгын бат бэх тогтвортой байдал алдагдах, байгаль орчин, хүний амь нас, эрүүл мэндэд сөрөг нөлөө үзүүлэх, нийтийн болон гуравдагч этгээдийн эрх, ашиг сонирхлыг зөрчих зэрэг нийтлэг дутагдлууд давтагдаж байна.

   Иймд хүйтний улирал эхэлж байгаатай холбогдуулан хүн, хуулийн этгээдийн барилга угсралтын ажлын чанар аюулгүй байдлыг сайжруулах, барилгын эрсдэлийн түвшнийг үнэлж, илэрсэн зөрчил дутагдлыг арилгуулах, учирч болзошгүй эрсдэлээс урьдчилан сэргийлэх талаар эрхзүйн болон мэргэжил арга зүйн туслалцаа үзүүлэх зорилгоор барилгын угсралтын ажил гүйцэтгэгч байгууллага, аж ахуйн нэгжүүдэд дараах ЗӨВЛӨМЖ–ийг хүргүүлж байна.Үүнд:

   1. Барилга байгууламжийн үндсэн хийц, даацын бүтээцийн төмөр бетоны цутгалтын ажлыг гүйцэтгэхдээ “Цутгамал бетон, төмөр бетон бүтээц” БНбД 52-02-05 /барилгын норм дүрэм/, “Цутгамал төмөр бетон бүтээцийн ажил гүйцэтгэх заавар” БД 52-102-04 /барилгын дүрэм/-д тус тус заасны дагуу хоногийн дундаж температур 0 хэмээс бага үед зайлшгүй гүйцэтгэх тохиолдолд өвлийн улиралд бетоны ажил гүйцэтгэх технологийн карт, ажил гүйцэтгэх төлөвлөгөөг боловсруулж хөрөнгө оруулагч, захиалагч, зураг төсөл зохиогч байгууллагаар батлуулан цутгалтын ажлыг гүйцэтгэх.
   2. Барилга байгууламжийн үндсэн хийц, даацын бүтээцийн төмөр бетоны цутгалтын ажлыг гүйцэтгэхээс өмнө “Барилгын үйлдвэрлэлийн зохион байгуулалт” БНбД 12-01-09-д заасны дагуу өвлийн нөхцөлд бетон цутгах ажлыг гүйцэтгэх технологийн картыг боловсруулан захиалагч ба зохиогч байгууллагаар батлуулан барилгын техникийн хяналт хэрэгжүүлэгч Хотын стандарт, хяналтын газрын Барилгын стандарт, аюулгүй байдлыг хяналтын хэлтэст ирүүлж хамтран ажиллах.
   3. Барилга байгууламжийн үндсэн даац, бүтээцийн бетоны цутгалтын ажлыг гүйцэтгэхдээ батлагдсан технологийн картыг мөрдөж ажиллах.
   4. Өвлийн нөхцөлд технологийн картад тусгасны дагуу дулааныг нь алдагдуулахгүйгээр барьж улмаар цементээс ялгарах дулааныг ч нэмэрлэн зохистой бат бэхтэй болтол нь арчлах, цутгасны дараа зохиомлоор халааж бэхжүүлэх / цахилгаан-дулааны эх үүсвэр ашиглах/; Усанд химийн бодис нэмэн түүний хөлдөх температурыг нь доошлуулах, Өвлийн нөхцөлд бетон цутгах технологи, тавигдах ерөнхий шаардлагыг Цутгамал бетон, төмөрбетон бүтээц БНбД 52-02-05, Цутгамал төмөр бетон бүтээцийн ажил гүйцэтгэх заавар БД 52-102-04-д нормчилж, АГТ, ТК боловсруулж мөрдөх, захиалагч, зохиогч, хөндлөнгийн хяналтыг сайжруулах.
   5. Өвлийн нөхцөлд цутгамал бетоны ажил гүйцэтгэх үед шаардлагатай параметрүүдийг тодорхойлох технологийн горимын тооцоог онолын хувьд тооцооны, дифференциаль тэгшитгэлийн, графикийн, физик, хагас үйлдвэрлэлийн туршилтын аргаар тус тус тооцоолж инженерээс дулааны, физикийн, термодинамикийн, цахилгааны, химийн нэмэлт зэрэг сонголтоос цаг агаарын болон бусад үзүүлэлтүүдийн хүрээнд технологийн картыг боловсруулан хэрэгжилтэд тогтмол дотоод болон хөндлөнгийн хяналтыг хэрэгжүүлэх.
   6. Өвлийн нөхцөлд барилга байгууламжийн технологийн нөхцөл, барилгын ажлын зөвшөөрөлд заасныг харгалзан барилга угсралтын ажлыг түр хугацаагаар зогсоохдоо барилга байгууламжийг давагдашгүй хүчин зүйл, гэнэтийн аюулаас урьдчилан сэргийлэх арга хэмжээг авах, барилгын талбайн эмх цэгц, аюулгүй байдлыг бүрэн хангуулж ажиллах.
   7. Барилгын гүйцэтгэгч нь Барилгын тухай болон салбарын бусад хууль, эрх зүйн актуудыг мөрдөх, хуулиар хүлээсэн эрх, үүргийн хэрэгжилтийг хангуулах, эрх бүхий байгууллагаас батлуулсан зураг төсөл, барилгын ажлын зөвшөөрлийн гэрчилгээний хүрээнд барилга угсралтын ажлыг гүйцэтгэх.
   8. Цутгамал төмөр бетоны хийц, бүтээцийн угсралтын үед арматурын хамгаалалтын үеийг алдагдаж хомын болон ажлын, холбоос, хуваарилах арматурууд ил гарсан байдаг тул арматурын ажлыг цаашид “Цутгамал бетон ба төмөрбетон бүтээц. БНбД 52-02-05”-ын 3.6-д заасны дагуу хийж гүйцэтгэн ил, далд ажлын актыг үйлдэж баталгаажуулсан байх.
   9. Зэвэрсэн ажлын арматур, хомуудын зэвийг арилгах, барилгын ажлыг долоон сараас дээш хугацаагаар зогсоосон бол хамгаалалтын горимд Барилгын тухай хуульд заасны дагуу шилжүүлэх, мөн ажил зогсоосон хугацаанд зоорийн давхарт гадаргуу болон хөрсний ус хуримтлагдаж мөстсөн үед инженер геологийн судалгааны дүгнэлт гаргуулсан байгууллагаар дахин үзлэг, шалгалт хийлгүүлж угсралтын ажлыг тус буурь хөрсөн дээр үргэлжлүүлэн гүйцэтгэх боломжтой эсэхэд, цутгамал төмөр бетон бүтээцүүд /суурь, багана, дам нуруу, хучилт/-ийн бат бэх, арматурын чанарт лабораторийн шинжилгээ, судалгааны дүгнэлтийг гаргуулах.
   10. Цутгамал төмөр бетоны ажлын үед хийцүүдийн бетоны нягтруулалт хангалтгүй, нүх сүвтэй, сийрэг цутгагдсан тохиолдол нийтлэг гарч байгаа тул бетон хольцыг цутгахдаа “Цутгамал төмөр бетон бүтээцийн ажил гүйцэтгэх заавар. БД 52-102-04”-ийн 11.2. /Бетон хольц цутгах/, 11.3. /Бетоныг бэхжүүлэх ба чанарын шаардлага/, 12. /Чанарын хяналт туршилт, шинжилгээ/-д заасан шаардлагуудыг мөрдлөг болгох.
   11. Каркасны гадна дүүргэгч ханын өрлөгийн зуурмагийн хэвтээ, босоо дүүргэлт дутуу, хүлцэх хэмжээ алдагдсан байх дутагдал түгээмэл байгаа тул “Өрөгт бүтээц.БНбД 51-02-05”-ын 2.5 /зөв хэлбэр дүрс бүхий чулуу гулдмай болон тоосгон өргийн зуурмагийн дундаж зузаан хэвтээ завсарт 12 мм, босоо завсарт 10 мм байх ёстой./, 3.4 /ханын гулдмай, тоосгон өргийн хэвтээ, босоо хөндлөн заадас болон ялуу, дөр хана, баганын өргийн хэвтээ, босоо, хөндлөн мөн дагуу заадсыг зуурмагаар дүүргэсэн байх шаардлагатай/ -д заасан шаардлагыг мөрдөх.
   12. Бетон цутгалтын үед угсарсан, хэв хашмалын байдалд байнгын хяналтыг тавьснаар задрах, геометр хэмжээ алдагдах дутагдал нийтлэг илэрдэг тул ажил гүйцэтгэхдээ “Цутгамал төмөр бетон бүтээцийн ажил гүйцэтгэх заавар. БД 52-102-04”-ийн 11.3 /... Бетон цутгах процесст угсарсан хашлагийнн байдалд байнгын хяналт тавьсан байна. Хэрэв бетон цутгалтын үед хашлагийн элемент шилжсэн ... бүтээцийн чанар хэмжээнд нөлөөлөхөөр бол цутгалтыг зогсоож, засварлана. Цутгасан төмөр бетон бүтээцийн байрлал, хэмжээний зөвшөөрөгдөх зөрүү нь доор зааснаас ихгүй байна. Хана ба багананд +-10 мм, элементийн урт буюу алгасалд +-20 мм/-д заасан чанарын шаардлагыг хангуулах.
   13. Аюулгүй байдлаас урьдчилан сэргийлэх хаалт хамгаалалтыг дутуу гүйцэтгэсэн дутагдал их байгаа тул Барилга угсралтын үед барилгын эргэн тойронд хамгаалах түр тор, хаалт хамгаалалт, хашлагыг “Барилгын үйлдвэрлэлийн хөдөлмөрийн аюулгүй ажиллагааны дүрэм. БНбД 12-04-06. II хэсэг. Техникийн аюулгүй ажиллагааны дүрэм”-ийн 8.20 /Олон давхар каркасан барилгын эдлэхүүнийг угсарч эхлэхээс өмнө тухайн давхрын гадна хүрээгээр хамгаалалтын хашлага заавал тоноглох хэрэгтэй. Доод талын давхруудад мөн уг хамгаалалтын хашлага байх бөгөөд зөвхөн тухайн давхрын гадна ханын хавтанг угсарч эхлэх болон гадна ханыг өрөхөд уг хашлагыг буулгаж болно./ дахь заалтын шаардлагыг хангуулах.
   14. Захиалагчийн хяналт хангалтгүй дутагдал нийтлэг илэрч байгаа тул Захиалагч барилга байгууламжийн техникийн нөхцөл, зураг төсөл боловсруулах, эрх бүхий байгууллагаас барилгын ажлын зөвшөөрлийн гэрчилгээг авах, барилгын ажлын үе шат бүрд зохиогчийн хяналт хийлгэж, хөндлөнгийн лабораторийн шинжилгээгээр материал хийц бүтээц, эдлэхүүний чанарыг тодорхойлуулж Барилгын тухай хуулийн 37 дугаар зүйлийн 37.1.5. дахь заалтад заасан захиалагчийн чиг үүргийг тогтмол хэрэгжүүлж хэвших, барилга байгууламжийн зураг төслийг зохиогчийн зөвшөөрөлгүйгээр өөрчлөхгүй байх.
   15. Монгол Улсын Засгийн газрын 2011 оны 11 дүгээр сарын 09-ний өдрийн 311 тоот тогтоолоор баталсан “Аж ахуйн нэгж, байгууллагад дотоод хяналтыг зохион байгуулах нийтлэг журам”-д нийцүүлэн өөрийн компанийн “Дотоод хяналтын журам”-ыг боловсруулан баталж, мэргэжлийн боловсон хүчин бүхий дотоод хяналтын нэгжийг зохион байгуулан ажиллуулж, ажлын байрны онцлогт нийцсэн аюулгүй ажиллагааны дүрэм, заавар, журам баталж, хэрэгжилтэд хяналт тавьж байх.
   16. Барилгад зураг төслийн болон стандартын шаардлага хангасан барилгын материал хэрэглэх, стандарт тогтоогдоогүй бүтээгдэхүүн материалуудыг итгэмжлэгдсэн лабораторийн шинжилгээ туршилтад хамруулж үе шатны далдлагдсан ажлын чанарыг баталгаажуулах.
   17. Барилгын угсралтын ажилд бетон зуурмагийг цутгах ажилд “Цутгамал төмөр бетон бүтээцийн ажил гүйцэтгэх заавар. БД52-102-04” болон “Цутгамал бетон, төмөр бетоны бүтээц. БНбД 52-02-05”-ын дагуу бетон зуурмагийн конусын суултыг заавал тодорхойлж, цутгасан хийц бүтээц бүрийн бетон зуурмагаас дээж авч, бетоны шахалтын бат бэхийг итгэмжлэгдсэн лабораториор тодорхойлуулан цутгамал бүтээцийн бат бэхийг хангуулж байх, цутгалт, бетоны арчилгааг зохих шаардлагын хэмжээнд гүйцэтгэх.
   18. Өндөр барилгад насосоор шахах /конусан суулт ихтэй буюу хөдөлгөөнт чанар ихтэй/ зуурмагт зориулалт шаардлагаас хамааруулан уян налархайжуулалт, агааржуулагч, бэхжилтийн нэмэлтийг хэрэглэж байх.
   19. Хөдөлмөрийн хуулийн 72 дугаар зүйлийн 72.1. дэх /Орон нутгийн цагаар 22 цагаас 06 цаг хүртэлх хугацааг шөнийн цагт тооцно./ заалтад тусгасан цагт иргэдийн амгалан тайван тав тухыг алдагдуулахгүй ажиллах.
   20. Барилгын талбайд материал эдлэхүүн, хийц бүтээц, тоног төхөөрөмжийг эмх цэгцтэй хурааж, өндрөөс эд зүйл унахаас сэргийлж, аваар осол, эрсдэлгүй ажиллах.

Энэхүү зөвлөмжийн дагуу өвлийн нөхцөлд баригдаж буй барилга байгууламжийн ажлын явцад барилгын үйлдвэрлэлийн талбайд техникийн аюулгүй ажиллагааг хангах, эрсдэлээс урьдчилан сэргийлэх талаар тодорхой арга хэмжээг авч, арга хэмжээний талаарх биелэлтийг 2023 оны 11 дүгээр сарын 30-ны дотор Хотын стандарт, хяналтын газарт албан бичгээр хариу ирүүлж хамтран ажиллахыг хүсье.

Аюулгүй орчныг бүрдүүллээ

Хотын стандарт, хяналтын газраас хотын стандартын дагуу орчны аюулгүй байдлын хяналт, шалгалтыг сайжруулах Улаанбаатар хотын иргэдийн амьдрах орчны эрсдлийг бууруулах арга хэмжээг авч хэрэгжүүлсээр байна.

Нийслэлийн Засаг даргын 2023 оны А/242 дугаар захирамж “Хууль, норм, дүрэм, стандартын хэрэгжилтийг хангуулах талаар авах арга хэмжээний тухай” Нийслэлд нэгдсэн хяналт шалгалтын ажлын хэсгийн бүрэлдэхүүнд орж ажиллаж байна.

Нийслэлийн есөн дүүргийн хэмжээнд иргэдийн амьдрах орчинд эрсдэл учруулж болзошгүй зөрчлүүдийг илрүүлж улсын байцаагчийн зөвлөмж 120, зөрчил дутагдал арилгах тухай мэдэгдэл 93, дутагдал арилгуулах албан шаардлага 42 хүргүүлээд байна. Мөн орчны аюулгүй байдлыг алдагдуулсан 10 ААНБ-ын үйл ажиллагааг зогсоох арга хэмжээ авчээ.

Тус нэгдсэн арга хэмжээний биелэлтэд хяналт тавин ажиллаж байна. Дэд бүтцийн стандарт, хяналтын хэлтсээс хяналт шалгалтаар илэрсэн зөрчилд авсан арга хэмжээнээс дурдвал:

- Сүхбаатар дүүрэгт байрлах Зам тээврийн хөгжлийн яамны зүүн талд явган хүний зам дээр инженерийн шугам сүлжээний худгийн таг онгорхой байна гэх мэдээллийн дагуу Улаанбаатар Зам Засвар Арчлалтын Газрын шуурхай ажиллагааны багийг гаргаж хэвийн байдалд нь орууллаа.
- Баянзүрх дүүргийн 26 дугаар хороонд явган зорчигчийн зам хашиж барилгын түр хашааг давуулан барьсан гэх зөрчилд нөхцөл байдлын газар дээр нь шаардлага тавьж хашааг татуулан явган зорчигчийн хөдөлгөөний аюулгүй байдлыг хангуулан ажиллалаа.

Нийслэлийн ойг оюунлаг байдлаар тэмдэглэн өнгөрүүллээ

Монгол улсын нийслэл Улаанбаатар хот үүсэн байгуулагдсаны түүхт 384 жилийн ойг тохиолдуулан Хотын стандарт, хяналтын газрын албан хаагчдын дунд Улаанбаатар хотын өмнө тулгамдаж буй асуудал, шийдлийг хэлэлцэх, харилцан туршлага солилцох, албан хаагчдын эрдэм шинжилгээ, судалгааны ажлын чадварыг сайжруулах, санал санаачилгыг дэмжих зорилгоор энэхүү эрдэм шинжилгээний хурлыг зохион байгууллаа. Улс орны тулгамдаж буй асуудлаар цаг үеийн үйл явдалтай холбогдуулан асуудал шийдэл дэвшүүлсэн сонирхолтой сэдвээр болж аравдугаар сарын 30-ны өдөр болж өндөрлөлөө.

Тус Газрын Барилгын стандарт, аюулгүй байдлын хяналтын хэлтсийн Барилга техникийн хяналтын улсын байцаагч Н.Чимэдрэгзэнгийн “Лифтний насжилт, ашиглалтын төлөв байдлын судалгаа” сэдвээр оролцсон илтгэл тэргүүн байр эзэллээ. Удаах байранд Хотын хөгжлийн стандартын хэлтсийн Тогтвортой хотын стандарт хариуцсан мэргэжилтэн М.Амарзаяагийн “Нягтаршил өндөртэй орон сууцны хорооллын стандарт хүртээмжийн судалгаа” сэдвээр Хотын геометр шинж төрх болон бичил уур амьсгалын харилцан хамаарал түүнийг SVF – ын аргачилалаар тодорхойлсон судалгааны илтгэл хоёрдугаар байр эзэллээ. Захиргаа, санхүүгийн хэлтсийн Цахим хөгжүүлэлт хариуцсан ажилтан Б.Батболдын “Газар зүйн мэдээллийн системд суурилсан олон шалгуурт шинжилгээний аргаар үерийн эрсдэлийг тодорхойлох нь” илтгэл гуравдугаар байранд орлоо. Илтгэлд үерийн эрсдэлээс урьдчилан сэргийлэх зорилгоор зураглалыг оновчтой хийх боломжтой талаар дурьдан тооцох арга зүйг судлан гаргасан байна.

Бүх нийтээр мод тарих хөдөлгөөнд оролцлоо

Монгол Улсын Ерөнхийлөгчийн санаачилгаар “Тэрбум мод” үндэсний хөдөлгөөнийг Монгол Улсын Ерөнхийлөгчийн зарлиг, Засгийн газрын 350 дугаар тогтоол, “Алсын хараа-2050” урт хугацааны хөгжлийн бодлого, Улаанбаатар хотын 2040 он хүртэлх хөгжлийн ерөнхий төлөвлөгөөний дагуу уялдуулан нийслэлд хэрэгжүүлэх ерөнхий төлөвлөгөөг баталгаажуулсан.

Хотын стандарт, хяналтын газрын албан хаагчид энэхүү үндэсний хөдөлгөөн, тариалалтын цаг үеийн ажилд оролцсоор байна. Тодруулбал; Хаврын мод тарих “Ногоон хот – Иргэний оролцоо” 2023 аяны хүрээнд тавдугаар сарын 19-ний өдөр Сонгинохайрхан дүүргийн 24-р хорооны Бумбатын булагт хэмээх газарт 2022 онд тарьсан модны арчилгаа, цэнэг усалгаа, нөхөн тариалалт хийсэн.

Намрын мод тарих “Ногоон хот – Иргэний оролцоо” 2023 аяны хүрээнд аравдугаар сарын 15-ны өдөр “Олон Улсын Эко Цэцэрлэгт хүрээлэн” төслийн талбайд 11 ширхэг шар хуайс, 42 ширхэг хайлаас модыг суулгаж, цэнэг усалгааг тохируулан хийж үйл ажиллагааг дэмжин идэвхитэй оролцлоо. Цаашид мод тариад өнгөрөх биш, модны ургалт, арчлалт, хамгаалалтад анхааран ажиллана.

Их засвар, шинэчлэлт, тохижилтын ажлыг ашиглалтад орууллаа

Нийслэл Улаанбаатар хотын хэмжээнд хийгдсэн их засвар, шинэчлэлт, тохижилтын ажлыг стандарт, норм дүрмийн дагуу хүлээн авах комиссын үйл ажиллагааг Хотын стандарт, хяналтын газраас холбогдох хууль, тогтоомжийн хүрээнд зохион байгуулан ажиллаж байна.

Нийслэлийн нутаг дэвсгэрт барилга байгууламжийн Их засвар, шинэчлэлтийн ажлыг ашиглалтад оруулсан талаарх аравдугаар сарын үйл ажиллагааны тайлан мэдээнээс үзвэл батлагдсан хуваарийн дагуу 205 удаагийн комиссын үйл ажиллагааг зохион байгуулж 4 амьдрах орчин сайжруулах тохижилтын ажил, 9 шугам сүлжээний ажил, 29 гадна тохижилтын ажлыг бүрэн хүлээн авсан байна.

Улирлын чанартай дуусгах шаардлагатай засвар,тохижилт, шинэчлэлийн ажлуудыг хүлээн авах комиссын гишүүд 16 байгууллагын төлөөллийн санал, дүгнэлтээр 36 ажлыг хүлээн авч, 11 ажлыг хойшлуулах шийдвэр гарган ажилласан бөгөөд нийт 48 байршилд, үүнээс он дамнасан 22 барилга байгууламжийн их засвар, шинэчлэлт, тохижилтын ажлыг ашиглалтад хүлээн авч комиссын гишүүдийн дүгнэлтээр баталгаажуулан мэргэжлийн чиглэлийн дагуу холбогдох санал дүгнэлт, үүрэг даалгаварын дагуу биелэлтийг дахин хянаж ажиллаж байна.

Тухайлбал Баянгол дүүргийн 1 болон 26 дугаар хороодод, Баянзүрх дүүргийн 11 дүгээр хороо, Сүхбаатар дүүргийн 4 болон 7 дугаар хороодод, Хан-Уул дүүргийн 13 дугаар хороо, Чингэлтэй дүүргийн 6 дугаар хороодод 3х3 сагсан бөмбөгийн талбайн тохижилтын ажлыг 8 байршилд хийж гүйцэтгэснийг ашиглалтад оруулав.

“ХОГОО АНГИЛДАГ ХОТЫН ИРГЭН” өдөрлөг боллоо

Хотын стандарт, хяналтын газар Баянзүрх дүүргийн Засаг даргын тамгын газар болон Нийслэлийн Ерөнхий боловсролын “Уудам Монгол” сургуультай хамтран UCS 1701А:2022 Хог хаягдлыг цуглуулах, ангилах, хадгалах, тээвэрлэх арга зүйн менежмент хотын стандартыг нэвтрүүлэх өдөрлөгийг зохион байгууллаа. Өдөрлөгт тус сургуулийн 1-ээс 4 дүгээр ангийн сурагчид хамрагдаж, хог хэрхэн үүсдэг болон түүнийг зөв ангилан ялгахад ашиглах хотын стандартын талаар суралцаж, дадлагаар мэдлэгээ бататгалаа.

Хотын иргэд бид хог хаягдлаа эх үүсвэр дээр нь ангилан ялгаснаар орчны бохирдлыг бууруулан дахин боловсруулж эдийн засгаа дэмжихэд хувь нэмрээ оруулна.

Хашаа, хайсанд тавих хотын стандарт

Хотын батлагдсан стандартын шаардлагыг мөрдүүлэх ажлыг хэрэгжүүлсэн тухай тайлан мэдээллээс авч үзвэл аравдугаар сарын эхний байдлаар:

Нийслэлийн Засаг даргын 2023 оны “Хууль, журмын хэрэгжилтийг хангуулах талаар авах зарим арга хэмжээний тухай” А/394 дүгээр захирамжийн дагуу энэ онд Нийслэлийн нутаг дэвсгэрийн хэмжээнд газрын зөрчлийг арилгуулах, хууль, журам, стандартыг мөрдүүлэх талаарх байршлын судалгаа жагсаалт батлагдан гарсан. Үүнд:

Баянгол дүүрэгт 38, Баянзүрх дүүрэгт 4, Сүхбаатар дүүрэгт 4 байршил байна.

Үүний дагуу хийгдэх ажлын хүрээнд Хотын стандарт, хяналтын газраас 2023 оны долоодугаар сарын 28-ны өдрийн тоон мэдээллээр нийт 42 байршилд очиж нөхцөл байдалтай танилцан хашаа, хайсны шалгалтыг хийлээ.

Захирамжинд заасан ажлын хүрээнд шалган үзэхэд нийслэлийн тус 3 дүүрэгт стандартын шаардлага хангуулсан байршил 30, стандартын шаардлага хангуулах шаардлагатай 16 байршил байна. Үүнээс дүүрэг тус бүрээр авч үзвэл Баянгол дүүрэгт стандартын шаардлага хангуулсан 27 байршил, стандартын шаардлага хангуулах шаардлагатай 11 байршил, Баянзүрх дүүрэгт стандартын шаардлага хангуулах 4 байршил, Сүхбаатар дүүрэгт стандартын шаардлага хангуулсан 3 байршил, стандартын шаардлага хангуулах шаардлагатай 1 байршил тус тус байна.

Нийслэлийн Иргэдийн төлөөлөгчдын хурлын 2022 оны 03 дугаар сарын 24-ний өдрийн 23 дугаар тогтоолоор батлагдсан “UCS 1410B : 2022 Хашаа, хайс хашлагад тавих ерөнхий шаардлага” хотынн стандартыг газар эзэмшигч, ашиглагч иргэн, аж ахуйн нэгж байгууллагуудад мөрдөж ажиллах зөвлөмж хүргүүлж, орчны аюулгүй байдлыг хангах, талаар үүрэг чиглэл өгсөн бөгөөд цаашид хэрэгжүүлсэн талаар дахин шалган мэдээлнэ.

Авто зам, гүүрэн байгууламжийн хяналт хийлээ

Зам, Тээврийн хөгжлийн яам /ЗТХЯ/ -наас баталсан удирдамжтай холбоотойгоор Хотын стандарт, хяналтын газрын /ХСХГ/ даргын баталсан “Урьдчилан сэргийлэх хяналт шалгалт хийх тухай” удирдамжын дагуу авто зам, явган зам, гүүрэн байгууламжуудыг хамруулсан хамтарсан шалгалтыг есдүгээр сарын 28-ны өдөр хийж дууслаа.

Шалгалтыг ЗТХЯ-ны Авто замын хяналтын Улсын ахлах байцаагч Ш.Гэрэлт-од, Авто замын хяналтын Улсын ахлах байцаагч Ц.Дөлбадрах болон ХСХГ-ын Авто замын хяналтын Улсын ахлах байцаагч Д.Дуламрагчаа, Авто замын хяналтын Улсын ахлах байцаагч В.Мягмар, Авто замын хяналтын Улсын байцаагч И.Ариунболд, Нийслэлийн Замын, Хөгжлийн газрын хяналтын инженер Б.Жаргалдүүрэн нарын бүрэлдэхүүнтэйгээр дараах байршлуудад хэрэгжүүллээ. Үүнд:

1. Туул гол дээрх 391.55 урт/метр, 36.2 урт,метр төмөр бетон гүүрийн барилга угсралтын ажил /Наадамчдын авто замаас Энхтайваны өргөн чөлөө хүртэлх төмөр бетонон хоёр гүүр/
2. Дунд гол дээрх 54.8 урт/метр төмөр бетон гүүрийн барилга угсралтын ажил
3. БЗД, Улиастайн гол дээрх 97 урт/метр төмөр бетон хос гүүр
4. Зайсангийн 225 урт/метр төмөр бетонон гүүрийн барилга угсралт
5. Толгойтын авто замыг ард Аюушийн өргөн чөлөөтэй холбох гүүрэн байгууламж

Төрийн хянан шалгах хуулийн дагуу илэрсэн зөрчилд Авто замын тухай болон бусад холбогдох хууль, тогтоомж тэдгээртэй нийцүүлэн гаргасан журам, норм дүрэм стандартын дагуу хэрэгжилтийг ханган ажиллах талаар тодорхой заасан Улсын байцаагчийн албан шаардлагыг хүргүүллээ. Тухайлбал,

1. Толгойтын авто замыг ард Аюушийн өргөн чөлөөтэй холбох гүүрэн байгууламж, олон түвшний огтлолцлолын 3.2 км хатуу хучилттай авто зам, замын байгууламжийн ажлыг шалгаж, илэрсэн зөрчил дутагдлыг арилгуулахаар гүйцэтгэгч “Монгол зам групп” ХХК-д
2. Наадамчдын авто замаас Энхтайвны өргөн чөлөө хүртэлх авто замын 391.55 у/м гүүрийн барилга угсралтын ажлыг шалгаж, гүйцэтгэгч “Мотор сервис” ХХК -д өглөө. Албан шаардлагын дагуу үүрэг даалгаврын биелэлтийг аравдугаар сарын 25-ны дотор биелүүлсэн байх, тайланг мөн хугацаанд холбогдох төрийн хянан шалгах байгууллагад тайлагнасан байхыг мэдэглээ.

Аравдугаар сарын 10-ны байдлаар Улс, Нийслэл, орон нутгийн хөрөнгө оруулалтаар хийгдсэн барилга байгууламжийн их засвар, шинэчлэлт, тохижилтын нийт 42 ажлыг ашиглалтад хүлээн авсан байна. Үүнд: амьдрах орчныг сайжруулсан тохижилт - 4, шугам сүлжээ - 9, гадна тохижилтын ажил – 29 байна.

Нийслэлийн Засаг даргын нэрэмжит Спортын V наадмын IV дүгээр бүсийн тэмцээнийг ажилттай зохион байгууллаа

Нийслэлийн Засаг даргын нэрэмжит Спортын V наадмын IV дүгээр бүсийн 2023 оны “АВАРГА” шалгаруулах, шилжин явах цомын тэмцээнийг Хотын стандарт, хяналтын газар 2023/09/30 - 10/01 өдрүүдэд Алдар спорт хороонд зохион байгууллаа. Тэмцээний ерөнхий зохион байгуулагчаар тус газрын Дэд бүтцийн хяналтын хэлтсийн Б.Найрамдал даргатай хамт олон ажилласан юм.

Энэ удаагийн тэмцээнд 4 спортын төрөл, 15 нийслэлийн байгууллагын 200 албан хаагчид, хөгжөөн дэмжигчид мэргэжлийн дасгалжуулагч, шүүгч нар оролцож, өргөн хүрээтэй болж өндөрлөлөө.

Тэмцээний шагналт байрууд:

ДАРТС:
Тэргүүн байр - НХААГ
Дэд байр - НХХААГ
Гутгаар байр - НБОГ

АЖЛЫН БАЙРНЫ ДАСГАЛ:
Тэргүүн байр - НХААГ
Дэд байр - НЗХГ
Гутгаар байр - НБОГ

САГСАНБӨМБӨГ:
Эмэгтэй
Тэргүүн байр - НШШГГ
Дэд байр - НОСБГ/НСУГ
Гутгаар байр - НХХААГ

Эрэгтэй
Тэргүүн байр - НХААГ
Дэд байр - ХСХГ
Гутгаар байр - НЗХГ

ГАРБӨМБӨГ:
Эмэгтэй
Тэргүүн байр - НЦХМТГ
Дэд байр - ХСХГ
Гутгаар байр - НШШГГ

Эрэгтэй
Тэргүүн байр - НХААГ
Дэд байр - НШШГГ
Гутгаар байр - НБОГ

Зохион байгуулах комиссоос шилжин явах “ЦОМ” -ыг багийн нийт дүнгээр “Нийслэлийн Худалдан авах ажиллагааны газар” /НХААГ/ хүндэтгэлтэй гардуулан өглөө.

"Иргэдэд ээлтэй стандарт" өдөрлөг боллоо

Монгол Улсад Стандарт, хэмжил зүйн салбар үүсч хөгжсөний 100 жилийн ойн хүрээнд зохион байгуулсан “Иргэдэд ээлтэй стандарт” нэгдсэн уриатай өдөрлөг Сүхбаатарын талбайд боллоо.

Тус өдөрлөгт Хотын стандарт, хяналтын газар иргэд олон нийтэд хотын стандартын тухай мэдлэг мэдээлэл олгох, байгууллагын үйл ажиллагааг сурталчлан таниулах зорилготойгоор оролцсон юм.

Монгол Улсын Засгийн газрын тохируулагч агентлаг Стандарт, хэмжил зүйн газар нь анх 1923 онд Жин хэмжүүрийн товчоо нэртэйгээр байгуулагдсанаас хойш өдгөө үндсэн 8 нэгж, 1 алба мөн орон нутгийн 20 аймагт салбар хэлтэстэй, салбарын хэмжээнд 420 гаруй ажилтан, албан хаагчидтайгаар хөгжлийн олон үеийг туулж ирсэн 100 жилийн түүхтэй юм.

Хотын стандарт, хяналтын газар нь Монгол Улсын Засгийн газрын үйл ажиллагааны хөтөлбөр, нийгэм эдийн засгийн зорилтууд, Нийслэлийн хөгжлийн урт, дунд, богино хугацааны бодлого, Нийслэлийн Засаг даргын үйл ажиллагааны хөтөлбөр, нийслэлийн нийгэм, эдийн засгийн зорилтууд болон Нийслэлийн иргэдийн Төлөөлөгчдийн Хурал, Нийслэлийн Засаг даргаас хотын стандартын тогтолцоог хөгжүүлэх талаар баримтлах бодлого, шийдвэрийн хэрэгжилтийг зохион байгуулах үндсэн чиг үүрэг бүхий Нийслэлийн Засаг даргын хэрэгжүүлэгч агентлаг юм.

Өдөрлөгийн үйл ажиллагаанд 1000 гаруй иргэд, аж ахуйн нэгж хүрэлцэн ирж цахим бүртгэлд хамрагдаж, хотын стандартуудтай танилцаж, Хотын стандартыг батлуулах, хэрэгжилтийг зохион байгуулах журмын төсөлд саналаа өгч, дэмжин оролцсон байна.

Хотын стандартыг хэрэгжүүлэх зарим арга хэмжээний тухай

Нийслэлийн Засаг даргын 2023 оны А/242 дугаар захирамжийн хэрэгжилтийн явц, Нийслэлийн Засаг даргын зөвлөлийн хурлаас гарсан шийдвэрийг танилцуулах, хэрэгжүүлж буй ажлыг эрчимжүүлэх санал солилцох, хотын батлагдсан стандартыг танилцуулах, сурталчлах зорилгоор 2023 оны 9 дүгээр сарын зургааны өдрөөс 14-ний хооронд 6 өдрийн турш ажлын уулзалт зохион байгууллаа.

Ажлын уулзалтад цахимаар Сүхбаатар, Баянзүрх, Баянгол гурван дүүргийн 91 хороодын Засаг дарга нар, Чингэлтэй, Налайх хоёр дүүрэг, 9 хороодын Засаг дарга нар танхимаар оролцлоо. Тодруулбал, НЗД-ийн захирамжийн дагуу байгуулагдсан дэд ажлын хэсгийн 203 албан хаагч хамрагдахаас 158 оролцож, хороодын 100 Засаг дарга нар нийт 258 албан хаагчдын ирц 77.8 %-тай хамрагдлаа.

Уулзалт, арга хэмжээ тус бүрт Хотын стандарт, хяналтын газрын үйл ажиллагааны чиг үүрэг болон хяналт шалгалтын талаарх мэдээллийг дэлгэрэнгүй өгч тайлбар танилцуулга хийлээ. Тус үйл ажиллагааны үр дүнд иргэдээс хандсан өргөдөл, гомдлын шийдвэрлэлтийн чанар сайжирсан байна. Тухайлбал энэ сарын 01 -ний өдрөөс 14 -ний хооронд өргөдөл, гомдлын мэдээлэл нийт 225 бүртгэгдсэн бол 21-ний өдрийн байдлаар чиг үүргийн дагуу 102 бүртгэгдэж 45.3%-иар төөрөгдөл буурсан. Үүнээс үзэхэд нутгийн захиргааны байгууллагуудаар дамжин чиг үүрэгт хамааралгүй өргөдөл, гомдлын мэдээллийн хуваарилалт сайжирч, хугацаа алдагдах байдал буурчээ.

Барилгын суурь ухаад орхигдуулсан жагсаалтын дагуу хяналт шалгалт хийж байна

Цаг үеийн нөхцөл байдалтай уялдуулан гаргасан Нийслэлийн Засаг даргын захирамжийн хүрээнд Хотын стандарт, хяналтын газрын чиг үүргийн дагуу Нийслэлд баригдаж байгаа барилга байгууламж болон дэд бүтцийн барилга байгууламж тэдгээрийн ажлын явцад хяналт шалгалт хийгдэж гарч болзошгүй аюул, ослоос урьдчилан сэргийлэх, орчны аюулгүй байдалд стандарт, норм дүрмийн хэрэгжилтэд хяналт тавьж ажиллах үүрэг өгсөн.

Хотын дарга барилгын суурийн зориулалтаар зөвшөөрөлгүй ухсан бол нүхийг булах, иргэдийн эрүүл, аюулгүй орчинд амьдрах нөхцөлийг бүрдүүлж, цаашид ногоон байгууламж болгоход анхаарах хэрэгтэйг онцлон дурьдсан билээ.

Тухайлбал, А/863 дугаар захирамжийн дагуу Төвийн зургаан дүүргийн хэмжээнд барилгын суурийн нүх ухаад удаан хугацаанд орхигдуулсан 91 байршил дээр хяналт шалгалт хийгдлээ.

Ажлын хэсгийн шалгалтын урьдчилсан бүртгэл мэдээллээр Архитектур төлөвлөлтийн даалгавартай 87, Архитектур төлөвлөлтийн даалгаваргүй 4, Барилгын ажлын зөвшөөрлийн гэрчилгээ олгогдоогүй 56, зөвшөөрлтэй 4, хугацаа дууссан 31, бичиг баримтыг тодруулан шалгах 4, мөн тухайн байршил дээрээ ирээгүй, зөвшөөрөлтэй ч үйл ажиллагаа нь зогссон суурийн байгууламжийн цутгалттай ч дутуу орхигдуулсан зэрэг зөрчлүүд илэрсэн тул холбогдох бусад Төрийн байгууллагууд чиг үүргийн дагуу арга хэмжээ авахаар ажлын хэсгийн дүгнэлт боловсруулагдаж байна.

Улаанбаатарын өнгө төрхийг дордуулж байгаа, Нийслэлийн оршин суугч, иргэдийн эрүүл аюулгүй амьдрах орчинд сөргөөр нөлөөлж байгаа байршлууд дээр Төрийн байгууллагуудын хамтарсан шалгалт хийж стандарт норм дүрмийг мөрдүүлэх, ухсан нүхийг булуулах, орчны аюулгүй байдлыг хангуулах, тохижилт хийх, зэрэг ажлыг эрчимтэй хэрэгжүүлэн ажиллана.

Эрчим хүчний хэмнэлттэй амины орон сууцны стандартын төсөл боловсруулах урилга

Хотын стандартын мобайл аппликейшны системийн шинжилгээ ба дизайн гаргах урилга

Өргөдөл гомдлын шийдвэрлэлтийн мэдээ

Иргэдээс ирсэн өргөдөл, гомдлын тоог авч үзвэл энэ оны эхнээс наймдугаар сарын 08 -ны өдрийн байдлаар чиг үүргийн дагуу нийт 1044 ирсэн байна. Үүнээс хуулийн хугацаандаа шийдвэрлэсэн 901, гомдол мэдээллийн мөрөөр шалгаж байгаа 130, хуульд заасан шийдвэрлэх хугацаа хэтэрсэн боловч шийдвэрлэсэн 13 байгаа тухай мэдээлэл системд бүртгэгдсэн байна.

Тухайн мэдээллийг шийдвэрлэхдээ байгууллагын чиг үүргийн хүрээнд шалтгаан тодорхойлж нөхцөл байдлыг бүх талаас нь нягтлан судалж хууль зүйн үндэслэлтэй, бүрэн барагдуулахад чиглэдэг. Цаашид Төрийн үйлчилгээний чанарыг сайжруулах зорилгод анхааран ажиллаж байна.

Өргөдөл гомдлын агуулгаар тодруулбал “Барилга байгууламжийн аюулгүй байдал алдагдсан тухай, орон сууц тэдгээрийн орчны стандарт шаардлага мөрдөхгүй байгаа талаар мөн түүнчлэн гадна явган замын талбайн эрүүл аюулгүй байх нөхцлийг алдагдуулж байгаа талаар гомдлын мэдээлэл зонхилох хувийг эзэлж байна.

Үүнтэй холбоотойгоор Хотын стандарт, хяналтын газрын голлох үүрэг гүйцэтгэж байгаа 3 хэлтэс бий, түүний нэгдүгээрт “Барилгын стандарт, аюулгүй байдлын хяналтын хэлтэс” -т наймдугаар сарын 8 -ны байдлаар нийт 629 өргөдөл гомдлын мэдээллийг Нийслэлийн үйлчилгээний нэгдсэн төвөөр дамжин хүлээн авч, үүнээс мэдээллийн мөрөөр судлаж байгаа 83, тухайн гомдлыг хуулийн хугацаанд нь шийдвэрлэсэн 511, хуульд заасан хугацаа хэтэрсэн боловч шийдвэрлэсэн 35 байна.

Нийслэлийн Засаг даргаас 2023 оныг “Бизнес эрхлэгчдийг дэмжих” жил болгон зарласантай холбогдуулан Хотын стандарт, хяналтын газрын Улсын /ахлах/ байцаагчийн гаргасан “Хотын стандартыг мөрдүүлэх тухай” зөвлөмжийг иргэд аж ахуйн нэгжүүдэд хүргүүлдэг. Тус зөвлөмжид дурьдснаар “Барилга баригдах ажлын явцад орчны аюулгүй байдлыг хангуулах, болзошгүй аюул, ослоос урьдчилан сэргийлэх, барилгын талбайд хөдөлмөрийн аюулгүй байдлыг хангаж ажиллах, барилгын хог хаягдлын менежмент хотын стандартыг хэрэгжүүлэх, иргэд, олон нийтийн зорчих хэсгийн зам талбайн стандартын шаардлагыг биелүүлэн ажиллахыг тусгасан байдаг.

Хяналт шалгалт хийлээ

Нийслэлийн Засаг даргын А/863 дугаар захирамжийн дагуу барилгын суурийн нүх ухаад удаан хугацаагаар орхигдуулсан байршлын судалгаа дүүрэг бүрт гарсан.

Тухайлбал Хан-Уул дүүрэгт 27-н байршил дээр хяналт шалгалт хийгдлээ. Шалгалтыг Нийслэлийн Хөдөлмөр халамж үйлчилгээний газар, Нийслэлийн Хотын стандарт, хяналтын газар, Хан-Уул дүүргийн Засаг даргын Тамгын газар, ХУД, Богдхан уулын дархан цаазат газрын хамгаалалтын захиргаа зэрэг Нийслэлийн Төр захиргааны хяналтын байгууллагууд хамтран ажиллалаа.

Тус шалгалтаар илэрсэн зөрчилд Хотын стандарт, норм дүрмийг хэрэгжүүлэн ажиллах тухай зааварчилгаа ном гарын авлагыг 10 аж ахуйн нэгж байгууллага /ААНБ/ -д, хөдөлмөрийн аюулгүй байдлыг хангаж ажиллахыг даалгасан “Улсын байцаагчийн мэдэгдэл” -ийг 11 ААНБ -д хүргүүллээ.

Бусад 6 обьект дээр эзэн, эзэмшигч нар нь холбогдоогүй бөгөөд тухайн байршил дээрээ ирээгүй тул холбогдох Төрийн байгууллага нь арга хэмжээ авахаар боллоо. Улаанбаатарын өнгө төрхийг гутааж байгаа, Нийслэлийн оршин суугч, иргэдийн эрүүл аюулгүй амьдрах орчинд сөргөөр нөлөөлж байгаа байршлуудыг тодорхойлон арга хэмжээ авч ухсан нүхийг битүүлэх, орчны аюулгүй байдлыг хангуулах зэрэг ажлыг эрчимтэй хэрэгжүүлэн ажиллана.

Магистрал шугамын засварын дараа орчны тохижилтод стандарт, норм дүрмийг хангуулахаар ажиллаж байна

Хотын стандарт, хяналтын газраас шинээр хийгдэж байгаа болон засвартай байгаа магистрал шугамын дагуу хяналт тавин ажиллаж байна.

Эрчим хүчний яамны захиалгаар “Улаанбаатар хотын дулаан хангамжийн үр ашгийг нэмэгдүүлэх төсөл хөтөлбөр” -ийн хүрээнд хийгдэж буй ажлын явцад стандарт, норм дүрмийн хэрэгжилтийг хэрхэн хангаж байгаа дээр Дэд бүтцийн стандарт, хяналтын хэлтсийн эрчим хүчний дулааны хяналтын Улсын ахлах байцаагч Б.Золжаргал, эрчим хүчний дулааны хяналтын Улсын байцаагч Т.Мөнхжаргал, авто замын хяналтын Улсын ахлах байцаагч В.Мягмар, Тээврийн хяналтын Улсын байцаагч У.Энхтөр; Барилгын стандарт, аюулгүй байдлын хяналтын хэлтсийн барилгын техникийн хяналт, ус хангамж ариутгах татуургын Улсын байцаагч Б.Тэмүүлэн нар чиг үүргийн дагуу төрийн хяналт шалгалтыг хэрэгжүүлэн ажиллаж байна.

Тус ажил нь Хан-Уул, Чингэлтэй, Сүхбаатар, Баянгол, Баянзүрх, Сонгино-Хайрхан зэрэг зургаан дүүргийн 9 хорооны нутаг дэвсгэрийг хамарсан 4,8 км урттай 6 магистраль шугамыг өргөтгөн түнель болгон шинэчлэх8 засварлах ажил хийгдэж байгаа юм. Одоогийн байдлаар төслийн үндсэн гүйцэтгэлийн явц график төлөвлөгөөний дагуу 85 хувьтай, тохижилтын ажил эхлээд байгаа.

Магистарл шугамын байгууламжийг булсан хэсэг дээгүүр зөвхөн явган зам, дугуйн зам хийгдэх ёстой үүний дагуу нөхөн сэргээлтийг явган замын стандартын дагуу тохижилтоо хийхийг зөвлөн туслаж ажиллаж байна. Гүйцэтгэгч байгууллагуудад Улсын байцаагчийн аман зөвлөмж өгсөн бөгөөд хууль, эрх зүйн баримт бичгийг албажуулан хүргүүлэхээр ажиллаж байна.

Өвөлжилтийн бэлтгэл ажил хийгдэж байна

Өвөлжилтийн бэлтгэл ажлын хүрээнд Улаанбаатар хотод нийт 25 байршилд төв магистраль 30780 хос.метр шугамыг 19 байгууллага /ААНБ/ солих ажлыг гүйцэтгэж байна.

Дээрхи ажилд Эрчим хүчний яам, Нийслэлийн хөрөнгө оруулалтын газар, Улаанбаатар дулааны сүлжээ ТӨХК -иуд захиалагчийн хяналтыг тавьж, Хотын стандарт, хяналтын газраас төрийн хянан шалгах чиг үүргийнхээ хүрээнд стандарт нормын хэрэгжилтэд хяналт тавьж ажиллаж байна.

Үүнээс шинэчлэн угсарч буй дулааны хангамжийн 5130 хос.метр шугамын ажлыг 5 байршилд хугацаандаа гүйцэтгэж байна.Тодруулвал:

1. Баянзүрх дүүргийн 22-р хороо, Цэргийн эмнэлгийн урдуур байршилд ЖМДМ ХХК -ний гүйцэтгэж буй Дулаан хангамжийн 12г гол шугам ДХ1280-р цэгээс ДХ1286 цэг хүртэл 2ф500мм голчтой шугамыг 2ф800мм –ийн голчтой болгон 375 хос.м өргөлтгөн шинэчлэх ажил 80% -тай хийгдэж байна.
2. Баянгол дүүргийн 20-р хороо, Дэвшил ХХК-аас Монос уулзвар хүртэлх байршилд МЭЗ ХХК -ний гүйцэтгэж буй 9аб магистраль И3918-р цэгээс ДХ-935 (48-р цэг)-р цэг хүртэлх 2Ф400/500мм -ийн голчтой шугамыг 2Ф700мм -ийн голчтой болгож 1700хос.м өргөтгөн шинэчлэх ажил 60% -тай хийгдэж байна.
3. Сонгинохайрхан дүүргийн Мах импексээс Чингис Соосэ оюутны байр хүртэлх байршилд Такаанар ХХК, Билгүүн-Од ХХК -ний гүйцэтгэж буй УБДС ТӨХК-ийн 9ж магистраль ДХ994 дүгээр цэгээс ДХ9107 дугаар цэг хуртэл 2Ф250/300мм-ийн голчтой шугамыг 2Ф400мм-ийн голчтой болгож 655.3 хос.м өргөтгөн шинэчлэх ажил 80% -тай явагдаж байна.
4. Чингэлтэй дүүргийн 4-р хороо, Бага тойрогт Хангилцаг ХХК-ний гүйцэтгэж буй Дулааны 4б магистраль, ДХ-408 цэгээс ДХ221 цэг хуртэлх 2Ф250/350мм-ийн голчтой 2.4 км шугамыг 2Ф400 мм болгон өргөтгөж, сувагт оруулан шинэчлэх ажил 80% -тай хийгдэж байна.
5. Чингэлтэй дүүргийн 4-р хороо, Бага тойргийн байршилд Есөн талст оргил ХХК -ний гүйцэтгэж буй Дулааны 4а магистраль , ДХ-408 цэгээс ДХ221 цэг хүртэлх 2Ф250/350мм -ийн голчтой 2.4 км шугамыг 2Ф400мм болгон өргөтгөж сувагт оруулан шинэчлэх ажил 80% -тай хийгдэж байна.

Хяналт шалгалтаар дулааны шугамын хамгаалалтын зурвас дотор “Улаанбаатар Цахилгаан түгээх сүлжээ ТӨХК” нь цахилгааны кабель шугамын угсралт хийж байсан ноцтой зөрчил илэрч улсын байцаагчийн мэдэгдэл, мөн “Шугам сүлжээний угсралтын үеийн аюулгүй ажиллагааг хангах тухай” Улсын байцаагчийн зөвлөмжийг 6 ААНБ-уудад хүргүүлээд байна.

Баянзүрх дүүргийн 22-р хороо, Цэргийн эмнэлгийн урдуур байршилд ЖМДМ ХХК -ний гүйцэтгэж буй байршилд Дулааны шугамын хамгаалалтын зурвас дотор “Улаанбаатар Цахилгаан түгээх сүлжээ ТӨХК” нь цахилгааны кабель шугамын угсралт хийж байсан ноцтой зөрчил илэрлээ.

Үүрэг даалгавраа биелүүлжээ

Хотын стандартын талаар Иргэд, олон нийтийн мэдлэг ойлголтыг нэмэгдүүлэх, сурталчлан таниулах, хэрэгжүүлэх ажлын хүрээнд хотын батлагдсан стандартын чиглэлээр сургалтыг үе шаттайгаар зохион байгуулж байна.

Сургалтын дараа Нийслэлийн нутаг дэвсгэрт үйл ажиллагаа эрхлэн явуулж буй худалдаа, үйлчилгээний байгууллагуудын гадна орчны байдалд хяналт, шалгалтын ажил явуулсан.

Төрийн хянан, шалгах байгууллага болон 9 дүүргийн тухайн асуудал хариуцсан мэргэжилтэн, албаны хүмүүстэй хамтарсан хяналт шалгалтын явцад гадна орчин болон дотоод зохион байгуулалтын нөхцөл байдлыг сайжруулах, хотын батлагдсан стандартыг хэрэгжүүлэх зорилготойгоор нөхцөл байдал дээр нь арга зүйн зөвлөгөө өгч, эрүүл, аюулгүй орчныг хэрхэн бүрдүүлэ, хотын стандартын шаардлагыг хэрэгжүүлэх тал дээр зөвлөн туслах ажил хэрэгжүүллээ.

Тухайлбал Баянзүрх, Баянгол дүүрэгт үйл ажиллагаа явуулж буй худалдаа, үйлчилгээний нийт 70 гаруй аж ахуйн нэгж байгууллагыг шалгалтад хамруулсан байна.

Шалгалтаар илэрсэн зөрчил, алдаа дутагдлыг засаж сайжруулах талаар заавар өгч холбогдох Хотын стандартад хэрхэн нийцүүлэн хэрэгжүүлэх, эрүүл аюулгүй орчныг бүрдүүлэх талаар арга зүйгээр ханган зөвлөгөө өгч ажилласан байна.

2023 оны 05 дугаар сарын 10 -ний өдрийн байдлаар Төрийн байгууллагаас өгсөн үүрэг даалгаврыг хэд хэдэн байгууллага цаг хугацаанд нь биелүүлж стандартын шаардлагыг хэрэгжүүлэн ажилласан байна.

Тухайлбал “Монгол Шилтгээн” ХК болон “Цэцэг” зочид буудлын гадна болон доторх зохион байгуулалтад гарсан зөрчил дээр засаж сайжруулах үүрэг өгсөний дагуу цаг хугацаанд нь хэрэгжилтийг хангасан тул онцлон дурьдаж байна.

Хотын стандартыг хэрэгжүүлэх сургалтыг зохион байгуулж байна

Хотын стандартын талаар Иргэд, олон нийтийн мэдлэг ойлголтыг нэмэгдүүлэх, сурталчлан таниулах ажлын хүрээнд хотын батлагдсан стандартын чиглэлээр сургалтын ажлыг үе шаттайгаар зохион байгуулж байна.

Улаанбаатар хотын нутаг дэвсгэрт үйл ажиллагаа эрхлэн явуулж буй Худалдаа, Үйлчилгээний байгууллага тэдгээрийн гадна орчныг сайжруулах, эрүүл аюулгүй орчныг бүрдүүлэх, ажлыг эрчимжүүлэх ажлын хүрээнд холбогдох хотын стандартын сургалтыг хэрэгжүүлэхээр ажиллаж байна.

2023 оны 06 дугаар сарын 30 байдлаар Нийслэлийн 9 дүүргийн худалдаа, үйлчилгээ эрхлэгч иргэн, аж ахуйн нэгж байгууллагын нийт 1200 гаруй төлөөлөлийг хамруулсан байна. Сургалтыг дараах агуулгаар зохион байгуулж байна. Үүнд:

1. Худалдаа, үйлчилгээний газрын гадна орчны ерөнхий шаардлага
2. Худалдаа, үйлчилгээний газрын гадна сурталчилгааны байгууламжид тавих ерөнхий шаардлага
3. Амралтын газар, жуулчны баазын гадна болон дотор орчны тохижилт, зохион байгуулалтад тавих ерөнхий шаардлага
4. Хог хаягдлыг цуглуулах, ангилах, хадгалах, тээвэрлэх арга зүйн менежмент

Сургалтаар дамжуулан цаашид худалдаа, үйлчилгээний газарт хотын стандартыг бүх шатандаа хэрэгжүүлэх, заавал дагаж мөрдөнө гэдэгт анхаарлаа хандуулах, дагаж мөрдөх шаардлагатай байгаа юм.

Гурван талт гэрээнд гарын үсэг зурах ёслол боллоо

Япон Улсын Засгийн газрын санхүүжилтээр хэрэгждэг Монгол Улсын төрийн албаны хүний нөөцийг дэмжих JDS тэтгэлэгт хөтөлбөрийн 22 дахь удаагийн хамтын ажиллагааны гурван талт гэрээнд гарын үсэг зурах ёслолыг Боловсрол, шинжлэх ухааны яам, Төрийн албаны зөвлөлөөс зохион байгуулав.

Энэхүү тэтгэлэг хөтөлбөрийн 2022 оны доктор зэрэг горилох шалгаруулалтад Хотын стандарт, хяналтын газрын Хотын хөгжлийн стандартын хэлтсийн дарга Б.Ариунтуяа тэнцэж Хирошимагийн Их Сургуульд суралцах болсон бөгөөд Тогтвортой хотын хөгжлийн чиглэлээр эрдэм шинжилгээний ажил хийх юм.

Ёслолын ажиллагаанд Монгол Улсын Төрийн албаны зөвлөлийн гишүүд, Монгол Улсын Их хурлын тамгын газар, Санхүүгийн зохицуулах хороо, Үндэсний статистикийн хороо, Монгол Банк, Зам тээвэр хөгжлийн яам, Онцгой байдлын ерөнхий газар, Газар зохион байгуулалт, геодези, зураг зүйн газар, Говь-Алтай аймгийн Төрийн аудитын газар болон Хотын стандарт хяналтын газар, Хот байгуулалт хөгжлийн газрын удирдлагууд, Япон Улсаас Монгол Улсад суугаа Элчин сайдын яамны элчин зөвлөх, Японы хамтын ажиллагааны “Жайка” байгууллагын Монгол дахь төлөөлөгчийн газрын дэд дарга, JDS тэтгэлэгт хөтөлбөрийн удирдах зөвлөлийн гишүүд, 2022 оны тэтгэлэгт хөтөлбөрт шалгарсан 16 төрийн албан хаагч оролцлоо.

Тэтгэлэгт хөтөлбөрт шалгарсан төрийн албан хаагч, түүний ажиллаж байгаа төрийн байгууллагын эрх үүргийг тодорхойлж, JDS хөтөлбөрийн зүгээс сургалтын үйл ажиллагааг санхүүжүүлж, хяналт тавихаар харилцан зөвшөөрсөн гурван талт гэрээнд гарын үсэг зурсан юм.

Оролцогсдод хандан JDS тэтгэлэгт хөтөлбөрийн мөн чанар, хүний хөгжлийг дэмжих зорилго, Монгол Улсын хөгжил дэвшилд оруулах хувь нэмрийг үнэлж Монгол Улсын Төрийн албаны зөвлөлийн гишүүн С.Цэдэндамба, Япон Улсаас Монгол Улсад суугаа Элчин сайдын яамны элчин зөвлөх Кикүма Шигэрү, “Жайка” байгууллагын Монгол дахь төлөөлөгчийн газрын дэд дарга Ёшимүра Токүжи нар үг хэллээ.

Монгол улсад “Хүний нөөцийг хөгжүүлэх JDS тэтгэлэгт хөтөлбөр” хэрэгжиж эхэлснээс хойших 21 жилд төрийн болон хувийн хэвшлийн 400 албан хаагчийг Японы их, дээд сургуульд магистр, докторын хөтөлбөрт сургаж, манай улсын хөгжил дэвшилд хувь нэмэр оруулсан байна.

Зөвшөөрөлгүй 107 блок барилга байна

2023/06/23 -ны өдрийн Нийслэлийн Засаг даргын зөвлөлийн хурлаар Улаанбаатар хотын нутаг дэвсгэрт зөвшөөрөлгүй баригдсан барилгуудын шалгалтын дүн мэдээг танилцууллаа.

Хотын стандарт, хяналтын газрын дарга С.Төмөрдулам:
Уг шалгалтаар холбогдох эрх бүхий байгууллагаас барилгын ажлын зөвшөөрөл авалгүй барилга угсралтын ажил эхлүүлсэн болон барьж гүйцэтгэсэн иргэн, хуулийн этгээдүүдэд цаашид авах арга хэмжээний тухай мөн тодорхой дурьдлаа.
Танилцуулгад дурьдсанаар Нийслэлийн хэмжээнд эрх бүхий байгууллагын зөвшөөрөлгүй барилга угсралтын ажил эхлүүлсэн 50 иргэн, хуулийн этгээдийн 107 блок барилга байна. Тэдгээрээс 49 нь газрын гэрчилгээтэй, бол нэгийнх нь газрын гэрчилгээг цуцалжээ. Дээрх 107 блок барилгыг дөрөв ангилсан. Үүнд:

Нэгдүгээрт, барилга байгууламжийн баримт бичгийн шаардлагад нийцээгүй 17 иргэн, аж ахуйн нэгжийн 31 блок барилга байна.
Хоёрдугаарт, онцгой төвөгшилтэй буюу 17 давхар буюу 51 метрээс дээш өндөртэй барьж байгаа гурван аж ахуйн нэгжийн 18 блок барилгыг Барилга Хот байгуулалтын яам руу албан хүсэлтээр шилжүүлж, шийдвэрлүүлэх саналтай байгаа юм.
Гуравдугаарт, барилгын ажил эхлүүлэх зөвшөөрлөө аваагүй, барилга угсралтын ажил үргэлжилж байгаа 21 аж ахуйн нэгжийн 48 блок барилга байна.
Дөрөвдүгээрт, барилга угсралтын ажил дуусаад, ашиглаж байгаа есөн аж ахуйн нэгжийн 10 блок барилга байгаа тул барилгын хийц, бүтээц, бат бэхийн байдалд шинжилгээ хийж чанар, аюулгүй байдалд дүгнэлт гаргуулж, шийдвэр гаргуулах саналтай байлаа.

Нийслэлийн Засаг дарга бөгөөд Улаанбаатар хотын Захирагчийн Барилга, хот байгуулалт хариуцсан зөвлөх Б.Сүхбаатар:
“Зөвшөөрөлгүй барилга барьж, ашиглалтад оруулаад, дараа нь зөвшөөрөл авдгийг болиулах хэрэгтэй. Ийм байгууллагуудыг торгодог, барилгыг нь нураадаг хууль, эрх зүйн хатуу зохицуулалт шаардлагатай байна” хэмээлээ.

Зөвлөлийн хурлаас тэмдэглэл гарч, холбогдох хууль, тогтоомж, барилгын норм ба дүрмийг зөрчиж барьсан иргэн, хуулийн этгээдийн барилга, байгууламжийг албадан буулгах арга хэмжээний талаар зохих хууль, тогтоомжийн хүрээнд шийдвэр гаргуулж, хэрэгжилтийг хангуулахыг холбогдох албан тушаалтнуудад үүрэг болгов.

MACE MONGOLIA-2023 ULAANBAATAR зохион байгуулагдлаа

2023-06-22: Энэ жилийн олон улсын техникийн уулзалт, арга хэмжээнд Хотын стандарт, хяналтын газрын Барилгын ашиглалт бүртгэлийн хэлтэс болон, Барилгын стандарт аюулгүй байдлын хяналтын хэлтсийн Улсын байцаагч нар оролцлоо.

“Монголын барилгын инженерүүдийн холбоо ТББ” -аас зохион байгуулж буй “Барилга байгууламжийн газар хөдлөлтийн тэсвэрлэлтийг үнэлэх ба хүчитгэх” олон улсын техникийн семинар:
- ”Япон дахь барилга байгууламжийг бэхжүүлэх, түүнийг Монголд хэрэглэх”
- ”Өрөгт ханыг модон ханаар хүчитгэх аргын нөлөө”
- ”Тайван дахь одоо байгаа барилгуудын газар хөдлөлтийн үнэлгээ ба хүчитгэлийн өнөөгийн технологи”
- ”Хурдны зам, гүүрийн байгууламжийн газар хөдлөлт тэсвэрлэлтийг сайжруулах арга технологи”
- ”Монгол орон дахь газар хөдлөлтийн идэвхтэй бүс, газрын хагарал болон газар хөдлөлтийн эрсдэлийн үнэлгээ”
- ”Дотоод урьдчилсан хүчитгэлтэй төмөр бетон дам нурууны цуцалтын туршилт ба төгсгөлөг элементийн анализ” тус тус сэдвийн хүрээнд боллоо.

2023-06-22: Энэ өдөр “Барилгын салбарын ил тод байдал: Авлигаас сэргийлэх нь. Олон улсын туршлага” сэдэвт дугуй ширээний ярилцлага боллоо. Барилгын инженерийн ил тод байдал - Авилгын эсрэг олон улсын жишээ арга, туршлага, судалгааны чиглэлээр өргөн цар хүрээг хамруулсан. өнөөгийн нөхцөлд ач холбогдол бүхий маш хэрэгцээт мэдээлэл солилцож үр дүнтэй 2 өдөр 2 арга хэмжээ өрнөлөө.

Хүүхдийг тоглоомын талбайд аюулгүй тоглуулъя

Нийслэлийн Засаг даргын “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” А/242 дугаар захирамжийг хэрэгжүүлэх ажлын хүрээнд Хотын стандарт, хяналтын газрын даргын “Стандартын шаардлага хангахгүй эрсдэлтэй хүүхдийн тоглоомын талбайд урьдчилсан сэргийлэх хяналт шалгалт хийх тухай” батлагдсан удирдамжийн дагуу Улаанбаатар хотын 6 дүүргийн 36 хорооны 240 хүүхдийн тоглоомын талбайд холбогдох стандартуудыг хэрхэн мөрдүүлж байгаа талаар хяналт шалгалт явууллаа. Шалгалтаар хүүхдийн тоглоомын талбайг эзэмшигч, ашиглагч байгууллагууд тогтмол засвар үйлчилгээг хийгдэггүй, улирлын онцлогоос шалтгаалан тоглоомууд бохирдсон, тортог суусан, орчны хөрс бохирдолтой, зарим эд зүйлс эвдэрсэн доорх нийтлэг зөрчил илэрсэн байна. Үүнд:

- Тоглоомын талбайг насны ангиллаар төрөлжүүлээгүй,
- Авто замын хэсгээс 6 метр түүнээс бага зайд байгуулсан,
- Хурд сааруулагчгүй,
- Эвдэрсэн тоглоомд анхааруулах санамж, тэмдэг байрлуулаагүй,
- Аюул учруулахуйц ирмэгтэй хэсэгтэй,
- Тоног төхөөрөмж эвдэрч хуучирсан,
- Бэхэлгээ байхгүй,
- Арчилгаа цэвэрлэгээг тогтмол хийдэггүй зэрэг нийт 3385 зөрчил тоологдлоо.

Эрүүл, аюулгүй орчин бүрдүүлэх нь *Хүүхдийг гадаа задгай орчинд тоглоомын талбайд тоглуулах хүүхдийнхээ энергийг зөв зарцуулах, задгай агаарт бусад хүүхдүүдтэй тоглох сайхан боломжыг олгодог. Тоглох нь хүүхдийн хөгжилд чухал нөлөө үзүүлдэг бөгөөд тоглоомын талбайд хүүхдийн бие бялдар хөгжиж, асуудлыг шийдвэрлэх чадварыг суулгах, юмны эв дүй олох зорилготойгоор дүүжин, гулсуур, авирах тоглоом гэх мэт төрөл бүрийн тоглоом байрлуулдаг. Хүүхэд тоглоомын талбайд бусад хүүхдүүдтэй хамт гүйх, тоглохоос эхлээд янз бүрийн хөгжилтэй зүйл хийж хөгжилдөж, нийгмийн харилцаанд орж харилцаа үүсгэх чадвар суух зэрэг нэлээн ач холбогдолтой юм. Нөгөө талаараа гэмтэж бэртэх аюул өндөр байдаг. Ихэнх тохиолдолд эвдэрсэн тоглоом дээр тоглосон, тоглоомыг зориулалтынх нь дагуу ашиглаагүй мөн эцэг эхийн хараа хяналтгүй байдлаас болж хүүхдүүд их гэмтэж бэртэх тохиолдол гардаг байна. Тоглоомын талбайд тоглож байгаад гэмтсэн ихэнх тохиолдлын дийлэнх нь жижиг шарх, зүсэгдэл байдаг ч гэлээ аюултай үед яс хугарах, шүдээ гэмтээх, толгойгоо доргиох хөдөлгөх гэх мэт илүү хүнд бэртэл авах боломжтой байдаг. Харин эцэг эхчүүд та бүхэн аюулгүй тоглох, хүүхдийнхээ тоглоомын талбайд гэмтэж бэртэх эрсдлийг өөрсдөө бууруулж чадна.

Эмнэлгийн хүчилтөрөгчийн хийн баллонд анхаарал хандуулна

Сүүлийн жилүүдэд хийгдсэн судалгаагаар эрүүл мэндийн салбарын байгууллагын барилгад өргөтгөл засварын ажил ихээхэн хийгдэж байгаа ч эмнэлгийн хүчилтөрөгчийн хийн хангамжийн нэгдсэн системийг орхигдуулж байна.

Эрүүл мэндийн салбарт ашиглагдаж байгаа эмнэлгийн хүчилтөрөгчийн хийн хангамжийн системийн чанар харилцан адилгүй байна. Тийм учраас болзошгүй эрсдэл, аюул ослоос урьдчилан сэргийлэх, техникийн бүрэн бүтэн байдлыг хангуулах, аюулгүй ажиллагааны дүрмийг мөрдүүлэх талаар хяналт, хариуцлагыг дээшлүүлэх зайлшгүй биелүүлэх шаардлага урган гарч ирж байна.

Иймд Хотын стандарт, хяналтын газраас “Даралтат савыг төхөөрөмжлөх, аюулгүй ашиглах дүрэм” -ийг танилцуулах танхимийн сургалтыг энэ сарын 14 -ний өдөр Гранд мед эмнэлэгтэй хамтран 24 байгууллагын эмнэлгийн техникийн ажилтнуудад зориулан зохион байгууллаа.

Тус сургалтын зорилго нь эмнэлгийн салбарын байгууллагуудын хүчилтөрөгчийн хийн хангамж тусгай хэрэгсэлийн хэрэглээ, ашиглалтын явцад анхаарах асуудлаар мэргэжил арга зүйн зөвлөгөө өгөх юм. Үүнд:

- Баллонт тоног төхөөрөмжийг хүлээн авах, шилжүүлэх ажиллагаанд анхаарах асуудал
- Даралтат савны бүрэн бүтэн байдал
- Баллонт тоног төхөөрөмжийн ашиглалт
- Аюулгүй ажиллагааг хангуулах
- Хүчилтөрөгчийн хийн хангамжийн тоног төхөөрөмжийн ажиллагаа

Холбогдох дүрмийн мэдээллийг доорхи линкээр авна уу

ЛИНК: "https://shorturl.at/hENY8"

Дүрмийн дагуу “Даралтат сав, түүний хэсгүүдийн /үүнд сэлбэг хэрэгсэл ч хамаарна/ зураг төсөл болон мөн тэдгээрийн угсралт, шинэчлэлтийн зураг төслийг мэргэжлийн байгууллага гүйцэтгэх ёстой” юм.

Барилга болон дэд бүтцийн чиглэлээр төлөвлөгөөт бус хяналт шалгалтын ажил хийгдлээ

Барилга, дэд бүтцийн асуудлаар иргэд, аж ахуйн нэгж байгууллагаас ирүүлсэн өргөдөл гомдлын дагуу төлөвлөгөөт бус хяналт шалгалтыг Газрын даргын баталсан төлөвлөгөөт бус хяналт шалгалт хийх тухай удирдамжийн дагуу ажил зохион байгуулдаг. Хотын стандарт, хяналтын газарт хаяглан ирсэн 149 өргөдөл, гомдлыг хуулийн хугацаанд нь бүрэн шийдвэрлэсэн байна. Хяналт шалгалтын хүрээнд иргэд, аж ахуй нэгжээс ирүүлсэн зөрчлийн шинжтэй гомдол, мэдээллийн дагуу нийт 9 зөрчил шалган шийдвэрлэх ажиллагааг явуулж, Улсын /ахлах/ байцаагчийн албан шаардлага - 62, дүгнэлт - 27, зөвлөмж - 11 судлан гаргаж мөн хэрэгжүүлсэн эсэхэд хяналт тавин ажиллаж байна.

Тавдугаар сарын 31- ний байдлаар өргөдөл, гомдлын тоо нийт – 618 ирснээс хугацаандаа шийдвэрлэсэн – 472, судлагдаж байгаа - 140, хугацаа хэтэрсэн зөрчил тооцох – 6 байна.

"ШИЛ" ажиллагааны хэрэгжилтийг ханган ажиллалаа

Монгол улсын Ерөнхий сайдын 2023 оны 04 дүгээр сарын 01 дүгээр албан даалгавар комиссын дүгнэлтийн мэдээллийг нийтэд ил тод болгох “Шил” ажиллагааны хэрэгжилтийг эрчимжүүлэхтэй холбоотойгоор 2020 оны наймдугаар сарын 10 -ний өдрөөс хойш ашиглалтад орсон барилга байгууламжийн комиссын дүгнэлт 727 болон барилгын “Комиссын гишүүдийн үүрэг даалгаврын биелэлтийн хуудас” 361 архивын баримтаар нэгтгэн https://shilen.gov.mn/ сайтад байршуулахаар тавдугаар сарын 31-ний өдөр Цахим хөгжил, харилцаа холбооны яаманд хүлээлгэн өглөө.

Барилга байгууламжийг байнгын ашиглалтад оруулах комиссын үйл ажиллагааг хууль журмын дагуу зохион байгуулж байна

Барилга байгууламжийг байнгын ашиглалтад оруулах комиссын үйл ажиллагааг хуваарийн дагуу тасралтгүй зохион байгуулж байна. Төрийн үйлчилгээний service.emongolia.mn цахим системээр бүртгэгдсэн барилга байгууламж ашиглалтад оруулах комисс ажиллуулах 102 хүсэлт бүртгэгдсэн. Үүнээс баримт бичгийн бүрдэл, барилгын ажлын гүйцэтгэл дутуу тул шалтгааныг дурдаж 34 хүсэлтийг татгалзаж, 68 хүсэлтийг комиссын хуваарьт орууллаа.

Нийслэлийн хэмжээнд баригдаж дууссан барилга байгууламжийг ашиглалтад оруулах комиссын 5 удаагийн хуваарь батлагдаж нийт 79 байршилд, барилга байгууламжийн их засвар, шинэчлэлтийн ажлыг ашиглалтад оруулах 3 удаагийн хуваарьт 21 байршилд тус тус комиссын бүрэлдэхүүн ажиллаа. Үүнээс 05 дугаар сарын 26 - ний өдрийн байдлаар барилга байгууламж - 12, эрчим хүчний барилга байгууламж - 26, их засвар шинэчлэлтэд - 11, тохижилтын ажлыг ашиглалтад оруулах комиссын дүгнэлтийг тус тус баталгаажуулан ажилласан байна.

Хүүхдийн тоглоомын талбайг стандарт шаардлагад нийцүүлэхээр ажиллаж байна

Хотын стандарт, хяналтын газрын даргын баталсан “Стандартын шаардлага хангахгүй эрсдэлтэй хүүхдийн тоглоомын талбайд урьдчилан сэргийлэх хяналт шалгалт хийх тухай” удирдамжийн дагуу хийгдсэн хяналт шалгалтын ажлын явц, үр дүнгийн талаар эрсдэлийг үнэлэн, илэрсэн зөрчил дутагдлыг арилгуулах, орчны аюулгүй байдлыг бүрдүүлэх зорилгоор 33 Улсын /ахлах/ байцаагчийн шалгалтын үр дүнд 9 дүүргийн хэмжээнд нийтийн эзэмшлийн талбай, орон сууцны барилга, хотхон болон гэр хорооллын гудамжинд байрлах хүүхдийн тоглоомын талбайн өнөөгийн байдал дээр хяналт шалгалт хийн ажиллаж байна.

Энэ хугацаанд 474 тоглоомын талбайд судалгаа хийснээс онцлон 380 хүүхдийн тоглоомын талбайг хамруулан шалгаж Улсын /ахлах/ байцаагчийн эрхийн дагуу орчны аюулгүй байдлыг бүрдүүлэх, хотын стандартыг хэрэгжүүлэх зөвлөмжийг газар дээр нь ажиллаж заавар зөвлөгөө өгөн ажиллаа. Шалгалтын дүнг 2023 оны зургаа дугаар сарын 15- ний өдрийн дотор нэгтгэж, тус Газрын даргын зөвлөлийн хурлаар хэлэлцүүлж холбогдох шийдвэрийг гаргуулахаар ажиллаж байна.

Барилга, хот байгуулалтын яамтай хамтарсан шалгалт хийлээ

Барилга, хот байгуулалтын яамны Салбарын хяналтын газрын даргын баталсан урьдчилан сэргийлэх хяналт шалгалт хийх удирдамжийн дагуу дараах 4 хяналт шалгалтын ажлыг зохион байгуулж ажиллаа. Үүнд:

- Нийслэлийн төсвийн хөрөнгө оруулалтаар хийгдэж буй сургууль, цэцэрлэгийн барилгын явц, чанар, гүйцэтгэлд хяналт шалгалт хийлээ. Шалгалтаар сургуулийн барилга - 10, цэцэрлэгийн барилга - 11, спорт заал, үзвэр үйлчилгээний барилга - 7 нийт 28 объект -ийг хамруулан холбогдох зөвлөмжийг хүргүүлэн бүртгэл судалгааг хийн ажиллаж байна.

- Нийслэлийн хэмжээнд ашиглагдаж буй орон сууц, иргэний барилга байгууламж, тэдгээрт инженерийн шугам сүлжээ, өргөх тээвэрлэх байгууламжийн ашиглалт, эдэлгээ -ний аюулгүй байдалд урьдчилан сэргийлэх, хяналт шалгалтыг эхлүүлсэн. Тус хамтарсан ажлын хүрээнд 9 дүүргийн Засаг дарга нарт 2023 оны 04 дүгээр сарын 21-ний өдрийн “Судалгаа ирүүлж, хамтран ажиллах тухай” албан санал илгээж, суурь судалгааг Барилгын стандарт, хяналтын хэлтэст нэгтгэх ажил 50 хувьтай явж байна.
Суурь судалгаа авснаар барилга, барилгын материалын үйлдвэрлэл, барилга байгууламж, инженерийн шугам сүлжээний зураг төсөл, газар хөдлөлт, өргөх байгууламж, барилга байгууламжийн ашиглалт, хөдөлмөрийн аюулгүй байдал, эрүүл ахуйн бодлого боловсруулах, хэрэгжилтэд тогтмол хяналт тавьж хэвшүүлэх зорилготой юм.

- Барилгын арматур импортлогч, үйлдвэрлэгч 20 аж ахуйн нэгж байгууллагад хяналт шалгалт хийж, тухайн материалаас дээж авч итгэмжлэгдсэн лабораторид шинжлүүлэхэд стандартад нийцээгүй материал болох нь тогтоогдсон тул 960 тонн арматурыг дахин боловсруулахаар үйлдвэрт буцаан татуулах тухай Улсын байцаагчийн албан даалгавар хүргүүлж, хэрэгжилтэд хяналт тавьж байна. Хяналт шалгалтын явцад тохирлын гэрчилгээгүй аж ахуйн нэгж байгууллагуудад Улсын байцаагчийн 8 албан шаардлага хүргүүлж, “Барилгын материал үйлдвэрлэх” тусгай зөвшөөрөлгүй /ТЗ/, стандартын шаардлага хангаагүй арматур үйлдвэрлэсэн, тохирлын гэрчилгээгүй бараа бүтээгдэхүүн борлуулсан зэрэг 7 байгууллагад зөрчлийн хэрэг бүртгэлийн үйл ажиллагаа явуулж байна.

- Нийслэлийн хэмжээнд байрлах шинээр баригдсан болон ашиглагдаж буй үерийн далан сувгийн судалгааны мэдээллийг албажуулахаар ажиллаж байна. Ирүүлсэн судалгаанд үндэслэн хяналт шалгалтыг цаашид үргэлжлүүлэн зохион байгуулна.

Хотын стандартын хэрэгжилтийг хангуулан ажиллаж байна

Нийслэлийн Засаг даргын “Хууль, стандарт, норм дүрмийн хэрэгжилтийг хангуулах” A/242 дугаар захирамжийн хүрээнд хотын стандартын тогтолцоо, ач холбогдол, үр нөлөөг танилцуулах, дагаж мөрдүүлэх чиглэлээр сургалт арга зүйгээр хангах, хяналт шалгалт хийх, зөвлөн туслах, улсын байцаагчийн мэдэгдэл, шаардлага хүргүүлэх зэрэг ажлыг зохион байгуулан ажиллаж байна.

Одоогийн байдлаар нийслэлийн хэмжээнд нийт 580 гаруй иргэн, аж ахуйн нэгж байгууллагыг стандартын сэдэвчилсэн сургалтад хамруулсан байна. Мөн Барилга хот байгуулалтын яам, Нийслэлийн Газрын алба, Хот байгуулалт хөгжлийн газар, дүүрэг, хороодын Засаг даргын Тамгын газрын хамтарсан ажлын хэсэг нийт 311 хүний бүрэлдэхүүнтэй хяналт шалгалтын ажлыг хийсэн. Хяналт шалгалтаар барилга угсралт, замын ажил болон барилгын материалын үйлдвэрлэл, барилга байгууламжийн засвар, шинэчлэлтийн ажлыг гүйцэтгэж байгаа иргэн, аж ахуйн нэгж байгууллага стандартыг хэрэгжилтийг хангаагүй, орчны аюулгүй байдлыг бүрдүүлээгүй нийтлэг зөрчил илэрсэн тул барилгын чанарыг сайжруулах, аюул ослоос урьдчилан сэргийлэх чиглэлээр иргэн, аж ахуйн нэгж байгууллагуудад зөвлөмж - 5, албан мэдэгдэл -147-г хүргүүлэн хугацаатай үүрэг өглөө.

Хотын стандартыг хангуулахаар шалгалт хийж, зөвлөмж хүргүүлж байна.

Нийслэлийн Засаг даргын Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай захирамжийг хэрэгжүүлэхээр Хотын стандарт, хяналтын газраас Ажлын хэсэг байгуулсан. Тус Ажлын хэсэгт Нийслэлийн Засаг даргын хэрэгжүүлэгч 10 агентлаг, есөн дүүргийн 311 албан хаагч оролцон, хамтран ажиллаж байна. Энэ хүрээнд барилгын угсралтын үйл ажиллагаа эрхлэгч болон худалдаа, үйлчилгээ эрхлэгч 239 аж ахуйн нэгж, байгууллагад хяналт, шалгалт хийлээ. Улмаар барилгын угсралтын ажлын 91, худалдаа, үйлчилгээний чиглэлээр 71 зөвлөмжийг аж ахуйн нэгжид хүргүүлэв.

Мөн Хотын стандартыг хангуулах чиглэлээр хийсэн хяналт, шалгалтаар дараах нийтлэг зөрчил илэрлээ. Тодруулбал,
- Барилга угсралтын ажил гүйцэтгэхдээ техникийн болон хөдөлмөрийн аюулгүй байдлын стандарт хангаагүй;
- Барилгын түр хашаа стандартын шаардлага хангаагүй;
- Эрх бүхий байгууллагаас олгодог баримт бичгийн зөрчилтэй (архитектур төлөвлөлтийн даалгавар, загвар зураг, барилгын ажлын зөвшөөрөл гэх мэт);
- Барилгын эзэн, холбогдогч тодорхойгүй ба зогссон, царцсан;
- Барилгын гол хаалга, довжоо хөгжлийн бэрхшээлтэй иргэнд тохиромжтой налуу зам, хөтөч замгүй;
- Хог ангилан ялгах зориулалтын хогийн савгүй;
- Хурд сааруулагч, шаардлагатай тэмдэг тэмдэглэгээ байхгүй;
- Галын аюулгүй байдлын шаардлага хангалтгүй, агааржуулалт байхгүй;
- Эмийн сан, анхны тусламжийн хайрцаг байхгүй;
- Хоолны дээж авах стандарт хангалтгүй;
- Эрүүл ахуйн стандарт, шаардлага хангаагүй зэрэг зөрчил илэрсэн. Иймд 63 албан мэдэгдэл, 31 албан шаардлага хүргүүлэн ажиллалаа. Мөн эзэн нь тодорхойгүй 11 байгууламжид хууль, журмын дагуу арга хэмжээ авахаар болов.

Хууль, норм, дүрэм, стандартын хэрэгжилтийг хангуулж байна

Нийслэлийн Засаг даргын 2023 оны “Хууль, норм, дүрэм, стандартын хэрэгжилтийг хангуулах талаар авах зарим арга хэмжээний тухай” А/242 дугаар захирамжийн хэрэгжилтийг эрчимжүүлж, аж ахуйн нэгж байгууллагуудад барилгын чанар, стандартын хэрэгжилтийг хангуулах зөвлөмж хүргүүлэх ажлын хүрээнд дараах арга хэмжээг авч хэрэгжүүллээ.

Үүнд:
1. Хамтран ажиллах талаар уулзалт, хотын стандартын сургалт
Нийслэлийн Засаг даргын 2023 оны А/242 дугаар захирамжийн хавсралтаар батлагдсан нэгдсэн төлөвлөгөөнд тусгагдсан нийт 126 арга хэмжээний хэрэгжилтийг хангуулах үүрэг бүхий ажлын хэсгийг Хотын стандарт, хяналтын газар, Газрын даргын А/20 дугаар тушаалаар ажлын хэсэг байгуулж нийт 29 албан хаагч дүүрэг тус бүрт хувиарлагдан ажиллаж байна. Захирамжийн хэрэгжилтийг эрчимжүүлэх зорилгоор 2023 оны 04 дүгээр сарын 12-ны өдрөөс эхлэн 05 дугаар сарын 03 – ны өдрийн хооронд тус Газрын дарга С.Төмөрдулам аар ахлуулан нийслэлийн дүүргүүдэд арга зүйн зөвлөгөөгөөр ханган ажиллаж байна. Уулзалтын дагуу тухайн дүүрэг тус бүрт дүүргийн орлогч даргаар ахлуулсан дэд ажлын хэсэг байгуулан хийж хэрэгжүүлэх ажлын төлөвлөгөөг батлуулан ажилаж байна.

Нийслэлийн хэмжээнд нийт 565 гаруй удирдах албан тушаалтныг хамруулсан хотын стандартын танилцуулга сургалтыг хамтран зохион байгууллаа.

Энэхүү үйл ажиллагаа нь Улаанбаатар хотоо цэвэр, үзэмжтэй байлгах, эрүүл аюулгүй орчинд ажиллаж, амьдрах, хийж бүтээх нөхцлийг бүрдүүлэхийг холбогдох байгууллага, албан тушаалтнаас шаардах, хийж хэрэгжүүлэх ажил жилийн турш идэвхитэй өрнөнө.

2. Хяналт, шалгалт
Тус захирамжийн дагуу Барилгын чанар, стандартын хэрэгжилтийг хангуулах, хууль, норм дүрэм, стандартыг мөрдүүлэх, аюул ослоос урьдчилан сэргийлэх зорилгоор зөвлөмж, мэдэгдлийг дараах 5 чиглэлээр нийт 305 иргэн, аж ахуйн нэгж байгууллагуудад хүргүүлэн ажиллав. Үүнд:
- Барилга угсралтын чиглэлээр үйл ажиллагаа эрхлэгч барилгын ажил гүйцэтгэх тусгай зөвшөөрөлтэй ААНБ-87
- Барилга байгууламжийн зураг төсөл боловсруулах тусгай зөвшөөрөлтэй ААНБ-92
- Өргөх байгууламжийн тусгай зөвшөөрөлтэй мэргэжлийн ААНБ-76
- Барилгын материал үйлдвэрлэгч ААНБ-38
- Шингэрүүлсэн шатдаг хий буюу газ худалдаалагч болон орон сууцны нэгдүгээр давхарт хоол үйлдвэрлэл, үйлчилгээ эрхлэгч ААНБ-12

“БАРИЛЫН ЧАНАР, АЮУЛГҮЙ БАЙДАЛ, СТАНДАРТ” зөвлөгөөн боллоо

2023 оны 03 дугаар сарын 13-ны өдрийн Нийслэлийн удирдах ажилтнуудын ээлжит шуурхай зөвлөгөөн дээр Нийслэлийн Засаг дарга бөгөөд Улаанбаатар хотын захирагчаас өгсөн үүрэг даалгаварын дагуу Нийслэлийн нутаг дэвсгэр дэх барилга байгууламжийн чанар, аюулгүй байдал, стандарт, өнөөгийн нөхцөл байдлын талаар “Барилгын чанар, аюулгүй байдал, стандарт” сэдэвт зөвөлгөөн, хэлэлцүүлгийг нийслэлийн Захирагчийн ажлын алба; Хот байгуулалт, хөгжлийн газар; Хотын стандарт, хяналтын газар; Онцгой байдлын ерөнхий газар; зэрэг төрийн байгууллагууд хамтран нийслэлийн Төр, захиргааны цогцолборт зохион байгуулагдлаа.

Энэ зөвлөгөөнд Барилга, хот байгуулалтын яамны 23 төлөөлөл; Барилгын хөгжлийн төвийн төлөөлөл 10; Зам, тээвэр хөгжлийн яамны 2; Эдийн засаг, хөгжлийн яамны 2, Засгийн газрын хэрэг эрхлэх газраас 2, Онцгой байдлын ерөнхий газраас 5, Шинжлэх ухааны академийн Одон орон, геофизикийн хүрээлэнгийн Доктор, Мэргэжлийн холбоодын 62 төлөөлөл, Нутгийн захиргааны байгууллагын 23, 5н салбарын 53 байгууллага, 9 дүүргийн нийт 230 албан хаагчид оролцов.

Тус зөвлөгөөнөөр Иргэдийн эрүүл, аюулгүй орчинд амьдрах нөхцөлийг бүрдүүлэх зорилтын хүрээнд нийслэлийн нутаг дэвсгэр дэх барилга байгууламжийн чанар, аюулгүй байдал, стандарт болгон мөрдөгдөж байгаа хууль, эрх зүйн өнөөгийн байдал, анхаарах асуудлаар олон талт санал солилцон, хэлэлцэж цаашид авч хэрэгжүүлэх арга хэмжээ, ажлын төлөвлөгөө боловсруулан гаргах зорилготой юм.

Зөвлөгөөнд:
- “Улаанбаатар хот орчмын газар хөдлөлтийн нөхцөл байдал, цаашид хэрэгжүүлэх арга хэмжээ” сэдвээр Шинжлэх ухааны академийн Одон орон, геофизикийн хүрээлэнгийн Газар хөдлөл судлалын салбарын дарга, Доктор М. Өлзийбат;
- “Бүгд Найрамдах Турк Улсын газар хөдлөлт ба эрэн хайх, аврах ажиллагаа” сэдвээр Онцгой байдлын ерөнхий газрын дэд дарга,Бригадын генерал Б.Ууганбаяр;
- Монгол Улсын газар хөдлөлтийн гамшгаас хамгаалах чадавхыг бэхжүүлэх төслийн үр дүн ” сэдвээр “Жайка” Япон Улсын олон улсын хамтын ажиллагааны байгууллагын төлөөлөгч Б.Наранбаатар;
- “Улаанбаатар хотын барилга байгууламжийн газар хөдлөлтийг тэсвэрлэх чадавхийн үнэлгээ, дүгнэлт цаашид хэрэгжүүлэх арга хэмжээ” сэдвээр Хот байгуулалт, хөгжлийн газрын дарга Ц.Тулга;
- “Барилга байгууламжийг байнгын ашиглалтад оруулах үйл ажиллагааны өнөөгийн байдал, тулгамдаж буй асуудал, цаашид авах арга хэмжээний талаар” сэдвээр Хотын стандарт, хяналтын газрын дарга С.Төмөрдулам;
- “Улаанбаатар хотын нийтийн зориулалттай орон сууцны барилгын чанар, нийтлэг гарч буй зөрчил, өргөтгөлийн өнөөгийн байдал, цаашид хэрэгжүүлэх арга хэмжээ” сэдвээр Улаанбаатар хотын Ерөнхий менежер бөгөөд Захирагчийн ажлын албаны дарга М.Баяраа;
- “Барилгын материалын үйлдвэрлэл, ханган нийлүүлэлтийн өнөөгийн нөхцөл байдал, авч хэрэгжүүлж буй арга хэмжээ, чанар, аюулгүй байдал” сэдвээр Барилга, хот байгуулалтын яамны Барилгын материалын үйлдвэрлэлийн хэлтсийн дарга Д.Батзориг;
- “Барилга байгууламжийн зураг төсөл, зохиогчид тавигдаж буй хяналт” сэдвээр “Монголын барилгын зураг төсөл зохиогчдын холбоо” ТББ-ийн удирдах зөвлөлийн гишүүн, “Эдшил” ХХК-ний дэд захирал Г.Алдарсайхан;
- “Бүгд Найрамдах Турк Улсад болсон газар хөдлөлтийн урьдчилсан тайлан, сургамж” сэдвээр Монголын барилгын инженерүүдийн холбооны хүндэт ерөнхийлөгч, Монгол Улсын Зөвлөх Инженер, Доктор Э.Ганзориг;
нар илтгэл тавьж асуудал дэвшүүллээ.

Аж ахуйн нэгж, байгууллага нь 50 метр хүртэлх нийтийн эдэлбэр газрын хог хаягдал, цас, мөсийг цэвэрлэх үүрэгтэй

Хог хаягдлын тухай хуулийн 10.2.10-т зааснаар сум, дүүргээс тогтоосон нийтийн эдэлбэр газрын хил заагийн хог хаягдал, цас, мөсийг аж ахуйн нэгж, байгууллага цэвэрлэх үүрэгтэй.

ТИЙМЭЭС АЖ АХУЙН НЭГЖ, БАЙГУУЛЛАГУУД ЭРГЭН ТОЙРНЫ 50 МЕТР ХҮРТЭЛХ НИЙТИЙН ЭДЭЛБЭР ГАЗРЫН ХОГ ХАЯГДАЛ, ЦАС МӨСӨӨ ЦЭВЭРЛЭЖ ХАЛТИРГАА, ГУЛГАА, ОСЛООС УРЬДЧИЛАН СЭРГИЙЛЬЕ!

Хотын нэгдсэн стандартын хоёрдугаар хэсгийн төслийг хэлэлцлээ

Монгол Улсын нийслэл Улаанбаатар хотын эрх зүйн байдлын тухай хуулийг 27 жилийн дараа шинэчлэн батлуулж, тус хуульд хот нэгдсэн стандарттай байхаар тусгасан билээ. Энэ хүрээнд Улаанбаатар хотын нэгдсэн стандартын эхний хэсэг буюу есөн бүлэг, 38 стандартыг НИТХ-аар баталж, өнгөрсөн оны аравдугаар сарын 1-нээс мөрдөж эхэлсэн.

Тэгвэл нэгдсэн стандартын хоёрдугаар хэсэг буюу 29 стандартын төслийг боловсруулаад буй. Энэхүү төслийг холбогдох төрийн болон төрийн бус байгууллагуудад танилцуулах, мэргэжлийн бүх байгууллагын саналыг тусгах, оролцогч талуудын үндэслэл бүхий саналыг тусган цаг үеийн шаардлагад нийцүүлэх зорилгоор нийслэлийн нутгийн захиргааны байгууллагууд, иргэд, олон нийтийн дунд санал авах хэлэлцүүлгийг зохион байгууллаа. Энэ үеэр хөгжлийн бэрхшээлтэй иргэдэд хүртээмжтэй дэд бүтэц, гудамж, зам, барилга байгууламжийн хаягжилт, нийгмийн аюулгүй байдал, барилгын материал зэрэг 29 стандартын төслийг таван хэсэгт багцлан товч танилцуулж, холбогдох байгууллага, иргэдийн саналыг сонсож, хэлэлцүүлэг өрнүүлсэн юм.

Хэлэлцүүлэгт нийслэлийн нутгийн захиргааны байгууллагуудын холбогдох нэгж, төрийн бус байгууллага, мэргэжлийн холбоод, иргэд, аж ахуйн нэгжийн төлөөлөл 300 орчим хүн оролцож, санал, бодлоо хуваалцав.

"Хотын стандарт - Хотын үйлчилгээ" зөвлөгөөн зохион байгуулагдлаа

Улаанбаатар хотын нэгдсэн стандартын эхний есөн бүлгийн 38 стандартыг хэлэлцэн баталж, өнгөрсөн аравдугаар сарын 1-нээс мөрдөж эхэлсэн. Үүнтэй холбогдуулан нийслэлийн нутгийн захиргааны байгууллага, нийслэлийн өмчит аж ахуйн тооцоот байгууллагууд, дүүргүүдийн ЗДТГ, мэргэжлийн холбоод, худалдаа, үйлчилгээ эрхлэгч иргэн, аж ахуйн нэгжүүдэд хотын үйлчилгээний стандартыг танилцуулах, энэхүү стандартыг мөрдөж хэвшүүлэхийн ач холбогдлыг таниулах, санал солилцох салбар зөвлөгөөнийг өнөөдөр зохион байгууллаа.

Хотын үйлчилгээний стандартын зөвлөгөөнийг НЗДТГ-ын дарга И.Баатархүү нээж үг хэлэхдээ “Энэ хотод амьдарч буй хүн бүр ая тухтай, аюулгүй, хүртээмжтэй үйлчилгээг авах, ийм үйлчилгээг үзүүлэх нөхцөлийг бүрдүүлэх суурь нь энэ стандарт. Үнэ төлбөргүй, бүгдэд нээлттэй, ойлгомжтой энэ стандартыг хэрэгжүүлж, мөрдөхийн тулд бид шат дараатай ажлуудыг хийж, сурталчлан таниулах, санал солилцох зөвлөгөөнийг зохион байгуулж байна” хэмээв.

Энэ үеэр Хотын стандарт, хяналтын газрын дарга С.Төмөрдулам Улаанбаатар хотод үйлчилгээ явуулахад тавигдах стандартын тогтолцооны талаар танилцууллаа. Хотод үйл ажиллагаа явуулж буй худалдаа, хоол үйлдвэрлэл, ахуй болон зочлох үйлчилгээний байгууллага болон бусад аж ахуйн нэгжийн гадна орчин, хаягжилт, ногоон байгууламж, шат, ариун цэврийн өрөө зэргийг нэгдсэн байдлаар стандартчилснаар эмх цэгцтэй, цэвэр, тохилог орчин бүрдэхийн зэрэгцээ иргэдэд хүрэх үйлчилгээний чанар, хүртээмж дээшилж, болзошгүй эрсдэл буурна гэдгийг тэрбээр онцолж байлаа. Мөн шинэ, нэгдсэн стандартыг мөрдүүлэх, энэ хэм хэмжээний дагуу бүтээн байгуулалт, засвар үйлчилгээг хийж эхлээд буй талаар С.Төмөрдулам мэдээлэл өгөв.

Зөвлөгөөний үеэр мөн Монгол Улсын Ерөнхийлөгч У.Хүрэлсүхийн санаачилгаар хэрэгжиж буй “Эрүүл монгол хүн” үндэсний хөдөлгөөнийг танилцуулснаас гадна үйлчилгээний байгууллагын соёл, хүртээмж, тэр дундаа хөгжлийн бэрхшээлтэй иргэдийн хүртээмж, үйлчилгээний стандартыг хувийн хэвшилд хэрэгжүүлсэн туршлага, нөлөө, үр дүн зэрэг сэдвээр сонирхолтой мэдээллийг хүргэж, хэлэлцүүлэг өрнүүлэн, санал солилцов. Хотын стандартыг олон нийтэд таниулах, мэдээлэл түгээх зорилгоор зохион байгуулсан энэхүү зөвлөгөөн 400 гаруй холбогдох байгууллага, аж ахуйн нэгжүүдийн төлөөлөл юм.

Барилгын орчны аюулгүй байдал, стандартын талаар зөвлөлдлөө

Монгол Улсын нийслэл Улаанбаатар хотын эрх зүйн байдлын тухай хуулийг 27 жилийн дараа шинэчлэн баталсан нь хот стандарттай болох суурь нөхцөлийг бүрдүүлсэн юм. Улмаар эхний ээлжийн есөн бүлгийн 38 стандартыг хэлэлцэн баталж, өнгөрсөн аравдугаар сарын 1-нээс мөрдөж эхэлсэн билээ. Энэхүү хэм хэмжээ, стандартыг олон нийтэд таниулах, мэдээлэл өгөх зорилгоор холбогдох төрийн болон төрийн бус байгууллага, иргэдийн дунд Хотын стандартын нэгдсэн зөвлөгөөн болон дөрвөн удаагийн салбар зөвлөгөөнийг зохион байгуулж буй. Энэ хүрээнд өнөөдөр “Хотын стандарт, барилгын аюулгүй орчин” салбар зөвлөгөөн боллоо.

Зөвлөгөөний үеэр Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн хотын стандартын тогтолцооны талаар илтгэл тавьж, барилгын салбарын төлөөлөлд мэдээлэл өгсөн юм. Тэрбээр “Хотод амьдарч буй иргэдэд эрүүл, аюулгүй орчин бүрдүүлэх, энэ хүрээнд барилгын салбарт мөрдөж байгаа стандартын талаар мэдээлэл өгч байна. Стандартыг хэрэгжүүлж буй аж ахуйн нэгж, иргэд энэ талаар мэдээлэлтэй байх нь чухал. Тухайн орчинд амьдарч буй иргэдийн хяналт сайн байх тусам стандарт илүү хүртээмжтэй болно” хэмээлээ.

Зөвлөгөөнд нийслэлийн төр, захиргааны байгууллага, барилга угсралт, зураг төслийн чиглэлээр үйл ажиллагаа явуулдаг аж ахуйн нэгжийн төлөөлөл зэрэг нийт 250 орчим хүн оролцож, санал бодлоо хуваалцав. Түүнчлэн барилга, хот байгуулалтын салбарын тэргүүлэх мэргэжилтнүүд хотын батлагдсан стандартууд, стандартын тогтолцоог хөгжүүлэх төлөвлөгөө, иргэд, олон нийтийн оролцоо, барилгын орчны аюулгүй байдал, стандарт, норм дүрмийн талаар цогц мэдээллийг өгсөн юм.

"Хотын стандарт, хотын соёл" зөвлөгөөн боллоо

Хотын соёл гэж юу вэ? Амьдран буй хотынхоо иргэний хувьд ямар соёлыг төлөвшүүлэх вэ? Хотын хөгжилд залуус ямар оролцоотой байж, хэрхэн нөлөөлж чадах вэ? Эдгээр асуултын хариуг хамтдаа эрж хэлэлцсэн, сонирхолтой илтгэл, мэдээллийг залууст хүргэсэн “Хотын стандарт, хотын соёл” зөвлөгөөнийг өнөөдөр Соёлын төв өргөөнд зохион байгууллаа.

Монгол Улсын нийслэл Улаанбаатар хотод анх удаа батлан хэрэгжүүлж буй нэгдсэн цогц стандартыг таниулах, энэ талаар мэдээлэл өгөхөөр Хотын нэгдсэн стандартын зөвлөгөөний хүрээнд зохиож байгаа энэхүү арга хэмжээнд их, дээд долоон сургуулийн 700 орчим оюутан, нийслэлийн хороодын 300 зохион байгуулагч оролцсон юм.

Нийслэлийн Засаг даргын Захиргаа, хууль эрх зүйн асуудал хариуцсан ахлах зөвлөх Д.Мөнх-Эрдэнэ хотын шинэ стандарт, стандартыг хэрэгжүүлж мөрдөхийн ач холбогдлын талаар илтгэл тавьж, мэдээлэл өгсөн юм. Мөн “Хүний хөгжил” академийн лектор Н.Амарбаясгалан, ШУТИС-ийн Оюутны соёл, үйлчилгээний албаны ахлах мэргэжилтэн, доктор, дэд профессор Д.Цогзолмаа, ЦЕГ-ын Урьдчилан сэргийлэх хэлтсийн ахлах мэргэжилтэн, цагдаагийн хошууч Б.Батцэцэг нар хотын соёл, стандарт, аюулгүй байдлын тулгамдаж буй асуудал, сайн жишиг, шийдлийн талаар мэдээлэл өглөө.

Мөн зөвлөгөөний үеэр Хотын стандарт, хяналтын газраас хотын стандартын видео танилцуулгыг олон нийтэд хүргэсэн юм.

Хотын стандартын нэгдсэн зөвлөгөөн боллоо

Хотод амьдарч буй хэн бүхний хувьд ая тухтай, эрүүл, аюулгүй орчныг цогцлоох, учирч болзошгүй эрсдэлээс сэргийлэх, хотын өнгө төрх, төлөвлөлт, зохион байгуулалтыг эмх цэгцтэй болгох үндсэн суурь нь стандарт билээ. Амьдран буй орчноос эхлээд үйлчилгээ авах, зорчих гээд иргэдийн өдөр тутмын амьдралд нөлөөлөх эдгээр стандартыг тогтоох, мөрдөх нь нийгэм, эдийн засаг, байгаль орчинд олон давуу талыг бий болгоно. Монгол Улсын нийслэл Улаанбаатар хотын эрх зүйн байдлын тухай хуулийг 27 жилийн дараа шинэчлэн баталсан нь хот стандарттай болох нөхцөлийг бүрдүүлсэн юм. Эхний 9 бүлгийн 38 стандартыг баталсан нь 2022 оны аравдугаар сарын 1-нээс хэрэгжиж эхэлсэн билээ.

Энэхүү хэм хэмжээ, стандартыг таниулах, мэдээлэл өгөх, холбогдох төрийн болон төрийн бус байгууллагуудын дунд, урт хугацааны хамтын ажиллагааны цар хүрээг тодорхойлохоор Хотын стандартын нэгдсэн зөвлөгөөнийг өнөөдөр зохион байгуулж, хэлэлцүүлэг өрнүүллээ.

Сайжруулсан шахмал түлш хадгалалтын талаарх зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмж, сэрэмжлүүлгийг цувралаар хүргэж байгаа билээ.
Иргэд та бүхэн галлагааны улирал эхэлсэнтэй холбоотойгоор дараах зөвлөмжийн дагуу сайжруулсан шахмал түлшийг хадгалж, аюулгүй байдлаа хангахыг ЗӨВЛӨЖ байна.

САЙЖРУУЛСАН ШАХМАЛ ТҮЛШ ХАДГАЛАЛТ
1. Агааржуулалт сайтай, усанд норохгүй, чийг авахгүй нөхцөлд хадгалах;
2. Хурдан шатах, тэсрэх дэлбэрэх /хий, шингэн/ зүйлтэй ойр байлгаж хадгалахыг хориглоно.
3. Түлшний овоолго 1.5м-ээс өндөргүй, өргөн 5м-ээс илүүгүй байх шаардлагатай.

Угаарын хийнээс урьдчилан сэргийлэх талаарх зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмж, сэрэмжлүүлгийг цувралаар хүргэж байна.
Иргэд та бүхэн галлагааны улирал эхэлсэнтэй холбоотойгоор дараах зөвлөмжийн дагуу угаарын хийн хордлогоос урьдчилан сэргийлэх арга хэмжээ авч, аюулгүй байдлаа хангахыг ЗӨВЛӨЖ байна.

УГААРЫН ХИЙНЭЭС УРЬДЧИЛАН СЭРГИЙЛЭХ АРГА ХЭМЖЭЭ
Угаарын хий нь зуухан дотор агаарын эргэлт муутай, хүчилтөрөгч хангалтгүй нөхцөлд үүсдэг бөгөөд түлш шатаж эхлэх болон шатаж дуусаад гал бөхөх үед ихээр үүсдэг. Энэ үед яндангийн таталт сайн байх шаардлагатай. Яндангийн таталт муу байвал зуухны ам болон эвдрэл, гэмтлийн улмаас үүссэн завсар зайгаар гэр дотор угаарын хий тархаж уушгиар дамжин цусны урсгалд орж хүний бие махбодь, эд эсэд очих хүчилтөрөгчийн хэмжээг багасган аминд хүрэх эрсдэлийг бий болгодог.

Иймд угаарын хийд хордохоос урьдчилан сэргийлж дараах арга хэмжээг авах нь зүйтэй. Үүнд:
1. Хувийн сууцанд угаарын хий илрүүлэхэд зориулагдсан цахилгаан аппарат хэрэглэх шаардлагатай.
2. Зуухны гагнаас, холбоос, яндан, ханан пийшингийн худаг нь технологийн дагуу хийгдэж, угсрагдсан байх шаардлагатай.
3. Зуух, пийшинг үйлдвэрлэгчийн зааврын дагуу ашиглах, улирал бүр цэвэрлэж хөөлнө.
4. Зуух, пийшингийн аюулгүй ажиллагааг хангаж зөв суурилуулна.
5. Яндангаар ус орж, хөөг норгон лаг үүсгэх, яндан, ханан пийшингийн худгийг бөглөхөөс сэргийлэх арга хэмжээг авна.
6. Яндан, ханан пийшингийн бүх худгийг цэвэрлэж хөөлнө.
7. Галлагааг технологийн дагуу хийнэ.
8. Зуух пийшинд агаар өгөх агаарын нээлхийг бүрэн хаахгүй, тохиромжтой хэмжээний зай үлдээнэ.
9. Зуухны ам, үнсний тосгуур нь тал бүрдээ битүүмжлэгдсэн, шаталтыг тэтгэх, агаар сорох нүх нь зохих хэмжээнд байна.
10. Гэр, сууцанд тогтмол агааржуулалт хийх шаардлагатай.

Нийслэлийн Засаг даргын зөвлөлийн хурал боллоо

Нийслэлийн эрхзүйн байдлын тухай хуулийн 21.3-д “Нийслэл Улаанбаатар хот стандарттай байж болно” гэж заасны дагуу Нийслэлийн иргэдийн төлөөлөгчдийн хурлын тогтоолоор 9 бүлэг, 38 хотын стандартыг баталсан. Тогтоолын хэрэгжилтийг хангуулах ажлын хүрээнд нийслэлийн Засаг даргын А/851 дүгээр захирамж гарч хотын стандартыг иргэд олон нийтэд таниулан сурталчлах чиглэлээр нутгийн захиргааны байгууллагуудтай хамтран хэрэгжүүлэх 25 арга хэмжээг баталсан. Захирамжийн хэрэгжилтийг 2022 оны 10 сарын 18-ны өдрийн Нийслэлийн Засаг даргын зөвлөлын хуралд танилцууллаа. Төлөвлөгөөнд тусгагдсан ажил арга хэмжээг нутгийн захиргааны 21 байгууллагатай хамтран хэрэгжүүлж, биелэлт 87 хувийн гүйцэтгэлтэй байна.

Хотын стандартын тогтолцоог хөгжүүлэхэд чиглэгдсэн дараах арга хэмжээнүүдийг хэрэгжүүлэхээр боллоо. Үүнд:

1. Нийслэлийн хэмжээнд хотын стандартын нэгдсэн зөвлөгөөн зохион байгуулах. Зөвлөгөөнд төр хувийн хэвшлийн иргэн, аж ахуйн нэгж, байгууллагыг хамруулна.
2. Төсөл арга хэмжээг төлөвлөхдөө хотын стандартын хэм хэмжээг баримтлах
3. Хотын стандартыг мөрдүүлэх талаар хэрэгжүүлсэн ажлын үр дүнг Нийслэлийн нутгийн захиргааны байгууллагуудын ажлыг үнэлэх шалгуур үзүүлэлтэд тусгах

Яндан зуухны цэвэрлэгээний зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмж, сэрэмжлүүлгийг цувралаар хүргэж байна.

Иргэд та бүхэн галлагааны улирал эхэлсэнтэй холбоотойгоор дараах зөвлөмжийн дагуу зуух, яндангийн цэвэрлэгээг зөв хийж, аюулгүй байдлаа хангахыг ЗӨВЛӨЖ байна.

Зуухны цэвэрлэгээ:
1.Зуухыг галлах бүрд үнсний савыг цэвэрлэх шаардлагатай.
2.Түлшний шаталтын явцад агаар өгөлтийг сайжруулахын тулд өдөрт нэгээс доошгүй удаа үнсний савыг цэвэрлэнэ.
3.Ул ширэмний зай, завсар зуухны доод ханыг тогтмол цэвэрлэнэ.
4.Нээлхий болон бөглөөг нээхэд хялбар сойз болон үлдэгдлийг хусах, хамах хэрэгслийг ашиглан утааны хийн талаас бүх гадаргууг шалгаж цэвэрлэнэ.

Яндангийн цэвэрлэгээ:
1. Хатуу түлш хэрэглэж байгаа тохиолдолд 2 сард нэг удаа, шингэн болон хийн түлш хэрэглэдэг бол 3 сард нэг удаа яндангийн цэвэрлэгээг тогтмол хийх;
2. Янданд ус, бороо, цас болон гадны биет орохоос хамгаалсан малгай хийнэ.

Хоёрдугаар ээлжийн хотын стандартыг батлуулах ажлын хэсэг хуралдлаа

Нийслэлийн Иргэдийн Төлөөлөгчдийн хурлын 2022 оны 03 дугаар сарын 24-ний өдрийн хуралдаанаар Нийслэл хотод мөрдүүлэх эхний ээлжийн 9 бүлгийн 38-н хотын стандартыг хэлэлцэн баталсан.
Нийслэлийн Засаг даргын 2022 оны А/1305 дугаар захирамжаар хоёрдугаар ээлжийн хотын стандартыг батлуулах ажлын хэсгийг байгуулсан. Тус ажлын хэсгийг Нийслэлийн Засаг даргын Захиргаа, хууль эрх зүйн асуудал хариуцсан Ахлах зөвлөх Д.Мөнх-Эрдэнэ ахлан ажиллахаар болсон. Ажлын хэсэг нь 2022 оны 10 дугаар сарын 13-ны өдөр хуралдаж 12 бүлгийн 29 стандартыг батлуулах ажлын төлөвлөгөөг хэлэлцэв. Төлөвлөгөө ёсоор 2022 онд багтаан хоёрдугаар ээлжний хотын стандартыг Нийслэлийн Иргэдийн Төлөөлөгчдийн хурлаар батлуулахаар шийдвэрлэв. Хотын стандартын төслүүдийг холбогдох төрийн болон төрийн бус байгууллагууд, аж ахуй нэгжүүдэд танилцуулж хэлэлцүүлэг байгуулахаар боллоо.

Утааны яндан суурилуулалт, яндан зуухны холболтын талаарх зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмжийг цувралаар хүргэж байгаа билээ.

Иргэд та бүхэн галлагааны улирал эхэлсэнтэй холбоотойгоор дараах зааврын дагуу яндан суурилуулалт, яндан зуухны холболтыг зөв хийсэн эсэхээ шалгаж, аюулгүй байдлаа хангахыг ЗӨВЛӨЖ байна.

- Яндан өрөхөд хэрэглэгдэх тоосго нь ан цав үүсээгүй, бат бөх чанартай байх шаардлагатай.
- Яндангийн диаметр 100 мм, гэрийн тооно болон барилгын дээврээс 700 мм-ээс дээш илүү гарахаар өндөр байх шаардлагатай.
- Утааны яндангийн өндрийг үнсний сараалжны түвшингээс яндангийн дээд амсар хүртэл 5 м-ээс багагүй байхаар төлөвлөнө.
- Дээврийн орой ба хашлаганаас 1.5 м хүртэл зайнд утааны яндан байршуулах үед дээврийн орой ба хашлаганаас дээш 500 мм-ээс багагүй байхаар хийнэ.
- Дээврийн орой ба хашлаганаас 1.5-3.0 м-ийн зайнд байрлуулах үед дээврийн орой ба хашлаганаас намгүйгээр хийнэ.
- Дээврийн оройгоос 3 м-ээс хол зайд байрлуулах үед оройгоос хавтгайд 100-ийн налуугаар доош татсан шулуунаас доошгүйгээр шийднэ.
- Утаааны яндантай зэрэгцээ байхаар угсрагдсан агаар сорох сувгийг түүнтэй тэнцүү өндөртэй байхаар төлөвлөнө.
- Яндангийн холбоос болон ханан пийшинд холбогдож буй хэсэг нь утаа сийгэж гарахааргүй битүүмжлэл сайтай байх шаардлагатай.
- Янданг холбохдоо утаа урсан гарахад холбоосын завсар зайгаар утаа алдагдахгүй байхаар дээд талын хэсгийг доод хэсгийн амсарт дээрээс нь доош углаж холбоно.
- Зуухыг ханан пийшинд холбохоос өмнө утаа таталтыг сайтар шалгана.
- Яндангийн хэвтээ холболтын хувьд хийн хоолойн холбогчийн урт 80 мм-ээс, босоо холболтын хувьд доод тал нь 25 мм-ээс тус тус доошгүй байна.
- Яндангийн дугуйрсан холболт хөөгөөр бөглөрдөг учир уг холболтыг хийхийг хориглоно.
- Ханан пийшинд зуухыг суурилуулахдаа зуухнаас пийшинд холбогдох холбоосыг хэт гүнзгий суулгаж болохгүй. Гүн суулгасан тохиолдолд уг холбоос яндангийн таталтыг бууруулах, амархан бөглөрөх эрсдэлтэй.
- Утааны янданг эгц босоо байдлаар, 120 мм-ээс багагүй зузаантай тоосго эсвэл 60 мм-ээс багагүй зузаантай, халуунд тэсвэртэй бетоноор, суурь болон яндангаа 250 мм-ийн гүнтэй цэвэрлэх зориулалтын хаалга бүхий нүх гаргаж төлөвлөнө.

Зуухны галлагааны талаарх зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмжийг цувралаар хүргэж байна.

Иргэд та бүхэн галлагааны улирал эхэлсэнтэй холбоотойгоор дараах зааврын дагуу зуух, пийшингээ зөв галлаж, аюулгүй байдлаа хангахыг ЗӨВЛӨЖ байна.

Сайжруулсан шахмал түлшийг хэрэглэх зуухны суурилуулалтын талаарх зөвлөмж

2022-2023 оны өвөлжилтийн бэлтгэл хангах ажлын хүрээнд монгол гэр болон түүнтэй адилтгах сууцанд ашиглах зуух, пийшингийн зөв зохистой хэрэглээ, аюулгүй байдал, сайжруулсан шахмал түлшний галлагаа болон угаарын хийн хордлогоос урьдчилан сэргийлэх зөвлөмжийг цувралаар хүргэж байна.

Иргэд та бүхэн галлагааны улирал эхэлсэнтэй холбоотойгоор дараах зааврын дагуу зуух пийшингээ зөв суурилуулсан эсэхээ шалгаж, аюулгүй байдлаа хангахыг ЗӨВЛӨЖ байна.

Зуух, пийшингийн суурилуулалт:
 • Зуух пийшинг тэгш хөдөлгөөнгүй хэсэгт галд тэсвэртэй үл шатах материал дээр байршуулна.
 • Ханан пийшингийн зуух холбох хэсэг нь яндангийн таталтад сөрөг нөлөөлөхөөргүй утаа чөлөөтэй урсаж байх нөхцөлийг хангасан эргэлт булан тохой багатай байна.
 • Бүх гадаргуу нь жигд ялангуяа доод хэсэг болон сүүлийн худгууд нь аль болох сайн халж хоногийн бүх хугацаанд буюу дараагийн галлагаа хүртэл сууцны халаалтыг жигд барьж байх ёстой.

Цаашид дараах зөвлөмжийг цувралаар хүргэнэ. Үүнд:
1.Сайжруулсан зуух, уламжлалт зуух болон ханан пийшингийн зуухны галлагаанд тавигдах шаардлага;
2.Яндан суурилуулалт, яндан зуухны холболт, яндангийн зохистой өндөр;
3.Зуух, яндангийн цэвэрлэгээ;
4.Угаарын хийнээс урьдчилан сэргийлэх арга хэмжээ;
5.Сайжруулсан түлшний хадгалалт, нөөцлөлт.

Хотын стандартын сэдэвчилсэн сургалт зохион байгууллаа

Ногоон байгууламж, цэцэрлэгжүүлэлт, тохижилт үйлчилгээний чиглэлээр үйл ажиллагаа эрхлэгч иргэн, аж ахуйн нэгж байгууллагууд болон хот нийтийн аж ахуйн чиглэлээр үйл ажиллагаа явуулдаг ОНӨААТҮГ-уудад хотын стандартын сэдэвчилсэн сургалтыг Улаанбаатар хотын Захирагчийн ажлын албатай хамтран 2022 оны 09 дүгээр сарын 16-ны өдөр зохион байгууллаа.

Шударга өрсөлдөөн хэрэглэгчдийн төлөө газартай Хотын стандартын тогтолцооны талаар болон цаашид хэрэгжүүлэх ажлуудын талаар санал солилцох уулзалт зохион байгуулагдав.

Уулзалтаар хотын стандартыг мөрдүүлэх, хяналт тавих, цаашид боловсруулагдах хотын стандартуудад ШӨХТГ-с санал өгч хамтран ажиллах мөн Нийслэлийн нутаг дэвсгэрт байрлаж буй Зар сурталчилгааны байгууламжууд болон албан байгууллагын хаягжилтын стандартыг мөрдүүлэх аяны хүрээнд хамтран хяналт шалгалт хийх, худалдаа, үйлчилгээний байгууллагуудад хөгжлийн бэрхшээлтэй иргэдийн зорчих зам, шатны стандартыг хангуулах зэрэг асуудлуудаар хамтран ажиллахаар боллоо.

Хотын стандартын видео контент бүтээх урилга

SDG Open Day 2022 “ТОГТВОРТОЙ ХӨГЖЛИЙН ЗОРИЛГО” нээлттэй өдөрлөг зохион байгуулагдлаа

SDG open day 2022 “ТОГТВОРТОЙ ХӨГЖЛИЙН ЗОРИЛГО” нээлттэй өдөрлөг 2022.09.10-ны өдөр Сүхбаатарын талбайд амжилттай зохион байгуулагдаж өндөрлөлөө. Нэгдсэн Үндэстний Байгууллагаас зохион байгуулсан энэхүү өдөрлөгт Хотын стандарт, Хяналтын газар нь Тогтвортой хөгжлийн 11 дэх зорилго болох “Ээлтэй хот, иргэдийн оролцоог дэмжих” зорилгын дор нэгдэж “Алсын хараа 2050” Монгол улсын урт хугацааны хөгжлийн бодлого болон Тогтвортой хөгжлийн зорилгыг хангахад хувь нэмрээ оруулж буй 9 бүлгийн 38 хотын стандартыг олон нийтэд сурталчлан таниулж, иргэдийн стандартын талаарх мэдлэг ойлголтыг сайжруулах чиглэлээр ажиллалаа.

#ТХЗНээлттэйӨдөрлөг2022 #SDGOpenDay2022 #SDG11 #UlaanbaatarCityStandard

Хотын стандартын сургалт боллоо

Баянгол, Налайх дүүргүүдэд аялал жуулчлал, зочид буудлын үйл ажиллагаа эрхлэгч 120 иргэн, аж ахуйн нэгж байгууллагуудад Хотын стандартын тогтолцоо, Хот суурин газрын цэцэрлэгжүүлэлт, ногоон байгууламжийн төлөвлөлт, Нийтийн бие засах газрын төлөвлөлт байгуулалт, Хог хаягдлыг цуглуулах, ангилах, хадгалах, тээвэрлэх арга зүйн удирдамж баримт бичгүүдийг танилцуулах сургалтыг Нийслэлийн аялал жуулчлалын газар, Баянгол дүүргийн Засаг даргын Тамгын газрын Хүнс худалдаа үйлчилгээний хэлтэстэй хамтран зохион байгууллаа.

Хотын стандартыг мөрдүүлэх, бэлтгэл арга хэмжээний төлөвлөгөөг Нийслэлийн Засаг дарга баталлаа.

Нийслэлийн иргэдийн Төлөөлөгчдийн хурлаар 2022.03.24-ний өдрийн 18, 19, 20, 21, 22, 23, 24, 25, 26 дугаар тогтоолоор баталсан 9 бүлгийн 38 "Хотын стандарт"-ыг мөрдүүлэх, бэлтгэл арга хэмжээний төлөвлөгөөг Нийслэлийн Засаг дарга 2022.06.23-ны өдрийн А/851 дүгээр захирамжаар баталж, төлөвлөгөөний хэрэгжилтийг холбогдох нутгийн захиргааны байгууллагууд биелэлт, үр дүнг 2022.09.15-ны өдрийн дотор Нийслэлийн зөвлөлийн хуралд танилцуулахаар боллоо.

Хан-Уул дүүргийн худалдаа, үйлчилгээ эрхлэгчдэд Хотын шинэ стандартын талаар мэдээлэл өглөө

Нийслэлийн нутаг дэвсгэрт худалдаа, үйлчилгээ эрхлэгч иргэн, аж ахуйн нэгж, байгууллагуудад худалдаа, үйлчилгээний хотын стандартыг танилцуулах, сурталчлан таниулах, арга зүйгээр хангах сургалтыг 2022 оны 06 дугаар сарын 10-ны өдөр Хан-уул дүүргийн Засаг даргын тамгын газартай хамтран зохион байгууллаа. Сургалтад Хан-уул дүүргийн худалдаа, үйлчилгээ эрхлэгч иргэн, аж ахуйн нэгж байгууллагын 200 төлөөлөл хамрагдав.

Хан-Уул дүүрэгт 1600 орчим аж ахуй нэгж үйл ажиллагаа эрхэлдэг. Тус дүүргийн Хүнс, худалдаа, үйлчилгээний хэлтсээс аж ахуй нэгжүүдтэйгээ тогтмол холбогдож, шаардлагатай мэдээллийг цаг алдалгүй өгч, холбогдох хууль, дүрэм, стандартын хэрэгжилтийг хангуулахаар ажилладаг байна. Энэ талаар Хан-Уул дүүргийн ЗДТГ-ын Хүнс, худалдаа, үйлчилгээний хэлтсийн дарга Л.Саруултуяа “Өнөөдөр зөвхөн архи, согтууруулах ундаа худалдан борлуулдаг, түүгээр үйлчилдэг аж ахуй нэгжүүдийн төлөөлөл сургалтад оролцлоо. Өмнө нь аж ахуй нэгжүүд маань маш олон төрлийн стандарт мөрддөг байсан. Шинээр баталсан стандарт нь өмнөх стандартуудыг нэгтгэж, илүү ойлгомжтой байдлаар гарсан. Тиймээс аж ахуйн нэгжүүд стандартыг мөрдөхөд илүү амар, хялбар болсон. Цаашид бусад аж ахуй нэгжид бүсчилсэн хэлбэрээр стандартын талаар мэдээлэл, ойлголтыг өгнө” хэмээв.

Хотын стандартын 33 төсөлд санал авч эхэллээ

Монгол Улсын нийслэл Улаанбаатар хотын эрх зүйн байдлын тухай хууль шинэчлэн батлагдсанаар иргэдийн эрүүл, аюулгүй орчинд амьдрах эрхийг хангах зорилтын хүрээнд хотын стандартыг бий болгон, мөрдүүлэх эрх зүйн орчин бүрдсэн. Энэхүү хуулийн хэрэгжилтийг хангуулахаар 22 бүлгийн 97 хотын стандартын төслийг боловсруулж, эхний ээлжийн 9 бүлгийн 38 стандартыг НИТХ-аар гуравдугаар сарын 24-ний өдөр хэлэлцүүлэн батлууллаа. Дээрх стандартуудыг 2022 оны аравдугаар сарын 1-нээс нийслэлийн хэмжээнд мөрдүүлэхээр шийдвэрлэсэн. Цаашид хотын стандартын тогтолцоог бий болгон хөгжүүлэхэд шаардлагатай дараах хотын стандартын 11 бүлгийн 33 төсөлд мэргэжлийн байгууллага, иргэд, олон нийтээс санал авч байна. Та бүхэн санал асуулгад идэвхтэй оролцоно уу.

О.Оджаргал: Явган хүний зам хамгийн аюулгүй байх ёстой

-Нийслэлд явган хүний замаар зорчдоггүй нэг ч хүн байхгүй. Гэрээс гарч, машинаас буугаад л явган хүний замаар зорчиж, зорьсон газартаа хүрдэг. Тэгэхээр явган хүний замын стандарт хамгийн чухал. Явган хүний зам бол хамгийн аюулгүй орчин байх ёстой. Явганаар зорчиж байгаад гэмтэж бэртэх тохиолдол гаргахгүйн тулд аюулгүйн шаардлага нэн түрүүнд тавигдана. Нөгөөтээгүүр тусгай хэрэгцээт иргэдэд зориулсан хэсэг заавал байх учиртай. Авто зам, явган хүний замын уулзвар болон өндөржилтийн зөрүүтэй замд налуу гаргахаас эхлээд харааны бэрхшээлтэй болон тэргэнцэртэй иргэд зорчиход зориулсан стандартыг боловсруулсан. Тэдэнд зориулсан хөтөч хавтан байршуулахаас эхлээд стандартад нарийвчлан заасан байдаг. Хөтөч шар хавтан гэхэд л тасралтгүй үргэлжлэх холбоосоор холбогдсон байх ёстой. Тэгж байж харааны бэрхшээлтэй иргэдэд хөтөч болдог онцлогтой.

НИТХ-ын чуулганаар "ХОТЫН СТАНДАРТ"-ын эхний 9 бүлэг, 38 стандартыг баталлаа

Хотын стандарт, хяналтын газар нь 2019 онд байгуулагдсан цагаасаа хойш "иргэдийн эрүүл, аюулгүй орчинд амьдрах эрхийг хангах, хотын стандартын тогтолцоог бүрдүүлэх" зорилгоор дэлхийн жишиг хотуудын стандарт, нормыг Улаанбаатар хотод тулгамдаж буй өнөөгийн нөхцөл байдалтай уялдуулан судалж 22 бүлэг сэдвийн хүрээнд 97 хотын стандартыг боловсруулсан. Өнөөдөр буюу 2022 оны 03 дугаар сарын 24-ний өдөр дээрх стандартуудын эхний ээлж болох 9 бүлгийн 38 хотын стандартыг Нийслэлийн Иргэдийн Төлөөлөгчдийн хурлаар 100%-ийн саналаар амжилттай батлууллаа. Хотын стандартыг боловсруулах ажил 2019 оноос эхэлсэн бөгөөд Нийслэлийн Засаг даргын 2021 оны А/1033 дугаар захирамжаар Нийслэлийн Засаг даргын Цахим хөгжил, хууль, эрх зүй, төрийн үйлчилгээний асуудал хариуцсан Орлогч Р.Дагва-аар ахлуулсан ажлын хэсэг 3 сарын турш хянан тохиолдуулж иргэд, олон нийтээс санал авсны үндсэн дээр Нийслэлийн Иргэдийн Төлөөлөгчдийн Хуралд өргөн барьж хэлэлцүүлсэн. Дээрх стандартуудыг нийслэлийн ажил, амьдралд хэрэгжүүлснээр нийгэм, эдийн засаг, хүрээлэн буй орчинд олон талын эерэг үр нөлөө үзүүлнэ гэж нийслэлийн удирдлага болон хотын стандартыг боловсруулсан хамт олны зүгээс үзэж байна. Хотын стандартыг боловсруулж батлуулахад оролцож дэмжлэг үзүүлсэн нийслэлийн Иргэдийн Төлөөлөгчдийн хурлын төлөөлөгчид, эрдэмтэд, мэргэжлийн судлаачид, төрийн албан хаагчид, санал өгч хамтран ажилласан төрийн болон төрийн бус байгууллагууд, иргэд, олон нийтдээ талархал дэвшүүлье. Шинэ стандарт 2022.10.01-нээс мөрдөгдөж эхлэхээр тусгажээ.

Хотын стандартуудыг боловсруулж, батлуулах Ажлын хэсэг хуралдлаа

Монгол Улсын нийслэл Улаанбаатар хотын эрх зүйн байдлын тухай хууль шинэчлэн батлагдсантай холбогдуулан нийслэлийн иргэдийн эрүүл, аюулгүй, ая тухтай амьдралын орчин, хэрэглэх бүтээгдэхүүн, үйлчилгээний чанарын шаардлагыг хангахад чиглэсэн хотын стандартыг боловсруулан батлуулж хэрэгжүүлэх ёстой. Дээрх хуулийг хэрэгжүүлэхийн тулд Нийслэлийн Засаг даргын 2021 оны 12 дугаар сарын 28-ны өдрийн А/1033 дугаар захирамжаар Ажлын хэсэг байгуулагдаж хотын стандартыг боловсруулж батлуулахаар ажиллаж байна. Ажлын хэсгийг Нийслэлийн Засаг даргын Цахим хөгжил, хууль, эрх зүй, төрийн үйлчилгээний асуудал хариуцсан орлогч Р.Дагва ахлан ажиллаж байгаа юм. Өнөөдөр тус ажлын хэсэг хуралдаж Хотын стандарт, хяналтын газраас 2020-2021 онд судлан боловсруулсан хотын стандартын 97 төрлийн баримт бичгийн төслийг хэлэлцэж Нийслэлийн Иргэдийн Төлөөлөгчдийн хурлаар батлуулах арга хэмжээний төлөвлөгөөг хэлэлцлээ.

Нийслэлийн жижиг, дунд үйлдвэр, худалдаа, үйлчилгээ эрхлэгчдийн эрх ашгийг хамгаалах зөвлөл хуралдлаа

Нийслэлийн Засаг дарга “Бизнес эрхлэх таатай орчныг бүрдүүлж, авлига, хүнд суртлыг бууруулах талаар авах зарим арга хэмжээний тухай” А/987 дугаар захирамж гарган хэрэгжилтийг хангахаар зөвлөл байгуулсан. Тэгвэл Нийслэлийн жижиг, дунд үйлдвэр, худалдаа, үйлчилгээ эрхлэгчдийн эрх ашгийг хамгаалах зөвлөл өнөөдөр анхны хурлаа хийлээ. Хуралдаанаар Нийслэлийн Газар зохион байгуулалтын албанаас иргэн хуулийн этгээдэд үзүүлж буй 44 төрлийн үйлчилгээ, Нийслэлийн Эрүүл мэндийн газраас олгож буй найман төрлийн зөвшөөрөл болон Улаанбаатар хотын Захирагчийн ажлын албанаас олгодог нийслэлийн нутаг дэвсгэрт согтууруулах ундаа худалдах, түүгээр үйлчлэх тусгай зөвшөөрлийн талаар хэлэлцсэн юм. Ингэхдээ хуулиар зохицуулдаг тусгай зөвшөөрлийн шат дамжлага, хүнд суртлыг хэрхэн бууруулах вэ, иргэдэд төрийн үйлчилгээг чирэгдэлгүй хүргэх тал дээр ямар саналтай байгаагаа зөвлөлийн гишүүд ярилцлаа. Тухайлбал, Нийслэлийн Газар зохион байгуулалтын албанаас олгодог 44 үйлчилгээний 20 үйлчилгээг цахимаар шууд авах боломжтой болсон бөгөөд 16 үйлчилгээнд тодорхой материал бүрдүүлэх шаардлага үүссэн байна. Тус 16 үйлчилгээнд нийтдээ 186 төрлийн хавсралт шаарддаг байдлыг үе шаттайгаар халж, эхний ээлжид 109 хавсралтыг хасах боломжтой байгааг Нийслэлийн Газар зохион байгуулалтын албаны орлогч дарга Б.Загдсамбар танилцуулж байв.